នេះគឺជារថយន្តស៊េរីថ្មីមួយទៀតរបស់ក្រុមហ៊ុន Mercedes ដែលមានឈ្មោះថា Mercedes-AMG GT 63 S 4MATIC+ Edition 1។ ក្រុមហ៊ុន Mercedes បានប្រកាសថា ខ្លួននឹងធ្វើការផលិតរថយន្តនេះនៅក្នុងរយៈពេល 12 ខែចាប់ផ្តើមពីខែកញ្ញា ឆ្នាំ 2018 នេះ។ រថយន្តប្រណាំងស៊េរីថ្មីនេះមានការរចនារូបរាងផ្នែកខាងក្រៅ និងផ្នែកខាងក្នុងយ៉ាងអស្ចារ្យបំផុត។ សម្រាប់អតិថិជនដែលចុះឈ្មោះជាវរយន្តនេះ នឹងទទួលបាននូវ AMD Aerodynamics Package ផងដែរ។
ក្រុមហ៊ុន Mercedes បានបញ្ជាក់ថា រថយន្ត Edition 1 គឺមានចំនួន 3 ពណ៌សម្រាប់ជ្រើសរើសគឺពណ៌ graphite grey magno, diamond white bright ឬ graphite gray metallic នោះ។ រថយន្តស៊េរីថ្មីនេះ នឹងប្រើប្រាស់នូវកង់រថយន្តប្រភេទ 21-inch AMG ដ៏ស្រស់ស្អាត។ សម្រាប់ផ្នែកខាងក្នុងរបស់រថយន្តនេះ គឺការប្រើប្រាស់នៅកៅអី AMG Performance seats ដែលប្រើប្រាស់នូវស្បែកពូកប្រភេទ Nappa ទន់ល្មើយក្នុងការអង្គុយនៅលើនេះ ដែលក្រណាត់របស់វា គឺជាប្រភេទ Matte carbon fiber និងខ្សែប្រវ៉ាត់ពណ៌លឿង។
ក្រុមហ៊ុន Mercedes បានបន្ថែមថា រថយន្តនេះ នឹងប្រើប្រាស់នូវ AIR-BALANCE packageជាមួយនឹង AMG #63 ហើយអតិថិជន ក៏អាចធ្វើការបន្ថែមនូវ AMG Night Package, Carbon Fiber Package 2 និងជាច្រើនទៀត។ សម្រាប់កម្លាំងម៉ាស៊ីនរបស់រថយន្តនេះ គឺមានដល់ទៅ 4.0L bi-turbo V8 ដែលអាចធ្វើការបង្កើនកម្លាំងដល់ទៅ 639hp និងកម្លាំងរមួល 900 Nm។ សម្រាប់តម្លៃរបស់ស្មាតហ្វូននេះ នៅមិនទាន់ដឹងនៅឡើយទេ៕