no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Jaguar ប្រកាសថា នឹងបន្តដំណើរក្នុងការផលិតចេញនូវរថយន្តជាច្រើន ដែលអ្នកគ្រប់គ្នាស្រឡាញ់ពេញចិត្ត

ក្រុមហ៊ុនផលិតរថយន្ត Jaguar Land Rover ប្រកាសថា ខ្លួនត្រូវការកែលម្អទៅលើស្ថានភាពនៃហិរញ្ញវត្ថុរបស់ខ្លួននាពេលបច្ចុប្បន្ននេះ ដែលនេះ គឺជាហេតុផលដែលក្រុមហ៊ុនផលិតរថយន្តថ្មីៗនេះ ក៏បោះបង់ចោលនូវរថយន្ត Range Rover Coupe SV និងរថយន្ត Discovery SVX មុនពេលដែលម៉ូដែលថ្មីៗ ចាប់ផ្តើមនូវការផលិត និងងាកទៅផ្តោតទៅលើរថយន្តដែលមានតម្លៃសមរម្យជាច្រើនដូចជារថយន្តស៊េរីថ្មី Range Rover Evoque និងរថយន្ត Discovery។ ប្រសិនបើអ្នកមានការព្រួយបារម្ភនោះ មានន័យថារថយន្តប្រភេទ Sports Coupes គឺមានការផលិតនៅក្នុងចំនួនតិចដូចជាប្រភេទ F-Type ដែលជិតបោះបង់ហើយនោះ។ 

ក្រុមហ៊ុន Jaguar មានប្រវត្តិជាយូរណាស់មកហើយជាមួយនឹងរថយន្តស្ព័រទ្វារពីររបស់ខ្លួន ហើយខ្លួន ក៏មិនមានចេតនាក្នុងការបញ្ឈប់នូវការផលិតឱ្យបានឆាប់រហ័សផងដែរ។ លោក Ian Callum ប្រធានផ្នែករចនារបស់ក្រុមហ៊ុន Jaguar ប្រាប់ទៅកាន់ Top Gear នៅក្នុងបទសម្ភាសន៍ថ្មីៗនេះថា វានឹងនៅតែមានរថយន្ត Jag Coupe ទ្វារពីរនៅក្នុងការផលិតនេះ ដោយសារតែនេះ គឺជារឿងដែលយើងមាន ហើយអ្នកមិនអាចបង្កើតនូវអ្វីដែលថ្មីដោយគ្មានរឿងនេះទេ។ សម្រាប់រថយន្ត Coupe ទ្វារពីរនេះគឺពិតជាសំខាន់ខ្លាំងណាស់សម្រាប់ម៉ាកយីហោនេះ។ 

ការផលិតប្រហែលជាមិនមែនមានចំនួនច្រើននោះទេ ប៉ុន្តែយើងនឹងធ្វើការផលិតនូវរថយន្តស្ព័រទ្វារពីរ ហើយវានឹងមានការរីកចម្រើនកើនឡើងទៅមុខជាក់ជាមិនខាន។វាស្តាប់មើលទៅគឺពិតជាមានការភ្ញាក់ផ្អើលណាស់ដោយសារតែរថយន្ត F-Type មានការលក់ធ្លាក់ចុះដល់ទៅ 2268 គ្រឿង នៅក្នុងសហរដ្ឋអាមេរិក ដែលមានការធ្លាក់ចុះជិត 50% ពីឆ្នាំ 2017 នោះ។ ស្របពេលដែលរថយន្តជំនាន់បន្ទាប់របស់ F-Type ត្រូវបានគេរំពឹងថា នឹងបង្ហាញខ្លួននៅក្នុងពេលណាមួយនៅឆ្នាំ 2021 នេះអ្នកប្រហែលជាមិនអាចរំពឹងថា នឹងមានរថយន្តទ្វារពីររបស់ត្រកូល XE នោះទេ ដើម្បីប្រកួតប្រជែងជាមួយនឹងរថយន្ត BMW 4 Series ឬ C Class Coupe។ 

លោក Callum បាននិយាយថា “ទីផ្សារនៃរថយន្ត Coupe នេះគឺពិតជាមានការពិបាកជាងមុន ហើយវាមានលក្ខណៈពិសេសជាងមុនថែមទៀត។ ខ្ញុំគិតថាសម្រាប់អ្នកឯកទេសដូចជាពួកយើង រថយន្ត Coupe គឺពិតជាបញ្ហាប្រឈមមួយដោយសារតែចំនួននៃការលក់របស់រថយន្តនេះគឺមិនច្រើននោះទេ។” ពាក្យចចាមអារ៉ាមជាច្រើន បានបញ្ជាក់ថា រថយន្តជំនាន់បន្ទាប់របស់ F-Type អាចជារថយន្តដែលប្រើប្រាស់នូវកម្លាំងម៉ាស៊ីនអគ្គិសនី ឬម៉ាស៊ីន twin-turbo V8 របស់ BMW នោះ។ លោក Callum បានសារភាពថា ម៉ាស៊ីនអគ្គិសនីនេះ គឺពិតជាអាចទៅរួចដោយសារតែរថយន្តស៊េរីថ្មីរបស់ក្រុមហ៊ុន Jaguar ចាប់ពីឆ្នាំ 2020 នេះនឹងមានទម្រង់ជាលក្ខណៈអេឡិចត្រូនិច ហើយវាប្រហែលជារថយន្តអេឡិចត្រូនិចពេញលេញ ឬ plug-in hybrid ៕

no-alternative title
ព័ត៌មានពាណិជ្ជកម្ម