11 ចំណុចដែលធ្វើឲ្យរថយន្ត Ford Fiesta មានសមត្ថភាព និងស័ក្ដិសមបំផុតសម្រាប់បើកបរនៅក្នុងទីក្រុង

បច្ចុប្បន្ននេះ យើងសង្កេតឃើញថា កំណើនអ្នកប្រើប្រាស់រថយន្តក្នុងទីក្រុងភ្នំពេញ គឺមានការកើនឡើងគួរឲ្យកត់សម្គាល់ ដែលជាហេតុធ្វើឲ្យការធ្វើចរាចរណ៍នៅលើដងផ្លូវកាន់តែមានសភាពមមាញឹកឡើងៗ ពីមួយថ្ងៃទៅមួយថ្ងៃ ដោយបានធ្វើឲ្យមានការកកស្ទះចរាចណ៍រៀងរាល់ថ្ងៃថែមទៀតផង។ ដូច្នេះហើយ ការជ្រើសរើសប្រភេទ ទំហំ និងបច្ចេកវិទ្យារបស់រថយន្តពិតជាមានសារៈសំខាន់ខ្លាំងណាស់សម្រាប់អ្នករស់នៅក្នុងទីក្រុង។ 

រថយន្តដែលមានរាងតូចមិនត្រឹមតែងាយស្រួលក្នុងការបើកបរនោះទេ គឺថែមទាំងជួយសន្សំពេលវេលានិងប្រាក់កាសឲ្យអ្នកប្រើប្រាស់ទៀតផង។ ហេតុនេះ ក្រុមហ៊ុន Ford បានផលិតនូវរថយន្ត Ford Fiesta ជារថយន្តខ្នាតតូចមួយប្រភេទ ដែលត្រូវបានគេនិយមប្រើប្រាស់ជុំវិញពិភពលោក ដោយសាររូបរាងដ៏គួរឲ្យទាក់ទាញ សុវត្ថិភាពខ្ពស់ គួបផ្សំជាមួយនឹងភាពឆ្លាតវៃនៃបច្ចេកវិទ្យា ដែលបំពាក់នៅលើរថយន្តនេះ។ Ford Fiesta បានរចនាឡើងជាមួយនឹងរូបរាងតូច ច្រឡឹង ព្រមទាំងផ្តល់ភាពងាយស្រួលក្នុងការបើកបរនៅក្នុងទីក្រុង និងផ្ដល់ភាពងាយស្រួលក្នុងការចូលចតនៅតាមទីសាធារណៈដែលតូចចង្អៀតផងដែរ។  រថយន្តនេះ បានរចនាឡើងបែបស្ព័រ បំពាក់ទៅដោយទ្វារចំនួនប្រាំ។ ផ្នែកខាងក្នុងនៃរថយន្តត្រូវបានរចនាឡើងយ៉ាងទាក់ទាញ ជាមួយនឹងកៅអីដែលមានផាសុកភាព និងបច្ចេកវិទ្យាទំនើបទាន់សម័យជាច្រើនរួមមាន៖

1.ការបញ្ឆេះរថយន្តដោយ មិនបាច់ប្រើសោរ ងាយស្រួលក្នុងការប្រើប្រាស់

 

2.ការផ្សារភ្ជាប់ការកំសាន្ត ជាមួយប្រព័ន្ធ Ford SYNC ដែលអាចបញ្ជាដោយសម្លេង (Voice Command) ទៅលើវិទ្យុ តន្ត្រីនិងការកំសាន្ដផ្សេងៗ

 

3. រថយន្តនេះបំពាក់ដោយម៉ាស៊ីន 1.0L Eco-boost ជំនាន់ថ្មី គឺជាម៉ាស៊ីនរថយន្តមួយប្រភេទ ដែលជាបច្ចេកវិទ្យាចុងក្រោយបំផុតរបស់ក្រុមហ៊ុន Ford ត្រូវបានគេទទួលស្គាល់ជាម៉ាស៊ីនដែលមានកម្លាំងខ្លាំង ស៊ីប្រេងតិច និងជួយកាត់បន្ថយផលប៉ះពាល់ទៅលើបរិស្ថាន

4.ប្រព័ន្ធទប់លំនឹងរថយន្ត (Electronic Stability Program) ដែលមានមុខងារយ៉ាងសំខាន់ក្នុងការទប់លំនឹងរថយន្ត និងបញ្ជៀសការក្រឡាប់ 

 

5.ប្រព័ន្ធទប់លំនឹងពេលឡើង ចំណោត (Hill Start Assist with Brake Support) ដែលអាចទប់រថយន្តនៅលើចំណោតបានរយៈពេល 2វិនាទីដោយពុំចាបាច់ជាន់ហ្វ្រាំង 

 

6.ប្រព័ន្ធហ្វ្រាំងអេឡិចត្រូនិច (Electronic Brake Assist) ងាយស្រួលក្នុងការជាន់ហ្វ្រាំងក្នុងករណីបន្ទាន់

 

7.សេនសឺខាងក្រោយចំនួន 4 គ្រាប់ជំនួយនៅពេលចូលចតដែលផ្ដល់សញ្ញាជាសម្លេងនៅពេលមានឧបសគ្គនៅខាងក្រោយ

 

8.ចង្កូតអេឡិចត្រូនិច ធូងាយស្រួលបើកបរ (Electronic Power Assisted Steering)

 

9.ចង្កៀងខាងមុខបិទបើកអូតូ (Automatic Headlamp) 

 

10.ផ្លិតទឹកអូតូ (Rain-Sensing Wipers)

 

11.មានកន្លែងផ្ទុកឥវ៉ាន់បានច្រើន (Extra Storage Compartments)