កាលពីឆ្នាំមុននេះ នៅក្នុងព្រឹត្តិការណ៍ពិពរណ៍ Tokyo Motor Show នេះ ក្រុមហ៊ុនផលិតរថយន្ត Nissan បានបង្ហាញនូវគំនិតនៃរថយន្តអេឡិចត្រូនិច IMX Crossover បន្ទាប់ពីរថយន្ត IMX Kuro ដែលដាក់បង្ហាញនៅក្នុង Geneva។ នៅក្នុងព័ត៌មានចុងក្រោយដែលយើងបានទទួលនេះ រថយន្តស៊េរីថ្មីនេះ នឹងបង្ហាញខ្លួននៅក្នុងឆ្នាំ 2020 ឬ 2021។ តាមការបញ្ជាក់របស់ AutoGuide ក្រុមហ៊ុន Nissan ក៏បានស្នើសុំនូវ Trademarks ទៅកាន់ការិយាល័យកម្មសិទ្ធិបញ្ញាអ៊ឺរ៉ុបសម្រាប់ ‘IMQ’ និង ‘IMS’ ។
សម្រាប់សំណើរទាំងពីរនេះ គឺមានដាក់ស្នើសុំនៅក្នុងខែនេះ សម្រាប់ការប្រើប្រាស់នាពេលអនាគត។ តើឈ្មោះនេះ អាចនឹងប្រើប្រាស់សម្រាប់រថយន្តស៊េរីថ្មីនាពេលខាងមុខរបស់ក្រុមហ៊ុននេះទេ? យើងនៅមិនទាន់ច្បាស់នោះទេថាតើរថយន្តឈ្មោះ ‘IMX’ នេះអាចនឹងបង្ហាញខ្លួននៅក្នុងពេលណានោះ។ ហេតុផលនៃការប្រើប្រាស់ឈ្មោះថា ‘IM’ គឺដោយសារតែវាមកពីពាក្យថា ‘Intelligent Mobility’ សម្រាប់ដំណាងអោយភាពឆ្លាតវៃ។ សម្រាប់ IMX គឺសម្រាប់រថយន្តអេឡិចត្រូនិច all-wheel drive electric crossover។ សម្រាប់ ‘S’ នៅក្នុង ‘IMS’ គឺដំណាងអោយពាក្យថា ‘Sport’? ។
ក្រុមហ៊ុន Nissan និង Infiniti ក៏បានត្រៀមខ្លួនក្នុងការបង្ហាញនូវគំនិតរថយន្តស៊េរីថ្មីរបស់ខ្លួននៅក្នុងព្រឹត្តិការណ៍ពិពរណ៍ Detroit និង Geneva ដែលនឹងប្រារព្ធធ្វើឡើងនៅខែក្រោយនេះ។ សម្រាប់គំនិតនៃរថយន្ត IMX នេះគឺពិតជាអស្ចារ្យមែនទែន។ សម្រាប់រថយន្តនេះប្រើប្រាស់នូវម៉ូទ័រអេឡិចត្រូនិចពីរដែលមានកម្លាំងដល់ទៅ 429 សេះ និងកម្លាំងរមួល 517 lb-ft ។ រថយន្តនេះប្រើប្រាស់នូវថាមពលថ្មប្រភេទលីចូម lithium-ion។
ក្រុមហ៊ុន Nissan បាននិយាយថា រថយន្តនេះអាចធ្វើដំណើរដល់ទៅ 372 ម៉ាយ៍សម្រាប់ការបញ្ចូលថាមពលថ្មម្តង។ សម្រាប់ការផលិតរថយន្តស៊េរីថ្មីនេះ គឺនៅឆ្នាំ 2021។ បើក្រឡេកមើលទៅលើរូបរាងដ៏ស្រស់ស្អាតរបស់រថយន្ត Nissan នេះពិតជាទាក់ទាញមែនទែន ហើយនេះប្រហែលជាមានឈ្មោះថា ‘IMS’ នេះ។ ដូចនេះ ក្រុមហ៊ុន Nisan គឺពិតជាត្រៀមខ្លួនបញ្ចេញនូវរថយន្តស្ព័ររបស់ខ្លួនផងដែរក្នុងពេលដ៏ខ្លីខាងមុខនេះ៕
