គ្រប់គ្នាប្រាកដជាធ្លាប់បានដឹងរួចមកហើយអំពីរថយន្តស៊េរីថ្មី SUV ម៉ូដែល Hyundai Kona អគ្គិសនី នៅពេលដែលក្រុមហ៊ុនកូរ៉េមួយនេះ បានប្រកាសបង្ហាញនៅក្នុងខែកុម្ភៈកន្លងទៅនេះ។ នៅក្នុងកំឡុងពេលនោះ រថយន្ត SUV នេះ ត្រូវបានផ្តល់នូវការបើកបរនៅក្នុងចម្ងាយដល់ទៅ 292 ម៉ាយ៍សម្រាប់ការបញ្ចូលថ្មម្តងសម្រាប់ម៉ូដែលរថយន្តកម្រិតខ្ពស់នោះ។
ក្រុមហ៊ុន Hyundai ពេលនេះ បានបង្ហាញជាផ្លូវការនូវរថយន្តស៊េរីថ្មី Kona នៅក្នុងទីផ្សាររបស់សហរដ្ឋអាមេរិក ហើយបើលក្ខណៈសម្បត្តិរបស់រថយន្តនេះគឺពិតជាល្អមែនទែន។ ពេលនេះ Hyundai បញ្ជាក់ថា រថយន្ត Kona នឹងធ្វើដំណើរចម្ងាយប្រហែលជា 250 ម៉ាយ៍សម្រាប់ការបញ្ចូលថ្មម្តងនោះ។ វានៅមិនទាន់ច្បាស់នោះទេអំពីការប្រកាសបង្ហាញជាផ្លូវការដែលកើតឡើងតាំងពីខែមុននេះ។ វាមានការបង្ហាញថា សម្រាប់ជំនាន់របស់រថយន្ត Kona នៅសហរដ្ឋអាមេរិកពេលនេះនឹងបង្ហាញខ្លួននៅសហរដ្ឋអាមេរិកឆាប់ៗនេះ។
ក្រុមហ៊ុន Hyundai និយាយថា រថយន្ត Kona នេះអាចរកទិញបាននៅក្នុងត្រីមាសទី 4 ឆ្នាំ 2018 ។ ជាក់ស្តែង រថយន្ត Kona នឹងដាក់លក់នៅរដ្ឋ California ផងដែរ។ សម្រាប់ការប្រកាសបង្ហាញថ្មីនេះគឺផ្តោតទៅលើរូបរាងរបស់រថយន្ត Kona នេះដែលពិតជាទាក់ទាញខ្លាំងមែនទែន។ រថយន្តនេះមានកម្លាំងម៉ាស៊ីន 201hp ជាមួយនឹងកម្លាំងរមួល 291 lb-ft ហើយវាប្រើប្រាស់នូវថាមពលថ្ម 64 kWh lithium-ion ដែលអាចធ្វើការបញ្ចូលថាមពលបានដល់ទៅ 80% នៅក្នុងរយៈពេល 54 នាទីជាមួយនឹង level-III charger ។ សម្រាប់ការបញ្ចូលថ្មពេញលេញសម្រាប់រថយន្តនេះជាមួយនឹង Level-II គឺប្រើប្រាស់ពេលដល់ទៅ 9 ម៉ោង និង 35 នាទី។ អតិថិជនដែលទិញយករថយន្ត Kona គឺពិតជារីករាយជាមួយនឹងការប្រើប្រាស់ Apple CarPlay, Android Auto និង Hyundai Smart Sense ផងដែរ។
សម្រាប់ប្រព័ន្ធសុវត្ថិភាពរបស់រថយន្តនេះវិញ គឺការរកឃើញអ្នកធ្វើដំណើរថ្មើរជើងដើរឆ្លងកាត់ផ្លូវ ការជូនដំណឹងទៅកាន់អ្នកបើកបរ ការជួយទៅបើកបរនៅលើគន្លងផ្លូវ ការជូនដំណឹងអំពីតំបន់ងងឹតនៃរថយន្ត ការឆ្លងកាត់គំនូសចរាចរណ៍ និងជាច្រើនទៀត។ រថយន្តនេះប្រើប្រាស់អេក្រង់ 8-inch nav screen និងបច្ចេកវិទ្យា Qi wireless device charging រួមជាមួយនឹង Blue Link ថែមទៀត។ សម្រាប់តម្លៃរបស់វានៅមិនទាន់ប្រកាសនៅឡើយទេ៕
