no-alternative title
no-alternative title
no-alternative title
no-alternative title
no-alternative title
no-alternative title

Rolls-Royce នឹងដាក់តាំងបង្ហាញរថយន្តស៊េរីថ្មី Bespoke នៅក្នុងពិពណ៌ Geneva Motor Show 2019

ក្រុមហ៊ុន Rolls-Royce Motor Cars នឹងចូលរួមកម្មវិធីពិពណ៌ Geneva Motor Show ដោយនឹងបង្ហាញនូវរថយន្តដ៏ប្រណិតពិសេសជាងគេ 1 ប្រភេទទៀត ក្នុងចំណោមរថយន្តម៉ាក Phantoms ទាំង 25 គ្រឿង រួមជាមួយនឹងរថយន្តស៊េរីថ្មី Bespoke Cullinan ដែលនឹងត្រូវបង្ហាញខ្លួនជាសាធារណៈជាលើកទីមួយផងដែរ។ 

រថយន្តប្រភេទ Phantom Tranquillity គឺជាប្រភេទថ្មីមួយត្រូវបានផលិតឡើងត្រឹមតែ 25 គ្រឿងប៉ុណ្ណោះទូទាំងពិភពលោក និងមានទាំងប្រភេទរថយន្ត Phantom និង Phantom Extended Wheelbase។  រថយន្ត នេះត្រូវបានដាក់ឈ្មោះឲ្យ និងរចនាឡើងដើម្បីតម្រូវតាមអារម្មណ៍នៃភាពស្ងប់ស្ងាត់ក្នុងរថយន្តនេះ ហើយរថយន្តដ៏ពិសេស Phantom មួយនេះ មានការរចនាដ៏ស្រស់ស្អាត តាមរយៈការបំពាក់ដោយគ្រឿងលម្អដ៏កម្រក្នុងពិភពលោក។  ការតុបតែងក្នុងរថយន្តនេះ គឺជាការរចនាក្រោមការច្នៃប្រឌិតដោយប្រើប្រាស់បច្ចេកវិទ្យាដែលត្រូវបានបំពាក់ក្នុងរ៉ូកែតអាវកាសចក្រភពអង់គ្លេសឈ្មោះថា Skylark។ រថយន្តនេះ មានការរចនាជាមួយប្រភេទអាចម៍ផ្កាយដ៏កម្រឈ្មោះថា Muonionalusta ដែលបានធ្លាក់មកលើផែនដីក្នុងទីក្រុង Kiruna ប្រទេសស៊ុយអែត កាលពីឆ្នាំ1906 មកម្លេះ។ 

no-alternative title

រថយន្តប្រភេទ Cullinan Genève ឆ្នាំ 2019 គឺជារថយន្ត ដែលមានការច្នៃប្រឌិតខ្ពស់ បានបង្ហាញខ្លួនជាលើកដំបូងរបស់ខ្លួននៅលើកំពូលភ្នំនៃឧទ្យានជាតិ Grand Tetons រដ្ឋ Wyoming សហរដ្ឋអាមេរិក និងបានចាប់ផ្តើមដំណើរបស់ខ្លួន ក្នុងនាមជាប្រភេទថយន្ត Bespoke ដ៏គួរឲ្យកត់សម្គាល់ ជាមួយនឹងម៉ាក Cullinan ដែលដែលត្រូវទទួលស្គាល់ថា ជាប្រភេទរថយន្តដ៏ល្អប្រណិត។  រថយន្តនេះ ត្រូវបានរចនាឡើងយ៉ាងល្អប្រណិត និងពិសេស។ ការរចនាឲ្យមានការបញ្ចេញពន្លឺ 5 ជ្រុង នៃពណ៌បស់ប្រភេទរថយន្តមួយនេះ ត្រូវបានរចនាឡើងដោយការបញ្ចូលជាមួយនឹងពណ៌ Petra Gold (មាស) និង Navy Blue (ខៀវ) ក្នុងបំណងចង់ឲ្យយើងនឹកដល់ពណ៌ឈើគគី ស្របពេលដែលការរចនាផ្ទៃខាងក្នុងជាមួយនឹងពណ៌  Navy Blue និង Oatmeal គឺជាការលាយពណ៌យ៉ាងល្អប្រណិត រួមជាមួយនឹងការប្រើប្រាស់សារធាតុល្បែកដ៏ល្អបំផុត។ 

