កាលពី 50 ឆ្នាំមុន រថយន្ត Ford Mustang Cobra Jet បានធ្វើដំណើរឆ្លងកាត់គ្រប់ទីកន្លែង នេះគឺជាកំពូលរថយន្តដ៏អស្ចារ្យមួយ ដែលបានបង្ហាញខ្លួន ជាមួយនឹងថាមពលដ៏មហិមាល។ នៅពេលនេះ គឺជាខួបនៃការវិលត្រឡប់មកវិញហើយនៃរថយន្ត Mustang Cobra Jet។ រថយន្តនេះ បង្កើតឡើងដោយ Ford Performance ដែលមានគោលដៅក្នុងការផ្តល់នូវថាមពល និងអស្ចារ្យបំផុតចេញពីរោងចក្រ ដែលមានល្បឿនខ្លាំងកម្លាំងដល់ទៅ 150mph។
លោក Eric Cin ដែលជាប្រធានរបស់ Ford Performance Parts បាននិយាយថា “រថយន្ត Mustang Cobra Jets ដំបូងបំផុត ដែលបង្ហាញខ្លួននៅក្នុង 1968 NHRA Winternationals រហូតមកដល់ពេលបច្ចុប្បន្ននេះ គឺជាប្រភេទរថយន្តប្រណាំង Cobra Jet ដែលក្រុមការងាររបស់ Ford Performance Parts បានបន្តនៅក្នុងការបង្កើតនូវម៉ាកយីហោ Cobra Jet Brand នេះ បន្ទាប់ពីរថយន្តនេះ មានភាពជោគជ័យជាង 5 ទសវត្ស៍មកហើយ។ នេះគឺជាជំនាន់ចុងក្រោយបំផុតសម្រាប់អ្នកគាំទ្ររថយន្ត Mustang សម្រាប់ការចាប់ផ្តើមនូវដំណើរការម៉ាស៊ីនរបស់ពួកគេនៅលើដងផ្លូវនោះ។”
ក្រោមការគ្រប់គ្រងរបស់ Ford Performance Parts គោលដៅនៃការផលិតរថយន្ត 2018 Ford Mustang platform គឺមានការប្រើប្រាស់នូវម៉ាស៊ីនប្រភេទ Supercharged 5.2-liter Coyote V8 និង unique four-link rear suspension ជាមួយនឹង Ford 9-inch solid rear axle របស់ Strange Engineering។ រថយន្តនេះ មានការប្រើប្រាស់នូវកៅអីប្រភេទ Racetech FIA និងការប្រើប្រាស់នូវកង់ប្រភេទ Weld Racing wheels សម្រាប់អបអរខួបលើកទី 50 នោះ។
សម្រាប់រថយន្តប្រណាំងដ៏កំពូលនេះ មានការបង្ហាញអំពីកម្លាំងម៉ាស៊ីនខ្លាំងក្លានៅក្នុង Ford Performance Parts catalog សម្រាប់ត្រកូលរថយន្ត Mustang ដែលរថយន្តដំបូងបំផុតនោះគឺ 1968 Cobra Jet ។ រថយន្តនេះ មានពណ៌ Race Red ឬ Oxford White សម្រាប់រថយន្ត 2018 Mustang Cobra Jet សម្រាប់ខួបលើកទី 50 នេះ។ ការបញ្ជាទិញ និងលក្ខណៈសម្បត្តិរបស់រថយន្តកំពូល 2018 Mustang Cobra Jet នឹងបញ្ចេញនៅក្នុងរដូវក្តៅនេះ។ រថយន្តនេះ ត្រូវរចនាឡើងដោយក្រុមការងារនៃ National Hot Rod Association និង National Mustang Racers Association និង National Muscle Car Association classes ៕