នៅពេលនេះ រថយន្តគឺមានលក្ខណៈឆ្លាតវៃដូចជាស្មាតហ្វូនអញ្ចឹង ដែលមានការតភ្ជាប់ឧបករណ៍អេឡិចត្រូនិច បានកាន់តែច្រើនឡើងៗ។ ជាក់ស្តែងជាមួយនឹងការកើនឡើងនៃរថយន្តអេឡិចត្រូនិច បានធ្វើអោយមានចម្ងល់នៃការបញ្ចូលថាមពលថ្មជាពិសេសទៅលើស្ថានីយ៍បញ្ចូលថាមពលថ្ម សម្រាប់រថយន្តអេឡិចត្រូនិចនេះ ដែលស្ថិតនៅឆ្ងាយ និងមានចំនួនតិចតួចនៅឡើយ។ ក្រុមហ៊ុនផលិតរថយន្ត Volkswagen បានបង្កើតនូវដំណោះស្រាយថ្មី គឺការប្រើប្រាស់នូវឧបករណ៍ផ្ទុកថាមពល Power Bank សម្រាប់រថយន្តអេឡិចត្រូនិច E-Cars របស់ខ្លួន។ នេះមិនមែនជាអ្វីដែលអ្នកដាក់ផ្ទុកនៅក្នុងរថយន្តរបស់អ្នកនោះទេ ប៉ុន្តែវាអាចផ្តល់នូវឧបករណ៍សម្រាប់សាកថ្មថាមពលនៅពេលដែលត្រូវការនៅក្នុងពេលធ្វើដំណើររបស់អ្នក។
ជាមួយនឹងកម្លាំងថាមពលដល់ទៅ 360 kWh ឧបករណ៍បញ្ចូលថាមពលថ្មលឿនចល័តនេះ នឹងផ្តល់នូវការបញ្ចូលថាមពលថ្មប្រភេទ DC នៅក្នុងកម្រិតដល់ទៅ 100kW។ សម្រាប់ឧបករណ៍ចល័តនេះ អាចធ្វើការបញ្ចូលថាមពលថ្មបានដល់ទៅរថយន្ត 15 គ្រឿង។ មិនត្រឹមតែរថយន្តអេឡិចត្រូនិច E-Cars ប៉ុន្តែ សូម្បីតែកង់អេឡិចត្រូនិច E-Bikes ក៏អាចប្រើប្រាស់បានផងដែរ។ ជាមួយនឹងការតភ្ជាប់ 2DC និង 2AC នោះ ដែលអាចធ្វើការបញ្ចូលថាមពលថ្មរថយន្ត EVs បានដល់ទៅ 4 ដងនៅក្នុងពេលតែមួយនោះ ដោយសារតែកន្លែងចតរថយន្តមានចំនួនកំណត់។ ឧបករណ៍បញ្ចូលថាមពលថ្មចល័តរបស់ Volkswagen គឺមានភាពងាយស្រួលនៅក្នុងការចល័ត ដោយសារតែវាអាចធ្វើការតម្លើងបានយ៉ាងឆាប់រហ័សនៅក្នុងព្រឹត្តិការណ៍ធំៗ ហើយវាអាចធ្វើការផ្លាស់ប្តូរជាមួយនឹងឧបករណ៍ថាមពលផ្សងដែលអស់ថាមពលថ្មបានលឿនថែមទៀតផង។ ឧបករណ៍នេះ គឺមិនមានការតភ្ជាប់ជាមួយនឹងឆ្នាំងសាក Power Supply អាចត្រូវប្រើប្រាស់ជាស្ថានីយ៍បញ្ចូលថាមពលថ្មពាក់កណ្តាលអចិន្ត្រៃយ៍។
ពួកវាក៏អាចដោតទៅកាន់កន្លែងផ្គត់ផ្គង់ថាមពលអចិន្ត្រៃយ៍ផងដែរ ហើយវាពិតជាមានភាពងាយស្រួលក្នុងការតម្លើងមែនទែនទៅលើស្ថានីយ៍បញ្ចូលថាមពលថ្មអចិន្ត្រៃយ៍នេះ។ ជាមួយនឹងការដោតចូលថាមពល 30 kW AC ធនាគារបញ្ចូលថាមពលនេះអាចធ្វើការបញ្ចូលថាមពលថ្មខ្លួនឡើងវិញផងដែរ។ ឧបករណ៍នេះ អាចធ្វើការបញ្ចូលថាមពលថ្មតាមប្រភពជាច្រើនដូចជាសូឡា ឬថាមពលខ្យល់ជាដើម ដើម្បីទទួលបាននូវថាមពលត្រឡប់មកវិញ។ ក្រុមហ៊ុន Volkswagen មានគម្រោងក្នុងការចាប់ផ្តើមនូវស្ថានីយ៍បញ្ចូលថ្មចល័តនេះ នៅក្នុងឆមាសទី 1 ឆ្នាំ 2019 នេះ នៅក្នុងប្រទេសកំណើតរបស់ក្រុមហ៊ុននេះ តែម្តង។ Chargers គឺជាផ្នែកមួយដ៏សំខាន់នៃគម្រោងរបស់ក្រុមហ៊ុន Volkswagen ក្នុងការជម្រុញទៅលើរថយន្តអគ្គិសនីជាច្រើនសម្រាប់អតិថិជនរបស់ខ្លួននោះ។ ជាការពិតណាស់ ស្ថានីយ៌ថាមពលជាច្រើនប្រើប្រាស់នូវថាមពលថ្មនៅជាប់តែម្តងសម្រាប់ការផ្គត់ផ្គង់ថាមពលទៅកាន់រថយន្ត EVs នាពេលអនាគតនោះ៕
