រថយន្តស៊េរីថ្មី Ford F-150 Raptor 2019 បាននឹងកំពុងតែធ្វើបច្ចុប្បន្នភាព (Update) សម្រាប់ធ្វើជាម៉ូដែលដ៏ល្អឥតខ្ចោះប្រចាំឆ្នាំ ហើយរថយន្ត ក៏អាចធ្វើដំណើរបានគ្រប់ទីកន្លែងថែមទៀតជាមួយនឹងការ Upgrade ទៅលើផ្នែកខាងក្រោម Shocks, បច្ចេកវិទ្យា និងផ្នែកកាប៊ីនផងដែរ។ រថយន្តស៊េរីថ្មីនេះ ប្រើប្រាស់នូវម៉ាស៊ីនប្រភេទ V6 EcoBoost ដែលធ្វើឱ្យរថយន្តនេះ មានកម្លាំងខ្លាំងដល់ទៅ 450 សេះ។ សម្រាប់ឆ្នាំ 2019 នេះ កម្លាំងម៉ាស៊ីនពិតជាសំខាន់ណាស់នៅក្នុងការប្រើប្រាស់ ហើយក្រុមហ៊ុនផលិតរថយន្ត Ford ក៏ធ្វើការសន្យាចំពោះរឿងនេះផងដែរ។
ការផ្លាស់ប្តូរដ៏ធំនោះ គឺត្រូវបានធ្វើទៅលើផ្នែកហ្វ្រាំងជាមួយនឹងការប្រើប្រាស់នូវ FOX Racing Shox ផ្តាច់មុខនៅលើបច្ចេកវិទ្យាថ្មី Live Valve technology។ នេះគឺជាកិច្ចសហការរវាងក្រុម Raptor និង FOX ជាមួយនឹងការបន្ថែមនូវប្រព័ន្ធថ្មីនេះនៅលើហ្វ្រាំង 13-inch ខាងមុខ និងខាងក្រោយ 13.9-inch នោះ។ រថយន្ត 2019 Raptor នេះ ប្រើប្រាស់នូវសេនស័រជាច្រើន ហើយតួខ្លួនរបស់វាគឺពិតជារឹងមាំខ្លាំងមែនទែន។ រថយននេះ មានការផ្តោតសំខាន់ទៅលើការបើកមិនមែននៅលើផ្លូវជាតិ ឬស្ថានភាពផ្លូវដែលមានការពិបាក នោះរថយន្តនេះគឺល្អឥតខ្ចោះតែម្តង។
រថយន្ត Ford F-150 Raptor 2019 ក៏មានប្រើប្រាស់នូវប្រព័ន្ធ Trail Control system ថ្មីសម្រាប់ធ្វើការគ្រប់គ្រងទៅលើការបន្ថយល្បឿនយឺត ការបើកនៅលើស្ថានភាពផ្លូវដែលពិបាកជាដើម។ វាមានការកំណត់ល្បឿន 1mph និង 20mph ជាមួយនឹងការគ្រប់គ្រងថាមពលដោយស្វ័យប្រវត្តិដែលធ្វើឱ្យអ្នកបើកបរកាន់តែមានទំនុកចិត្ត និងសុវត្ថិភាពជាទីបំផុតនោះ។
បើនិយាយអំពីពណ៌របស់រថយន្ត Ford ស៊េរីថ្មីឆ្នាំ 2019 នេះវិញនោះ គឺមានពណ៌ Ford Performance Blue, Velocity Blue និង Agate Black។ រថយន្តនេះមានការរចនាកាន់តែស្រស់ស្អាតនៅលើកង់របស់វា ហើយបើនិយាយអំពីតួខ្លួនរបស់វាវិញគឺធន់ខ្លាំងតែម្តង។ អតិថិជនអាចធ្វើការជ្រើសរើសតួខ្លួនប្រភេទ SuperCab ឬ SuperCrew បាន។ នៅក្នុងផ្នែកខាងក្នុងរបស់រថយន្តនេះមានការប្រើប្រាស់នូវកៅអីប្រភេទ Recaro sport seats យ៉ាងស្រស់ស្អាតផងដែរ។ ក្រុមហ៊ុនរថយន្ត Ford បញ្ជាក់ថា រថយន្ត 2019 F-150 Raptor ស៊េរីថ្មីនេះ នឹងដាក់លក់នៅចុងឆ្នាំ 2018 នេះជាមួយនឹងតម្លៃប្រហែលជាច្រើនជាង $50k (តម្លៃនេះមិនទាន់បានរាប់បញ្ចូលពន្ធនោះទេ)៕