មុននឹងបញ្ចេញលក់អោយអតិជនប្រើប្រាស់ក្រុមហ៊ុន Ford បានធ្វើការតេស្តសាកល្បងរថយន្ត Ranger ស៊េរីថ្មីឆ្នាំ 2019 ដែលជាប្រភេទរយន្ត Truck របស់ខ្លួនជាច្រើនដំណាក់កាលទាំងនៅក្នុងមន្ទីពិសោធន៍របស់ក្រុមហ៊ុនផ្ទាល់ និងការបើកបរដោយផ្ទាល់ពីក្រុមអ្នកជំនាញបញ្ជារថយន្តនៅលើដងផ្លូវលំបាកៗក្នុងតំបន់ជាច្រើន។
ការធ្វើតេស្ត៍សាកល្បងដ៏ខ្លាំងក្លានេះ ដើម្បីបង្ហាញអោយឃើញច្បាស់ពីភាពរឹងមាំនៃរថយន្ត Ford Ranger 2019 ថាវាអាចស៊ួទ្រាំនៅលើដងផ្លូវលំបាកៗជាច្រើនដែលការធ្វើតេស្តនេះគឺត្រូវបានធ្វើឡើងតាំងពីផ្លូវនៅក្នុងតំបន់ Outback ប្រទេសអូស្រ្តាលី (Australian Outback) រហូតដល់តំបន់វាលខ្សាច់អារីសូណា (Arizona Desert)។
ការធ្វើតេស្ត៍ពីសមត្ថភាព និងភាពធន់នៃរថយន្ត Ford Ranger ស៊េរីឆ្នាំ 2019 ដែលជារថយន្តប្រភេទ Truck ដ៏ពេញនិយមសម្រាប់ដំណើរផ្សងព្រេងមួយនេះ ព្រោះថា មហ៊ុនចង់បង្ហាញថា Ford Ranger 2019 គឺត្រូវបានផលិតឡើងដោយផ្តោតទៅលើភាពធន់រឹងមាំតាមស្តង់ដារជាក់លាក់នៃប្រភេទរថយន្ត Truck ជាមួយនឹងការបំពាក់នូវបច្ចេកវិទ្យាថ្មីៗទំនើបចុងក្រោយដើម្បីត្រៀមខ្លួនសម្រាប់ដំណើរផ្សងព្រេងទៅកាន់ទៅកាន់ពិភពលោកដែលរថយន្តផ្សេងទៀតមិនអាចធ្វើបាន។ ការធ្វើតេស្ត៍នៅលើរថយន្ត Ranger 2019 នេះគឺផ្អែកទៅលើលក្ខណៈស្តង់ដារដូចគ្នាទៅនឹងរថយន្ត Ford F-150 ដែរ។
លោក Rick Bolt ប្រធានក្រុមវិស្វ័ករជាន់ខ្ពស់របស់ក្រុមហ៊ុន Ford បានលើកឡើងថា “ការធ្វើតេស្តនៅលើរថយន្ត Ranger 2019 គឺដើម្បីបង្ហាញអោយឃើញនូវភាពរឹងមាំនៃរថយន្តដែលបង្គុំឡើងពីសមាសធាតុគុណភាពកម្រិតាស្តង់ដារខ្ពស់ ភាពរឹងមាំនៃដែកតួររថយន្ត និងសន្ទុះកំលាំងម៉ាស៊ីនដ៏ខ្លាំងប្រភេទ EcoBoost@ Engine របស់វា ហើយការរចនាតុបតែងផ្នែកខាងក្នុងនៃរថយន្តនេះជាមួយកៅអីស្បែកដែលបង្ហាញពីភាពប្រណិតមើលទៅមានផាសុខភាពដែលបំពេញបានតាមគ្រប់រដូវកាល និងគ្រប់ទីកន្លែង”។
ក្រៅតែពីបានធ្វើតេស្តសាកល្បងលើការបើកបរនៅលើផ្លូវពិតៗទៅកាន់តំបន់ផ្សេងៗរួចហើយក្រុមហ៊ុន Ford ក៏បានធ្វើការតេស្តពិសោធន៍ពីសមត្ថភាពរបស់ Ranger 2019 នៅក្នុងមន្ទីពិសោធន៍របស់ខ្លួនផងដែរដើម្បីអោយប្រកដថារថយន្តស៊េរីថ្មីនេះពិតជាមានភាពធន់រឹងមាំ និងមានសុវត្ថិភាពខ្ពស់បំផុតអាចប្រើប្រាស់បានតាមគ្រប់ស្ថានភាពផ្លូវជាមួយកំលាំងម៉ាស៊ីនដ៏ខ្លាំងក្លារបស់វា។
ការបំពាក់បន្ថែមនៅបច្ចេកវិទ្យាគ្រប់គ្រងស្ថានភាពផ្លូវ Terrain Management System, ប្រព័ន្ទ Trial Control និងប្រព័ន្ធផ្តល់នូវសញ្ជាខាងក្រោយ blind spot monitoring ជាមួយមុខងារ Trailer Support គឺរឹតតែធ្វើអោយការបើកបររបស់លោកអ្នកកាន់តែមានសុខសុវត្ថិភាពខ្ពស់បំផុតជាមួយរថយន្ត Ranger 2019។ រថយន្ត Ford Ranger 2019 នឹងចាប់ផ្តើមចេញលក់នៅក្នុងទីផ្សារសហរដ្ឋអាមេរិកនៅដើមឆ្នាំ 2019៕