កាលពីថ្ងៃទី 19 ខែមករានេះ លោក Kim Young-sik ដែលជាអ្នកតំណាងរបស់ក្រុមហ៊ុនរថយន្តម៉ាក Cadillac ដ៏មានតម្លៃនេះ បានប្រកាសថា ក្រុមហ៊ុនផលិតរថយន្តនេះ មានគោលដៅក្នុងការលក់រថយន្តចំនួន 2500 គ្រឿងនៅក្នុងឆ្នាំ 2018 នេះនៅក្នុងព្រឹត្តិការណ៍សន្និសីទសារព័ត៌មានមួយនៅក្នុងទីក្រុងសេអ៊ូល។ លោក Kim Young-sik បន្តទៀតថា “ពួកយើងសង្ឃឹមថា នៅថ្ងៃអនាគតនឹងមានការលក់រីកចម្រើនបន្ថែមទៀត ដូច្នេះពួកយើងបានកំណត់គោលដៅនៃការលក់ចំនួន 2500 គ្រឿង”។
កាលពីឆ្នាំមុននេះ ការលក់របស់ក្រុមហ៊ុនផលិតរថយន្ត Cadillac មានការកើនឡើងដល់ទៅ 82% តាមរយៈការលក់រថយន្តចំនួន 2800 គ្រឿងដែលនេះគឺជាតួរលេខខ្ពស់ជាងគេមិនធ្លាប់មាននៅក្នុងប្រទេសកូរ៉េ។ ការលក់របស់ក្រុមហ៊ុនមានការកើនឡើងខ្លាំងដោយសារតែម៉ូដែល CT6។ ការលក់រថយន្ត CT6 មានការកើនឡើងដល់ទៅ 145% សម្រាប់ការលក់រថយន្តបាន 805 គ្រឿងនៅក្នុងឆ្នាំ 2017 ។ ដើម្បីបំពេញនូវគោលដៅប្រចាំឆ្នាំរបស់ខ្លួននេះ ក្រុមហ៊ុនផលិតរថយន្ត Cadillac មានគោលដៅក្នុងការពង្រីកទៅលើមជ្ឈមណ្ឌលតាំងពិពរណ៍ និងសេវាកម្មរបស់ខ្លួន ដើម្បីជួយផ្តល់នូវលក្ខណៈកាន់តែប្រសើរសម្រាប់អតិថិជន។ ក្រុមហ៊ុននេះ មានគម្រោងក្នុងការបន្ថែមនូវមជ្ឈមណ្ឌលតាំងពិពរណ៍ចំនួន 4 និងមជ្ឈមណ្ឌលសេវាថែទាំប្រមាណជា 4 ទៅ 5 កន្លែងទៀតនៅឆ្នាំនេះ។
លោក Kim បាននិយាយទៀតថា “បើសិនជាយាយអំពីបទពិសោធន៍របស់លោកជាមួយនឹងក្រុមហ៊ុន Mercedes-Benz រយៈពេល 7 ឆ្នាំ លោកពិតជាដឹងអំពីរបៀបនៃការផ្តល់នូវសេវាកម្មយ៉ាងសក្តិសមបំផុតសម្រាប់អតិថិជនម៉ាកល្បីៗរបស់យើងនេះ។” ក្រុមហ៊ុនផលិតរថយន្ត Cadillac មានគម្រោងក្នុងការផ្តោតទៅលើការពង្រឹងម៉ាកយីហោក្រុមហ៊ុនតាមរយៈការបើកនូវមជ្ឈមណ្ឌលពិសោធន៍មួយដែលមានឈ្មោះថា Cadillac House Seoul ដែលអនុញ្ញាតឱ្យអតិថិជនជាច្រើនអាចធ្វើការសាកល្បងនូវរថយន្តជាច្រើន និងការទទូលនូវបទពិសោធន៍យ៉ាងអស្ចារ្យតែម្តង។
នាយកប្រតិបត្តិនេះ បានបន្តថា “យើងនរៀបចំនូវ Cadillac House Seoul រយៈពេល 2 ខែកាលពីឆ្នាំមុននេះ។ ឆ្នាំនេះ យើងមានគម្រោងក្នុងការបង្កើនរយៈពេលដោយចាប់ផ្តើមពីខែមេសា ឬខែឧសភា។” ក្រុមហ៊ុនរថយន្តនេះ នឹងបន្តនាំយកនូវបច្ចេកវិទ្យាកាន់តែទំនើបសម្រាប់ម៉ូដែល CT6 ប៉ុន្តែក្រុមហ៊ុននៅមិនទាន់មានគម្រោងក្នុងការដាក់លក់រថយន្តនេះ នៅក្នុងប្រទេសកូរ៉េនៅឡើយទេ។ គួរបញ្ជាក់ផងដែរថា ក្រុមហ៊ុន GM Korea ចាប់ផ្តើមប្រកាសដំណើរការនូវក្រុមហ៊ុនកុលសម្ព័ន្ធ Cadillac នៅទីនេះតាំងពីឆ្នាំ 1996 មកម្ល៉េះ៕