Malibu គឺជារថយន្តប្រភេទ Sedan ស៊េរីថ្មីដ៏ទំនើបបំផុត របស់ក្រុមហ៊ុន Chevrolet ដែលត្រូវបានក្រុមហ៊ុន Chevrolet ធ្វើការរចនា និងច្នែប្រឌិតជាមួយនិង រូបរាងកាន់តែអស្ចារ្យ និងមានផ្តល់នូវភាពអស្ចារ្យ នៅក្នុងការប្រើប្រាស់បំផុតជាពិសេសគឺបើកបរបៅលើដងផ្លូវ។ រថយន្តស៊េរីថ្មីរបស់ក្រុមហ៊ុន Chevrolet មួយនេះ គឺមានបំពាក់នូវបច្ចេកវិទ្យាទំនើបៗជាច្រើន ដែលមានការរចនារូបរាងថ្មីទាន់សម័យមិនធម្មតានោះទេ។ Malibu មានប្រើប្រាស់នូវប្រព័ន្ធសុវត្ថិភាពជាមួយនឹងការតភ្ជាប់ច្រើន ដើម្បីជាការឆ្លើយតបតាមតម្រូវការប្រចាំថ្ងៃរបស់អតិថិជន។ រថយន្តនេះមានទំហំតូចល្មមសម្រាប់ការប្រើប្រាស់ជាលក្ខណៈគ្រួសារ ឬឯកជនផ្ទាល់តែម្តង។
កំលាំងម៉ាស៊ីន
សម្រាប់រថយន្ត Malibu ដែលមានវត្តមាននៅក្នុងទីផ្សារប្រទេសកម្ពុជាយើង គឺមានម៉ាស៊ីនប្រភេទ 2.0L Turbo ដែលជាម៉ូដែល Malibu Premier ដែលមានកម្លាំងម៉ាស៊ីនដល់ទៅ 250 សេះ រួមជាមួយនឹងម៉ាស៊ីន 2.0L Turbocharged ECOTEC Engine ដែលមានចង្កឹះលេខ 9 វគ្គ។ រថយន្ត Malibu នេះ មានផ្តល់នូវបច្ចេកវិទ្យាសុវត្ថិភាពកាន់តែអស្ចារ្យចំនួន 11 សម្រាប់ការបើកបរនៅលើដងវិថី។ បច្ចេកវិទ្យាទាំងនោះ រួមមាន Low Speed Forward Automatic Braking, Lane Change Alert with Side Blind Zone Alert និង Rear Cross Traffic Alert ជាដើម។
ប្រព័ន្ធសុវត្ថិភាព៖
រថយន្ត Malibu 2018 គឺមានបំពាក់នូវប្រព័ន្ធការពារសុវត្ថិភាពជាចច្រើមដូចជា មានដូចជា Front/Rear Park Assist, Front Pedestrian Braking, Adaptive Cruise Control, Forward Automatic Braking, Lane Keep Assist, Lane Departure Warning, Standard Rear Vision Camera, OnStar® Guidance Plan និង OnStar Automatic Crash Response System ជាដើម។ សម្រាប់ប្រព័ន្ធសុវត្ថិភាពនៅលើរថយន្តនេះ គឺមានផ្តល់នូវការជឿជាក់សម្រាប់អ្នកបើកបរនៅគ្រប់កាលៈទេសៈ ហើយអ្នកបើកបរអាចផ្តោតអារម្មណ៍ទៅលើចរាចរណ៍ អ្វីដែលនៅជុំវិញខ្លួន និងស្ថានភាពផ្លូវនៅគ្រប់កាលៈទេសៈថែមទៀត។ បន្ថែមពីនេះ ក៏មានការបង្ហាញអំពីឧបសគ្គ អាកាសធាតុ ស្ថានភាពផ្លូវដែលអាចជះឥទ្ធិពលនៅក្នុងការបើកបរជាមួយនឹងព័ត៌មានសំខាន់ៗជាច្រើនថែមទៀតផង។
