កាលពីសសប្តាហ៍មុននេះ ក្រុមហ៊ុនផលិតរថយន្តដ៏ល្បីល្បាញ Jaguar ទើបតែប្រកាសថា ខ្លួនមានរថយន្តស៊េរីថ្មីស្រឡាងមួយគ្រឿងសម្រាប់អបអរខួបលើកទី 50 ឆ្នាំនៃម៉ាកយីហោ XJ។ រថយន្តស៊េរីថ្មីនេះ មានឈ្មោះហៅថា XJ50 ត្រូវបានរចនារូបរាងឡើងជាមួយនឹងទំហំរួមស្តង់ដារ និងជាប្រភេទ Wheelbase ដែលមានប្រវែងជាម៉ូដែលផ្សេងៗ។ ជាមួយនឹងវត្តមាននៃរថយន្តនេះ គឺមានពីរជម្រើស ដែលត្រូវបានក្រុមហ៊ុនប្រើប្រាស់នូវកម្លាំងម៉ាស៊ីនប្រភេទ 3.0L gas engine ដែលអាចបើបនៅក្នុងល្បឿន 340ps និងមួយទៀប្រភេទប្រេងម៉ាស៊ូតនៅក្នុងល្បឿន 300ps។
រថយន្ត XJ50 មានការរចនាផ្នែកខាងមុខយ៉ាងស្រស់ស្អាតប្រភេទ Autobiography-style ហើយនឹងមានកង់ទំហំ 20-inch Venom wheels ពណ៌ខ្មៅដ៏ស្រស់ស្អាតបំផុត។ រថយន្តស៊េរីថ្មិដ៏ទំនើបនេះ គឺមានច្រើនពណ៌សម្រាប់ជ្រើសរើសគឹពណ៌ស Fuji White, ពណ៌ខ្មៅ Santorini Black, ពណ៌ខៀវ Loire Blue រួមជាមួយនិងពណ៌ក្រហម Rosello Red។
ផ្នែកខាងក្នុងរបស់រថយន្តនេះ ធ្វើពីស្បែកពូកដ៏ប្រណិតមានតម្លៃបំផុតដ៏ទន់ល្មើយ មិនធ្វើឱ្យរោយឈឺឆ្អឹងខ្នងអ្វីនោះទេ។ រថយន្ត XJ50 ជំនាន់ថ្មីនេះ នៅតែប្រើប្រាស់នូវម៉ាស៊ីនទំហំ 12 ស៊ីឡាំងដដែល ដូចទៅនឹងម៉ូដែលមុនៗដែលក្រុមហ៊ុនបានប្រើប្រាស់ជាច្រើនឆ្នាំមកហើយ។ សូមជំរាបថា រថយន្ត XJ ដំបូងបំផុតត្រូវបង្កើតឡើងនៅក្នុងឆ្នាំ 1968 ហើយរថយន្ត XJ នេះសម្រាប់ដឹកភ្ញៀវ VIPs អ្នកនយោបាយ ឬរាជវង្សនោះ។ សម្រាប់ជំនាន់ V12 គឺបានបង្ហាញខ្លួននៅក្នុងឆ្នាំ 1972 ហើយនេះគឺជារថយន្តទ្វារ 4 ដែលមានល្បឿនលឿនបំផុតដល់ទៅ 140mph ថែមទៀត។
រហូតមកដល់ឆ្នាំ 2003 ក្រុមហ៊ុន Jaguar បានមានការផ្លាស់ប្តូរដ៏ធំមួយជាមួយនឹងតួខ្លួនប្រភេទ aluminum monocoque bodyshell ដែលទ្រទ្រង់ 40% នៃទម្ងន់របស់រថយន្ត។ រថយន្តស៊េរីថ្មី XJ50 នេះ នឹងមានដាក់លក់នៅក្នុងតម្លៃ £74,280 នៅក្នុងចក្រភពអង់គ្លេស ហើយអ្នកអាចធ្វើការកម្មង់ទិញនៅពេលនេះ។ យោងតាមព័ត៌មាននេះ បានអោយដឹងងថា ក្រុមហ៊ុន Jaguar នៅមិនទាន់មានព័ត៌មាននៃការដាក់លក់នៅក្រៅប្រទេសនេះនោះទេ៕