បន្ទាប់ពីការបង្ហាញចេញនូវម៉ូតូថ្មីរបស់ក្រុមហ៊ុន Milwaukee កាលពីពេលថ្មីនេះ បានបញ្ចេញលក្ខណៈសម្បត្តិ និងតម្លៃរបស់ម៉ូតូអេឡិចត្រូនិចស៊េរីថ្មីរបស់ខ្លួនហើយបន្ទាប់ពីការរង់ចាំអស់មួយរយៈខ្លី។ ម៉ូតូស៊េរីថ្មីបំផុតរបស់ក្រុមហ៊ុន Harley-Davidsonគឺជាប្រភេទម៉ូតូអេឡិចត្រូនិច LiveWire ហើយពេលនេះបានចូលខ្លួនមកទៅកាន់ទីផ្សារហើយ។
ជាមួយនឹងការបង្ហាញវត្តមាននៅក្នុងព្រឹត្តិការណ៍ CES 2019 កន្លងទៅនេះ ក្រុមហ៊ុនម៉ូតូដែលមានអាយុកាល 116 ឆ្នាំនេះ ក៏ធ្វើការទទួលនូវការកក់ទិញជាមួយនឹងការទម្លាយនូវតម្លៃ និងព័ត៌មានលម្អិតជាច្រើនរបស់ម៉ូតូនេះ។ ក្រុមហ៊ុន Harley បាននិយាយថា ម៉ូតូអេឡិចត្រូនិច LiveWire អាចបើកបរនៅក្នុងល្បឿនដល់ទៅ 60 mph នៅក្នុងរយៈពេលក្រោម 3.5 វិនាទី ប៉ុណ្ណោះ នេះគឺដោយសារតែប្រើប្រាស់នូវម៉ាស៊ីនអេឡិចត្រូនិច H-D Revelation។
ម៉ូតូអេឡិចត្រូនិច LiveWire គឺភ្ជាប់ជាមួយនឹងហ្រ្វាំង anti-lock សម្រាប់ការធានានូវសុវត្ថិភាព ក្នុងការបើកបររបស់អ្នក។ ក្រុមហ៊ុន HDMC បានធ្វើការព្យាករណ៍ថា ម៉ូតូអេឡិចត្រូនិច LiveWire អាចធ្វើដំណើរបានចម្ងាយ 110 miles សម្រាប់ការបញ្ចូលថាមពលថ្មម្តង ហើយវាក៏ប្រើប្រាស់ជាមួយនឹងថាមពលថ្មទំហំ 110-volt ដែលមានការ Upgrade ទៅកាន់ទំហំ 220-volt សម្រាប់ស្តង់ដារនៅអ៊ឺរ៉ុបជាពិសេសសម្រាប់ការបញ្ចូលថាមពលថ្មលឿននោះ។ ដូចអ្វីដែលអ្នកបានរំពឹងទុកនោះ ម៉ូតូអេឡិចត្រូនិច LiveWire នេះ ភ្ជាប់ជាមួយនឹងមុខងារសម្រាប់ការតភ្ជាប់ជាច្រើនដូចជាការជូនដំណឹងទៅកាន់អ្នកបើកបរអំពីថាមពលថ្ម និងការជូនដំណឹងទៅកាន់ស្មាតហ្វូនរបស់ពួកគេថែមទៀត។
ការកម្មង់ទិញមុនពេលនេះ គឺបានចាប់ផ្តើមហើយ ហើយការចែកចាយ គឺនៅក្នុងរដូវស្លឹកឈើជ្រុះនៅឆ្នាំក្រោយនេះដែលមានតម្លៃចាប់ផ្តើមពី $29,799 ដែលតម្លៃនេះគឺថោកជាងតម្លៃរថយន្តកង់ 4 គឺ Chevy Bolt ដែលមានតម្លៃចាប់ផ្តើម $36,620 ឬរថយន្ត Tesla Model 3 ដែលមានតម្លៃ $35,950។ ប៉ុន្តែអ្វីដែលគួរអោយចាប់អារម្មណ៍នោះ ម៉ូតូអេឡិចត្រូនិច LiveWire នេះ គឺជាស៊េរីថ្មីចុងក្រោយបំផុតរបស់ក្រុមហ៊ុន Harley-Davidson៕
