no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Samsung SDI និង Posco បានឈ្នះគម្រោងនៅក្នុងការផលិតថាមពលថ្មសំរាប់រថយន្តនៅក្នុងប្រទេសឈីលី

យោងតាមការបញ្ជាក់របស់ក្រុមហ៊ុន Samsung កាលពីថ្ងៃទី 11 ខែមីនានេះ ក្រុមហ៊ុនផលិតថាមពលថ្ម Samsung SDI របស់ប្រទេសកូរ៉េខាងត្បូង និងក្រុមហ៊ុនដែកថែប Posco នឹងធ្វើការសាងសង់ និងដំណើរការនូវរោងចក្រផលិតថាមពលថ្ម Lithium នៅក្នុងប្រទេសឈីលី ក្រោយពីដេញថ្លៃបានឈ្នះគម្រោងនៅក្នុងការផែនការនេះ ពិសេសគឺមានការធានាដោយរដ្ឋាភិបាលនៃប្រទេសឈីលី ។

ជាមួយនឹងគម្រោងដ៏ធំនេះ ក្រុមហ៊ុន Samsung SDI និង Posco នឹងបង្កើតការវិនិយោគរួមគ្នាជាមួយនឹងទឹកប្រាក់ 57.5 ពាន់លានវ៉ុន (ប្រហែលជា 54.2 លានដុល្លារអាមេរិក) នៅក្នុងការបណ្តាក់ទុនរួមគ្នា ដើម្បីចាប់ផ្តើមការផលិតនូវថាមពលថ្ម Nickel Cobalt Aluminum និង Nickel Cobalt Manganese ដែលមានទំងន់ 32 លានតោន សំរាប់រថយន្តប្រើប្រាស់អគ្គិសនីនៅក្នុងទីក្រុងភាគខាងជើងនៅក្នុងរដ្ឋ Mehillones នៅក្នុងប្រទេសឈីលីនៅក្នុងឆមាសទី 2 ឆ្នាំ 2021 នោះ។

ការបណ្តាក់ទុនរួមគ្នារបស់ក្រុមហ៊ុនបច្ចេកវិទ្យាកូរ៉េ នៅក្នុងការផ្គត់ផ្គង់ទៅលើថាមពលថ្ម Lithium គឺសំដៅបង្កើននូវវត្ថុធាតុដើមស្នូលដ៏សំខាន់សម្រាប់ការផលិតថាមពលថ្មនេះ។ ក្រុមហ៊ុនរបស់ប្រទេសកូរ៉េ គឺជាក្រុមហ៊ុនមួយនៅក្នុងចំណោមអ្នកឈ្នះចុងក្រោយ 3 ទៅលើគម្រោងជាច្រើនដែលមានការចូលរួមពីអាជីវកម្មជាច្រើននៅលើពិភពលោកចំនួន 12 នៅក្នុងប្រទេសកាណាដា ប្រទេសប៊ែលហ្សិក និងប្រទេសចិន។

ក្រុមហ៊ុន Samsung និង Posco បានសហការគ្នាទៅលើគម្រោងនេះ ចាប់តាំងពីខែមិថុនាឆ្នាំមុន ហើយក្រុមហ៊ុន គ្រោងនឹងបន្តនូវភាពជាដៃគូក្នុងការពង្រីកទៅលើការផលិតថាមពលនៅក្នុងប្រទេសឈីលីផងដែរ។ រោងចក្រផលិតថាមពលថ្មនៅក្នុងប្រទេសឈីលី នឹងផ្តល់នូវថាមពលថ្មសម្រាប់ក្រុមហ៊ុន Samsung SDI ជាមួយនឹងការផ្គត់ផ្គង់ថាមពលថ្ម Lithium សម្រាប់រថយន្តប្រើប្រាស់អគ្គិសនីនៅក្នុងរយៈពេលយូរថែមទៀត។ សម្រាប់ទីផ្សារពិភពលោកនៃថាមពលថ្ម Lithium-ion សម្រាប់រថយន្តអគ្គិសនី និងប្រព័ន្ធផ្ទុកថាមពល គឺមានការព្យាករណ៍ថា នឹងមានការកើនឡើងពី 210,000 តោននៅក្នុងឆ្នាំ 2016 ទៅ 860,000 តោននៅក្នុងឆ្នាំ 2020 នេះបើតាមប្រភពពីឧស្សាហកម្មនេះ៕

no-alternative title
ព័ត៌មានពាណិជ្ជកម្ម