រថយន្ត Dawn Genève ឆ្នាំ2019 គឺជារថយន្តដែលមានការរចនាយ៉ាងពិសេសក្នុងប្រភេទនៃរថយន្ត Bespoke ក្រោមការច្នៃប្រឌិតរបស់ក្រុមហ៊ុន Rolls-Royce ដែលមានការកែច្នៃថ្មីមួយ ក្រោមការរចនាជាមួយនឹងពណ៌ត្បូងពណ៌ខៀវ និង Milori Sapphire ដែលត្រូវបានលាយបញ្ចូលគ្នាដើម្បីបង្កើតរថយន្តមានពណ៌បែបត្បូងខៀវ ដែលពន្លឺភ្លឺចិញ្ចាញ។ រថយន្តដែលមានការរចនាដ៏ពិសេសមួយនេះ ត្រូវបានបញ្ចូលដោយសារធាតុកាបូន Aero Cowling ក្រោមការតុបតែងជាមួយនឹងសារធាតុមានពណ៌ Navy Blue ដើម្បីបង្កើតបាននូវរថយន្តកៅអី2ជួរដ៏ល្អប្រណិតគ្មានពីរ។ កន្លែងអង្គុយផ្នែកខាងមុខនៃរថយន្ត Dawn Genève 2019 ត្រូវបានតុបតែងជាមួយនឹងស្បែកសត្វពណ៌ប្រផេះ និងខៀវ ស្របពេលដែលផ្ទៃខាងក្នុងនៃតាប្លូរថយន្ត ត្រូវបានរចនាជាមួយនឹងផ្ទាំង Piano Milori Sapphire ដែលត្រូវបានដុះខាត់ដោយដៃរយៈពេល12ម៉ោង ជាមួយនឹងភ្លីឆ្លូតពណ៌ប្រាក់ដ៏ល្អប្រណិត។ 

រថយន្ត Black Badge : រថយន្តនេះត្រូវបានជ្រើសរើសយក ពណ៌ Galileo Blue (ខៀវក្រម៉ៅ) ដើម្បីទៅរចនារថយន្តប្រភេទ Black Badge Wraith ស្របពេលដែលប្រភេទពណ៌ Mandarin ក៏ត្រូវបានប្រើប្រាស់ដើម្បីលាយពណ៌ដើម្បីបង្កើតឲ្យបានរថយន្តប្រកបដោយភាពទាក់ទាញ។ នៅផ្នែកខាងក្នុង សារធាតុស្បែកពពណ៌ស និងខៀវ សុទ្ធសឹងជាពណ៌មានលក្ខខណៈស្រដៀងទៅនឹងពណ៌ Mandarin ដែរ ដើម្បីបំពាក់លើកៅអីអង្គុយ ក្រោមការរចនាដោយស្នាមឆ្នូតដ៏ស្រស់ស្អាត ស្របពេលដែលកៅអីអង្គុយទាំង2ផ្នែកខាងក្រោយ ក៏ត្រូវបានរចនាដោយក្រណាត់កូតុងដ៏ស្រស់ស្អាតផងដែរ។  រថយន្តប្រភេទ Black Badge Ghost ត្រូវបានរចនាដោយប្រើប្រាស់ពណ៌ងងឹត និងត្រូវបានតុបតែងជាមួយនឹងស្នាមឆ្នូតពណ៌បៃតងចាស់នៅត្រង់ចំណុចកណ្តាលនៃកង់របស់រថយន្ត។ ក្រណាត់ពណ៌កាបូន និងខ្មៅ ត្រូវបានប្រើប្រាស់ទាំងនៅលើកៅអីជួរមុខ និងជួរក្រោយ ស្របពេលដែលស្នាមឆ្នូតពណ៌បៃតងចាស់ ក៏ត្រូវបានរចនាក្នុងរថយន្តនេះផងដែរ។ 

កម្មវិធីសិល្បៈរបស់ក្រុមហ៊ុន Rolls-Royce : កម្មវិធីនេះតែងតែបានជួយឧបត្ថម្ភគាំទ្រសិល្បករល្បីៗជាច្រើនក្នុងរយៈពេលប៉ុន្មានឆ្នាំថ្មីៗនេះរាប់បញ្ចូលទាំងសិល្បករ Isaac Julien, Asad Raza, Dan Holdsworth និង Yang Fudong ផងដែរ។ ពិភពនៃសិល្បៈ គឺជាវិស័យមួយដែល Rolls-Royce ចែករំលែកនូវទេពកោសល្យ ពីធម្មជាតិដ៏ច្បាស់លាស់ ជាមួយការប្តេជ្ញាចិត្តក្នុងការបង្ហាញពីការគំនិតច្នៃប្រឌិតថ្មី ការរុករកបច្ចេកវិទ្យាថ្មី និងការកំណត់មូលដ្ឋាននៃរបកគំឃើញថ្មី និងមានចន្ឆៈក្នុងការចំណាយពេលលើការស្វែងរកគុណភាព។ ក្រុមការងាររបស់ Rolls-Royce នឹងធ្វើការវិភាគទៅលើការងារថ្មីមួយរបស់សិល្បករ Tomás Saraceno ក្នុងកម្មវិធីពិពណ៌នេះ ដែលប្រព្រឹត្តទៅ នៅចន្លោះថ្ងៃទី7 និងទី17 ខែមីនា ឆ្នាំ2019។ ហើយបន្ទាប់ពីកម្មវិធីពិណ៌នេះ ការងារសិល្បៈទាំងនោះ នឹងត្រូវរក្សាទុកនៅទីស្នាក់ការរបស់ក្រុមហ៊ុន Rolls-Royce ស្ថិតនៅ Goodwood ក្នុងទីក្រុង West Sussex ចាប់ពីថ្ងៃទី 28 ខែមីនា ឆ្នាំ 2019៕ 

 

no-alternative title

no-alternative title
ព័ត៌មានពាណិជ្ជកម្ម