ក្រុមហ៊ុនផលិតរថយន្ត Suzuki នេះ បានធ្វើការបដិសេធក្នុងការនាំយកនូវរថយន្តស៊េរីថ្មី Jimny ទៅកាន់សហរដ្ឋអាមេរិក។ នៅក្នុងព្រឹត្តិការណ៍ពិពរណ៍រថយន្ត Tokyo Auto Salon 2019 ដែលនឹងធ្វើឡើងនៅខែក្រោយនេះ គឺមានការដាក់បង្ហាញនូវរថយន្ត Jimny Survive និង Jimny Sierra ដែលជាប្រភេទរថយន្ត Tumble Explorer និង Pickup។ សម្រាប់រថយន្តស៊េរីថ្មី 2019 Jimny នឹងប្រកាសបង្ហាញជាផ្លូវការនៅដើមឆ្នាំនេះដែលអាចទាក់ទាញចិត្តអ្នកគាំទ្ររថយន្ត SUVs ហើយវាមានសមត្ថភាពខ្លាំងក្លាបំផុតក្នុងការបើកបរនៅលើស្ថានភាពផ្លូវដែលពិបាកៗនោះ។ ផ្អែកទៅលើរថយន្តនេះគឺប្រើប្រាស់នូវ 3-link riding axle suspension និងប្រព័ន្ធ part-time 4WD ថែមទៀត។
ក្រុមហ៊ុន Suzuki បានឈប់លក់រថយន្តស៊េរីថ្មី Jimny នៅក្នុងសហរដ្ឋអាមេរិកនៅក្នុងឆ្នាំ 2012 នៅពេលដែលសហរដ្ឋអាមេរិកប្រកាសអំពីការក្ស័យធន និងការឈប់នាំចូលទៅលើរថយន្តនេះទាំងស្រុងតែម្តង។សម្រាប់រថយន្ត Jimny ស៊េរីថ្មីនេះក៏នឹងមានវត្តមាននៅលើទីផ្សារក្រៅប្រទេសផងដែរ ហើយវត្តមានរបស់រថយន្តស៊េរីថ្មីនេះនឹងបង្ហាញខ្លួននៅក្នុងព្រឹត្តិការណ៍ពិពរណ៍ Tokyo Auto Salon នៅខែមករាខាងមុខនេះផងដែរ។ រថយន្ត Jimny Survive នេះគឺជាប្រភេទ SUV ដែលមានលក្ខណៈសម្រាប់ការផ្សងព្រេងនៅលើស្ថានភាពផ្លូវដែលពិបាកៗ។ ផ្នែកខាងមុខរបស់រថយន្តនេះគឺប្រើប្រាស់នូវភ្លើងអំពូលថ្មីដ៏ស្រស់ស្អាត ហើយតួខ្លួនរបស់វាក៏ធ្វើពីដែកថែបដែលមានភាពរឹងមាំបំផុតក្នុងការប្រើប្រាស់។
រថយន្តនេះមានភាពស្រស់ស្អាត ប៉ុន្តែនៅមិនទាន់ស្អាតដូចជារថយន្ត Jimny Sierra pickup នោះទេ។ សម្រាប់ការផ្លាស់ប្តូរធំបំផុតនៃរថយន្តនេះគឺផ្នែកកាប៊ីនខាងក្រោយរបស់វា។ យ៉ាងណាមិញ វានៅមិនទាន់មានការបញ្ជាក់អំពីការដាក់លក់រថយន្ត Jimny នេះសម្រាប់ហាងចែកចាយជាច្រើនរបស់ខ្លួននោះ ប៉ុន្តែរថយន្តនេះមានភ្លើង LED ចំនួន 4 ធំៗ និងការប្រើប្រាស់នូវពណ៌មាសថែមទៀត។ យើងសង្ឃឹមថា នៅពេលដែលរថយន្តនេះ បង្ហាញខ្លួននៅក្នុងព្រឹត្តិការណ៍ពិពរណ៍ Tokyo Auto Salon នោះ នឹងមានការចាប់ផ្តើមផលិតដោយមានការកែប្រែផ្នែកខ្លះៗក្រោយទទួលបាននូវមតិយោបល់អំពីអ្នកចូលរួមនៅក្នុងព្រឹត្តិការណ៍នេះ៕