យោងតាមព័ត៌មានថ្មីនៅក្នុងសហរដ្ឋអាមេរិក បានផ្សាយថា រថយន្តដឹកទំនិញ Ford F-Series ត្រូវបានក្រុមហ៊ុន លក់ចេញនៅជុំវិញពិភពលោក បានចំនួន 1.075 លានគ្រឿងនៅក្នុងឆ្នាំ 2018 នេះ ដែលនេះ គឺជាតួរលេខមួយខ្ពស់ជាងគេបំផុតក្នុងចំណោមគូប្រជែង។ ក្រុមហ៊ុនផលិតរថយន្តអាមេរិកាំងមួយនេះ ត្រូវបានគេ កត់ សម្គាល់ឃើញថា គឺជារថយន្តដឹកទំនិញដែលលក់ដាច់ខ្លាំងជាងគេបំផុតនៅក្នុងសហរដ្ឋអាមេរិករយៈពេល 42 ឆ្នាំមកហើយ។ នៅក្នុងពេលថ្មីៗនេះ ក្រុមហ៊ុន Ford បានលក់រថយន្តជិត 1000 គ្រឿងបន្ថែមទៀតនៃត្រកូល F-Series នេះ។
លោក Jim Farley អនុប្រធានប្រតិបត្តិរបស់ក្រុមហ៊ុន Ford និងជាប្រធានផ្នែកទីផ្សារពិភពលោកនិយាយថា “ចាប់ពីជំនាន់រថយន្ត Ranger រហូតទៅដល់ Transit យើងពិតជាមានមោទនភាពមែនទែន ហើយនឹងក្តីសោមនស្សរីករាយក្នុងការជួយអតិថិជន ដែលមានតម្រូវការទៅលើរថយន្តដឹកទំនិញជាច្រើននេះ នៅក្នុងការសម្រេចនូវគោលដៅជាច្រើនរបស់ពួកគេនៅក្នុងពិភពលោក។ ប៉ុន្តែសម្រាប់រថយន្ត F-Series របស់យើង គឺនាំមុខគេទៅលើការលក់នៅក្នុងទីផ្សារពិភពលោកដោយសារតែវាមានសមត្ថភាព និងបច្ចេកវិទ្យាកាន់តែឆ្លាតវៃ។”
ក្រុមហ៊ុន Ford បានបញ្ជាក់ថា ការលក់រថយន្តដឹកទំនិញប្រភេទ F-Series trucks នេះ នៅជុំវិញពិភពលោក ជាមធ្យមគឺរៀងរាល់ 29.3 វិនាទីម្តង។ រថយន្តដឹកទំនិញ F-Series trucks នេះ អាចបើកបរបានដល់ទៅជាង 4000 ម៉ាយ៍ គឺឆ្ងាយជាងការហោះហើរពី Dallas ទៅកាន់ Honolulu ថែមទៀផង។ Ford F-Series គឺជារថយន្តអាជីវកម្មផ្ទាល់ខ្លួន។
ជាមួយនឹងការកើនឡើងបរិមាណនៃការលក់នោះ តម្លៃនៃការជួញដូរជាមធ្យមរបស់រថយន្តស៊េរី F-Series មានការកើនឡើងជាលំដាប់ចាប់តាំងពីការបង្ហាញខ្លួនដំបូងរបស់រថយ្ត F-150 ឆ្នាំ 2014 ជាមួយនឹងតួរថយន្តអាលុយមីញ៉ូម ដែលមានកម្លាំងខ្លាំងក្លា រថយន្តសម្រាប់យោធា ហើយតម្លៃមានការកើនឡើងជាមធ្យម 7.400 ដុល្លារក្នុងឡានដឹកទំនិញមួយនេះ។ ក្រុមហ៊ុន Ford ផ្តល់នូវរថយន្តស៊េរីថ្មី F-Series Pickup សម្រាប់អតិថិជន ដែលស្រឡាញ់រថយន្តប្រភេទនេះ ហើយសម្រាប់រថយន្ត F-150 XL គឺមានតម្លៃចេញពីរោងចក្រ $ 28,155 ស្របពេលដែលរថយន្ត F-450 Super Duty Limited គឺមានតម្លៃចេញពីរោងចក្រ $86,505។
ក្រុមហ៊ុន Ford បានបញ្ជាក់ថា ភាពជោគជ័យនៃរថយន្ត F-Series របស់ក្រុមហ៊ុន Ford Motor មិនអាចធ្វើទៅបានទេ បើគ្មានបុគ្គលិកធ្វើការនៅ Hardwood Truck Plant, Kansas City Assembly Plant, Ohio Assembly Plant និង Dearborn Truck Plant រួមជាមួយនឹងបុគ្គលិកស្ថិតនៅមជ្ឈមណ្ឌលអភិវឌ្ឍន៍ផលិតផល Ford នៅ Dearborn៕