ផ្នែកខាងមុខ៖
Malibu 2018 គឺមានប្រើប្រាស់អំពូលភ្លើង LED Auto ដែលអាចភ្លឺទាំងពេលថ្ងៃ និងពេលយប់ ហើយសំរាប់ចង្កៀងមុខនៃរថយន្តនេះ ក៏ជាប្រភេទ LED ផងដែរ។ អ្វីដែលកាន់តែអស្ចារ្យជាងនេះទៀតនោះរថយន្តនេះ ភ្ជាប់មកជាមួយនឹងបច្ចេកវិទ្យា Teen Drive សម្រាប់ផ្តល់នូវរបាយការណ៍ ដើម្បីជួយជម្រុញឱ្យឪពុកម្តាយតាមដានទៅលើការបើកបររបស់កូនៗ និងទម្លាប់នៃការបើកបររបស់ពួកគេបានផងដែរ។ Malibu 2018 ដំណើរការនៅលើប្រព័ន្ធ Chevrolet MyLink Display ដែលប្រើប្រាស់នូវបច្ចេកវិទ្យា Teen Driver Technology សម្រាប់ធ្វើការបិទនូវ Audio, ការដំណើរការស្វ័យប្រវត្តិទៅលើប្រព័ន្ធ Lane Change Alert ជាមួយនឹងប្រព័ន្ធ Side Blind Zone Alert, និងអាចដឹងពីរព័តត៌មាននៅក្នុងរថយន្ត រួមមានដូចជា Forward Collision Alert ឬ Forward Collision Avoidance Braking,និងការកំណត់ទៅលើកម្រិតសំឡេងនៃតន្រ្តី ហើយនិងការកំណត់ល្បឿននៃការបើកបរត្រឹមតែ 85mph។
ផ្នែកខាងក្នុង៖
រថយន្ត Malibu 2018 នេះ គឺមានបំពាក់ដោយកៅអីអង្គុយដែលមានការរចានាយ៉ាងល្អឥតខ្ចោះ ដោយកៅអីនិមួយៗ គឺមានបំពាក់ដោយស្បែកដ៏ទុន និងមានភាពរឹងមាំ អាចអោយអតិថិជន មានអារម្មណ៍ថា មានផាសុកភាព ដូចនៅក្នុងគេហដ្ឋនប្រណិតអញ្ចឹង ទោះបីជាស្ថិតនៅកំឡុងពេលបើកបរក៏ដោយ។ បន្ថែមពីនេះ ក៏៎មានផ្តល់នូវការតភ្ជាប់ជាមួយនឹងបច្ចេកវិទ្យា Apple CarPlay ដែលជាវិធីដ៏ឆ្លាតវៃមួយក្នុងការប្រើប្រាស់ជាមួយនឹងទូរស័ព្ទ iPhone ដើម្បីធ្វើការស្តាប់ទៅលើ Apple Music និងការទទួលទិសដៅជាមួយនឹងការប្រើប្រាស់ Apple Maps ការខលទៅកាន់មិត្តភក្តិ និងជាច្រើនទៀត។ រថយន្តនេះ ក៏អាចប្រើប្រាស់ជាមួយនឹងបច្ចេកវិទ្យា Android Auto សម្រាប់ការភ្ជាប់ទៅកាន់ស្មាតហ្វូនដើម្បីចូលទៅមើល Calendar, Playlists និង Apps ជាច្រើនដូចជា Google Maps ជាដើម។ មួយវិញទៀត រថយន្តនេះក៏ប្រើប្រាស់នូវ Wireless Charging ដែលអ្នកអាចបញ្ចូលថ្មទូរស័ព្ទរបស់អ្នកកាន់តែមានភាពងាយស្រួលបំផុត។ Malibu 2018 មានតម្លៃប្រហាក់ប្រហែល 59.900 ដុល្លាសហរដ្ឋអាមេរិក៕