ក្រុមហ៊ុន Nissan ទើបតែប្រកាសបង្ហាញអំពីព័ត៌មានលម្អិតនៃតម្លៃសម្រាប់រថន្តស៊េរីថ្មីចុងក្រោយដែលមានឈ្មោះហៅថា Kicks។ សម្រាប់តម្លៃរបស់រថយន្ត Kicks S នឹងមានតម្លៃ $17,990។ ក្រុមហ៊ុន Nissan បានបញ្ជាក់ថា រថយន្ត Kicks នឹងចាប់ផ្តើមដាក់លក់នៅក្នុងរដូវផ្ការីកនេះ តាមរយៈហាងចែកចាយរបស់ក្រុមហ៊ុន Nissan ជាច្រើន ជាមួយនឹងរថយន្ត Rogue និង Rogue Sport ផងដែរ។
ក្រុមហ៊ុនរថយន្ត Nissan នឹងផ្តល់នូវរថយន្ត Kicks ជាមួយនឹង 3 ម៉ូដែលផ្សេងៗ គ្នាគឺប្រភេទ Kicks S, Kicks SV និង Kicks SR ។ សម្រាប់រថយន្តនេះ គឺមានម៉ាស៊ីនទំហំ 1.6L 4-cylinder engine ដែលមានកម្លាំង 125hp និងកម្លាំងរមួល 115 lb-ft ។ រថយន្ត Kicks នេះប្រើប្រាស់ប្រេងអស់ 33 mpg។ រថយន្ត Kicks S នឹងដាក់លក់នៅក្នុងតម្លៃ $17,990 ស្របពេលដែលរថយន្ត Kicks SV ដាក់លក់នៅក្នុងតម្លៃ $19,690 ហើយរថយន្ត Kicks SR ដាក់លក់នៅក្នុងតម្លៃ $20,290។
រថយន្ត Kicks ទាំងនេះ គឺមានលក្ខណៈសម្បត្តិស្រដៀងគ្នាទៅនឹងរថយន្តជាច្រើនទៀតរបស់ក្រុមហ៊ុន Nissan ដូជជាការប្រើប្រាស់ V-motion grille, boomerang headlights និង taillights។ រថយន្តក៏បំពាក់នូវប្រព័ន្ធភ្លើង Intelligent Auto Headlights និង LED ។ រថយន្តនេះ គឺមានចំនួន 7 ពណ៌ សម្រាប់ជ្រើសរើស។ រថយន្ត Kicks នេះ ក៏មានការរចនារូបរាងយ៉ាងស្រស់ស្អាត និងបច្ចេកវិទ្យាកាន់តែទំនើបនៅក្នុងក្នុងរថយន្តថែមទៀត។
ក្រុមហ៊ុន Nissan បានធ្វើការកែប្រែទៅលើផ្នែកកៅអីអង្គុយនៅខាងក្នុងរបស់រថយន្តនេះ កាន់តែធំជាងមុនផងដែរ នៅក្នុងនោះ ក៏មានការប្រើប្រាស់នូវប្រព័ន្ធ automatic emergency braking ពោងខ្យល់ចំនួន 7 និងកាមេរ៉ាខាងក្រោយផងដែរ។ រថយន្តម៉ូដែល SV និង SR ថែមទាំងមានប្រើប្រាស់នូវប្រព័ន្ធ Blind spot Warning និង Rear Cross Traffic Alert ទៀតផង៕