កាលពីម្សិលមិញនេះ មានការលើកឡើងថា ក្រុមហ៊ុន Chevrolet នឹងធ្វើការបញ្ឈប់នូវការផលិតរថយន្តតូច Sonic ដោយសារតែការលក់នៃប្រភេទរថយន្តនេះ មានចំនួនតិចតួចពេក។ លោកអ្នកប្រហែលជាមានការឆ្ងល់ថា ចុះចំណែករថយន្តរបស់ក្រុមហ៊ុន Chevrolet ផ្សេងទៀតនោះ យ៉ាងមេចវិញ? សំរាប់ 2019 Cruze និង 2019 Spark ដែលជារថយន្តរយន្តប្រភទេ Sedan តូច រួមនឹងរថយន្ត SUV និង Truck ផ្សេងទៀត ក្រុមហ៊ុន Chevrolet នឹងធ្វើការរចនារូបរាងកាន់តែទាក់ទាញសម្រាប់អ្នកប្រើប្រាស់។
ក្រុមហ៊ុនអាមេរិកាំងមួយនេះ បានបញ្ជាក់ថា រថយន្ត Cruze 2019 គឺមានការរចនាផ្នែកខាងមុខថ្មីកាន់តែស្រស់ស្អាត និងការរចនារូបរាងកាន់តែប្រសើរបំផុត។ រថយន្តប្រភេទ Trim Cruze ដ៏ប្រណិតនេះ ប្រើប្រាស់នូវភ្លើង LED Lighting ហើយ ក៏ប្រើប្រាស់នូវបច្ចេកវិទ្យា Chevrolet Infotainment 3 ជាមួយនឹងអេក្រង់ 7-inch diagonal color touchscreen ថ្មីផងដែរ។ Cruze 2019 ក៏មានការប្រើប្រាស់នូវការបញ្ឆះពីចម្ងាយ Remote Start និងការគ្រប់គ្រងទៅលើសីតុណ្ហភាពដោយស្វ័យប្រវត្តិថែមទៀត។
ក្រុមហ៊ុនបន្ថែមថា សម្រាប់កង់របស់រថយន្ត Cruze 2019 នេះ គឺមានការរចនារូបរាងថ្មីកាន់តែស្រស់ស្អាត ប្រើប្រាស់នូវពណ៌ Umber color ស៊េរីថ្មីផងដែរ។ រថយន្ត Cruze 2019 ប្រើប្រាស់នូវកម្លាំងម៉ាស៊ីន 1.4 turbo និងម៉ាស៊ីន 1.6L turbo-Diesel engines រួមជាមួយនឹងប្រព័ន្ធសុវត្ថិភាពជាច្រើនទៀតផងដែរ។
ក្រុមហ៊ុន Chevrolet បានបញ្ជាក់ាបន្តថា ចំបោះរថយន្ត Chevrolet Spark 2019 ក៏មានការរចនារូបរាងទាន់សម័យ និងការប្រើប្រាស់នូវប្រព័ន្ធ Low Speed Forward Automatic Braking ផងដែរ។ រថយន្តប្រភេទតូចដ៏សន្លាងថ្មីនេះ ត្រូវបានក្រុមហ៊ុនប្រើប្រាស់នូវ Projector-Style Headlamps និងភ្លើង LED ផងដែរ។ រីឯកំលាំងវិញ រថយន្ត Chevrolet Spark 2019 គឺមានច្រើនប្រភេទ រួមមានដូចជាស LS, LT, 2LT និង ACTIV ផងដែរ។ រថយន្តនេះ មានពោងការពារសុវត្ថិភាពចំនួន 10 រួមជាមួយនឹងកាមេរ៉ាផងដែរ។ Chevrolet Spark 2019 បំពាក់នូវម៉ាស៊ីនប្រភេទ 1.4L DOHC ជាមួយនឹងការដំណើរការនូវ CVT ផងដែរ៕
