តើលោកអ្នកធ្លាប់ធ្វើដំណើរឆ្លងកាត់តាមដងវិថីព្រះនរោត្តមកែងផ្លូវ172 ខាងជើង សាលា ស៊ីសុវត្ថិដែរឬទេ? ទៀមកាហ្វេ មីស្ទ័រប្រ៊ូវ ដែលអតិថិជនភាគច្រើនស្គាល់ថា ជាទៀមកាហ្វេលក់នៅលើរថយន្តដំបូងតាំងពីឆ្នាំ 2016 ឥឡូវនេះ បានប្រែមុខមាត់ថ្មីនៅលើទីតាំងដដែលសឹងមិនគួរឲ្យជឿ ដែលបានប្តូរពីការលក់កាហ្វេលើរថយន្តទៅជាការបើកហាងដ៏ធំនឹងទំនើបមិនចាញ់យីហោរបស់បរទេសប៉ុន្មានឡើយទាំងការរចនានិងបរិយាកាសនៅលើទីតាំងដដែល។
តាមរយះលោក ដួង តារា ដែលជាស្ថាបនិក យីហោកាហ្វេក្នុងស្រុកមួយនេះបានប្រាប់ក្រុមការងារយើងខ្ញុំថា នេះពុំមែនជាសាខាដំបូងក្នុងការបើកហាងនោះទេតាមពិតទៅហាងកាហ្វេមីស្ទ័រប្រ៊ូវបានបើកសាខាជាហាងបំរើជូនអតិថិជនចំនួន 4 រួចទៅហើយ, នេះជាសាខាទី 5 របស់មីស្ទ័រប្រ៊ូវ និងសាខាទី 6 នៅខេត្តសៀមរាបនឹងបើកបំរើ ជូនលោកអ្នកក្នុងពេលឆាប់ៗនេះ។
លោកបានឲ្យដឹងទៀតថា គោលបំណងដែលបើកសាខាទី 5 ដែលជាហាងធំបំផុតទីមួយរបស់មីស្ទ័រប្រ៊ូវនេះ ក៏ព្រោះតែចង់បំពេញតម្រូវការរបស់អតិថិជនដែលកើនឡើងជារៀងរាល់ថ្ងៃ នឹងចង់ផ្តល់នូវបទពិសោធន៍ថ្មីទៅកាន់អតិជនរបស់ហាងកាហ្វេ មីស្ទ័រប្រ៊ូវ, លើសពីកាហ្វេហាងមួយនេះក៏មានជាបន្ទប់ប្រជុំ និងមានជាអាហារ អាចផ្តល់ភាពងាយស្រួលសំរាប់បំរើជូនអតិថិជនផងដែរ។ គួរបញ្ជាក់ផងដែរតាំងពីឆ្នាំ 2016 មកដល់ពេលនេះ ហាងកាហ្វេមីស្ទ័រប្រ៊ូវ មាន 5 សាខា ដែលកំពុងបើកដំណើរការជូនអតិថិជនជាតិនិងអន្តរជាតិ នឹងសាខាទី 6 នឹងបើកដំណើរការក្នុងពេលឆាប់ៗនេះផងដែរ។