យោងតាមព័ត៌មាន The Drive បានបញ្ចេញនូវព័ត៌មានចុងក្រោយមួយដែលស្ថិតនៅលើ Motor Trend "MT Confidential” ដែលបញ្ជាក់ថា Ford នឹងនាំយកបច្ចេកវិទ្យា RWD ទៅប្រើប្រាស់ជំនួសសម្រាប់រថយន្ត Crossovers របស់ Mustang ដែលមានរូបរាងស្ទាយ៍ដូចទៅនឹងរថយន្ត Coupe អញ្ចឹងដែរ ដោយគោលដៅនៃរថយន្តនេះ គឺផលិតឡើងសម្រាប់ធ្វើការប្រកួតប្រជែងជាមួយនឹងរថយន្ត BMW X4។
នៅក្នុងរបាយការណ៍ខាងលើនេះ បានបញ្ជាក់អោយដឹងទៀតថា រថយន្តCrossovers ទាំងនេះ នឹងមិនមានមានទំហំធំខ្ពស់ នោះទេ នេះគឺជាប្រភេទរថយន្ត four-door version របស់ Mustang។ ថយន្តនេះ គឺមានកម្លាំងម៉ាស៊ីនចាប់ពី 300សេះ ទៅដល់ 500សេះ ដែលមានន័យថា ក្រុមហ៊ុន Ford នឹងប្រើប្រាស់កម្លាំងម៉ាស៊ីន 5.0-liter V8 សម្រាប់ប្រើប្រាស់នៅលើរថយន្ត Mustang GT នេះ។ សម្រាប់ម៉ាស៊ីនរថយន្ត Trim CUV គឺមានកម្លាំងម៉ាស៊ីន 3.5-liter twin-turbo V6។ ទោះជាយ៉ាងណាក៏ដោយ ប្រសិនបើមានការបង្ហាញវត្តមានរថយន្ត Crossover នេះមែននោះ គឺពិតជាគួរអោយភ្ញាក់ផ្អើលខ្លាំងហើយ។
គួរបញ្ជាក់ថា ក្រុមហ៊ុន Ford គ្រោងនឹងបោះបង់ចោលរថយន្តជាច្រើនដូចជា Focus និង Fusion ជាដើម ដើម្បីពង្រឹងទៅលើការលក់រថយន្ត Trucks, SUVs និង Crossovers របស់ខ្លួន។ ហើយសម្រាប់រថយន្ត Mustang គឺពិតជាមានសុវត្ថិភាពមែនទែន ព្រោះថា ក្រុមហ៊ុន Ford បានចំណាយពេលជាច្រើនសម្រាប់ការផ្លាស់ប្តូរ RWD នេះ សម្រាប់រថយន្ត SUV ស៊េរីថ្មី ដោយបានជួយពង្រីកទៅលើទំហំនៃសេដ្ឋកិច្ចផងបានយ៉ាងច្រើនផងដែរ។ មានពាក្យចចាមអារ៉ាមថា រថយន្តនេះ ផលិតឡើងសម្រាប់ប្រកួតប្រជែងជាមួយនឹងរថយន្ត BMW X4 ដែលមានលក្ខណៈខុសប្លែកពីរថយន្ត Mustang EV crossover ដែលកំពុងតែស្ថិតនៅក្នុងដំណើរការ។ មានពាក្យចចាមអារ៉ាមថា រថយន្ត BMW នេះ គឺមានឈ្មោះ Mach1៕
