Brabus គឺជាឈ្មោះមួយដែលមនុស្សជាច្រើនទទួសស្គាល់ថា ជាអ្នកដែលមានគំនិតច្នៃប្រឌិតដែលធ្វើឱ្យរថយន្តជាច្រើនរបស់ក្រុមហ៊ុន Mercedes កាន់តែមានភាពទាន់សម័យ និងខ្លាំងក្លាបំផុត។ ក្រុមហ៊ុននេះ តែងតែផ្តោតទៅលើរថយន្តដឹកទំនិញ Mercedes X-Class truck ជាមួយនឹងការពង្រឹងទៅលើល្បឿនដំណើរការរបស់ D4 PowerXtra។ សម្រាប់ការ Upgrade នេះ ក៏ធ្វើការដំណើរការនៅលើរថយន្តប្រភេទ Mercedes X 250d ផងដែរ។ កង់របស់រថយន្តនេះ អាចធ្វើការផ្លាស់ប្តូរទៅជាប្រភេទ 20-inch split ដែលមើលទៅពិតជាត្រជាក់ចិត្តមែនទែនក្នុងការប្រើប្រាស់។
រថយន្ត Mercedes ក៏ធ្វើការប្រើប្រាស់នូវបច្ចេកវិទ្យាទំនើប និងការកែប្រែកាន់តែច្នៃប្រឌិតពី Brabus ថែមទៀត។ ជាមួយនឹងការច្នៃចេញនេះ ក៏មានភ្លើង Dual LED light bars ដែលស្ថិតនៅផ្នែកដំបូលនៃរថយន្តប្រភេទដឹកទំនិញ Truck នេះ ហើយវាក៏មានការប្រើប្រាស់នូវភ្លើង Headlights កាន់តែភ្លឺច្បាស់ថែមទៀតផង។ សម្រាប់ផ្នែកខាងក្នុងក៏មានការពង្រឹងទៅលើបច្ចេកវិទ្យា និងកន្លែងអង្គុយកាន់តែងាយស្រួលជាមួយនឹងពូកប្រណិតបំផុត។សម្រាប់ឈ្នាន់របស់រថយន្តស៊េរីថ្មីនេះ ក៏មានការប្រើប្រាស់នូវអាលុយមីញ៉ូម និងដែកអ៊ីណុកថែមទៀត។
រថយន្តប្រភេទ X-class នេះ មើលទៅ គឺទាន់សម័យបំផុតជាមួយនឹងការប្រើប្រាស់ម៉ាស៊ីនប្រភេទ 2.3L turbodiesel engine ដែលមានកម្លាំងរហូតដល់ទៅ 208bhp ដែលនេះគឺជាការបន្ថែមនូវកម្លាំង 20bhp ដែលធ្វើឱ្យសមត្ថភាពរថយន្តនេះ កាន់តែប្រសើរមួយកម្រិតទៀត។ រថយន្តនេះ មានសមត្ថភាព អាចចាប់ផ្តើមល្បឿនចំងាយ 0-62mph ដោយប្រើប្រាស់ពេលវេលាត្រឹម 0.3 second។ កម្លាំងរមួលរបស់រថយន្តនេះ គឺ 510Nm ហើយ Bradus ក៏មានគម្រោងក្នុងការអភិវឌ្ឍការច្នៃប្រឌិតសម្រាប់រថយន្ត X 350d ផងដែរ៕