ក្រុមហ៊ុនផលិតរថយន្ត Rolls-Royce ធ្លាប់បានធ្វើការប្រកាសរួចមកហើយថា ក្រុមហ៊ុន នឹងធ្វើការផលិតនូវប្រភេទរថយន្ត SUV ដែលរថយន្តស៊េរីថ្មីនេះ នឹងមិនរូបរាងដូចជារថយន្តផ្សេងនោះទេ។ ថ្ងៃនេះ មានការបបង្ហាញចេញនូវគំរូរថយន្តស៊េរីថ្មី Rolls-Royce Cullinan 2019 ដែលមើលទៅ គឺពិតជាស្រស់ស្អាតបំផុត ការរចនារូបរាង និងកង់រថយន្តរបស់ក្រុមហ៊ុននេះ គឺពិតជាមិនធម្មតានោះទេ សម្រាប់ក្រុមហ៊ុនផលិតរថយន្តរបស់អង់គ្លេសមួយនេះ។
ផ្នែកខាងក្រៅរបស់រថយន្តនេះ គឺមានរាងដូចគ្នាទៅនឹងប្រភេទ Phantom ដែរ ដែលបង្ហាញអំពីមហិច្ឆិតាគ្មានព្រំដែនរបស់អ្នកប្រើប្រាស់រថយន្តនេះ។ សម្រាប់ប្រព័ន្ធ Air suspension system វិញ គឺត្រូវបានបំពេញបន្ថែមនូវសមត្ថភាពកាន់តែអស្ចារ្យសម្រាប់រថយន្ត Cullinan។ រថយន្តនេះ ប្រើប្រាស់នូវម៉ាស៊ីនប្រភេទ 6.75-liter V12 engine ដែលមានកម្លាំងរមួលដល់ទៅ 627 lb-ft និងកម្លាំងរង្វិលទាប 1,600 rpm។
ផ្នែកខាងក្នុងរបស់រថយន្តនេះ មានការប្រើប្រាស់នូវកៅអីអាចបានចំនួន 4 ឬ 5។ រថយន្តជំនាន់ថ្មីនេះ គឺមានការប្រើប្រាស់នូវសម្ភារៈប្រណិតដូចជាឈើ ស្បែក និងលោហធាតុ ដែលមានការប្រើប្រាស់នូវបច្ចេកវិទ្យាផងដែរ។ សម្រាប់ទ្វាររបស់រថយន្តនេះ គឺប្រើប្រាស់ប៊ូតុង Touch ថែមទៀតផង៕ សូមរង់ចាំអានបន្ត,,,,!