no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុនបច្ចេកវិទ្យាយក្ស Samsung នឹងផ្គត់ផ្គង់បន្ទះឈីបស្វ័យប្រវត្តិសម្រាប់ក្រុមហ៊ុនរថយន្ត Audi

ក្រុមហ៊ុនបច្ចេកវិទ្យាយក្ស Samsung Electronics បានបញ្ជាក់នៅថ្ងៃទី 3 ខែមករានេះថា ខ្លួនសម្រេចនូវកិច្ចព្រមព្រៀងជាមួយនឹងក្រុមហ៊ុនផលិតរថយន្តរបស់អាល្លឺម៉ង់ Audi ក្នុងការផ្គត់ផ្គង់នូវបន្ទះឈីបស្វ័យប្រវត្តិ (automotive processors) ដែលរចនាឡើងសម្រាប់ការផ្តល់ព័ត៌មាន និងប្រព័ន្ធកម្សាន្តនៅក្នុងរថយន្តនេះ។ ក្រុមហ៊ុនផលិតបន្ទះឈីបរបស់ប្រទេសកូរ៉េខាងត្បូងនេះ ដែលប្រកាសបង្ហាញនូវបន្ទះឈីបស្វ័យប្រវត្តិនេះនៅក្នុងខែតុលាឆ្នាំមុននេះ បាននិយាយថា បន្ទះឈីប Exynos Auto V9 នឹងក្លាយជាដំណោះស្រាយទៅលើប្រព័ន្ធផ្តល់ព័ត៌មាននៅក្នុងរថយន្តសម្រាប់រថយន្តជាច្រើនរបស់ក្រុមហ៊ុន Audi ដែលផ្តល់នូវព័ត៌មានជាច្រើនផ្សេងៗគ្នារួមទាំងប្រព័ន្ធមាតិកាកម្សាន្តថែមទៀត។ 

នៅក្នុងដំណោះស្រាយនៃ IVI នៅលើបន្ទះឈីប Exynos Auto V9 នេះ អ្នកបើកបរជាច្រើននឹងទទួលបាននូវព័ត៌មានលម្អិតអំពីលក្ខខណ្ឌនៃរថយន្តនៅលើពេលវេលាជាក់ស្តែងតែម្តង។ បន្ទះឈីប Exynos Auto V9 នឹងដំណើរការនូវដំណោះស្រាយ IVI ក្នុងការគ្រប់គ្រងទៅលើអេក្រង់ចំនួន 6 នៅក្នុងរយៈពេលដូចគ្នា និងការទ្រទ្រង់នូវកាមេរ៉ាចំនួន 12 ថែមទៀត នេះបើតាមការបញ្ជាក់របស់ Samsung។ ជាមួយនឹងការបំពាក់នូវក្រាហ្វិកកាតចំនួន 3 នោះ មានសមត្ថភាពក្នុងការដំណើរការនូវកម្មវិធីច្រើននៅក្នុងពេលជាមួយគ្នាថែមទៀត។ សម្រាប់បន្ទះឈីបសរសៃប្រសាទនេះ អាចធ្វើការដំណើរការទិន្នន័យ និងការទទួលបានទិន្នន័យយ៉ាងឆាប់រហ័សដូចជាសំលេងរបស់អ្នកបើកបរ ផ្ទៃមុខ និងចលនាជាច្រើនរបស់អ្នកបើកបរដើម្បីផ្តល់ព័ត៌មានកាន់តែប្រសើរ។

ក្រុមហ៊ុន Samsung បាននិយាយថា ខ្លួននឹងបន្តក្នុងការបញ្ចេញនូវបន្ទះឈីបស្វ័យប្រវត្តិផ្សេងៗគ្នាសម្រាប់ការប្រើប្រាស់នៅលើផ្លូវជាមួយនឹងមុខងារជាច្រើនផ្សេងៗគ្នារួមមានប្រព័ន្ធជូនដំណឹងអ្នកបើកបរកម្រិតខ្ពស់ Advanced Driver Assistance System ដែលអាចជូនដំណឹងទៅកាន់អ្នកបើកបរបាននៅពេលដែលមានហានិភ័យកើតឡើងនោះ៕

no-alternative title
ព័ត៌មានពាណិជ្ជកម្ម