សព្វថ្ងៃនេះ ក្រុមហ៊ុនផលិតរថយន្តជាច្រើនបានផ្តោតតែទៅលើរថយន្តប្រើប្រាស់អគ្គិសនីប៉ុណ្ណោះ ជឿជាក់ថា លោកអ្នកប្រហែលជាភ្លេចអំពីរថយន្ត Hummer SUV ហើយ ពេលនេះ មានគម្រោងមួយដែលធ្វើការទៅលើការវិលត្រឡប់នៃរថយន្តនេះ។ ក្រុមហ៊ុន Mil-Spec Automotive ទើបតែបានប្រកាសអំពីរថយន្ត MSA Launch Edition, ដែលធ្វើការបង្កើតឡើងពីរថយន្ត H1 ដែលមានតម្លៃ $220k ដោយបានធ្វើការសន្យាថា នឹងមានការពង្រឹងរូបរាង និងសមត្ថភាពថ្មីសម្រាប់រថយន្ត SUV នេះ។
រថយន្ត MSA Launch Edition នេះគឺមានរូបរាងដើមជារថយន្ត H1 ដែលបង្ហាញខ្លួនដំបូងបំផុតនៅក្នុងឆ្នាំ 1992 នៅក្នុងសម័យប្រើប្រាស់ជារថយន្តយោធា M998 Humvee នោះ។ ទ្វាររបស់រថយន្ត H1 នេះត្រូវធ្វើការដោះចេញ និងធ្វើការពង្រឹងទៅលើការរចនារូបរាងសារជាថ្មីឡើងវិញ។ នេះមានន័យថា លោហធាតុកម្រិត 6061 T6 aircraft-grade aluminum និងតួខ្លួនសេរ៉ាមិច គឺមានការរចនាឡើងយ៉ាងពិសេសតែម្តង។ ម៉ាស៊ីនចាស់របស់វាត្រូវដោះចេញជាមួយនឹងការប្រើប្រាស់នូវម៉ាស៊ីនប្រភេទ Duramax 6.6-liter LBZ V8 turbodiesel ដែលមានកម្លាំងម៉ាស៊ីន 500 horsepower និងកម្លាំងរមួលដល់ទៅ 1,000 lb-ft. of torque ។
រថយន្តនេះ មានប្រើប្រាស់នូវចង្កឹះលេខ Allison 1000 6-speed automatic transmission និងប្រព័ន្ធ MSA independent suspension សម្រាប់កង់ទាំង 4 គ្រាប់របស់វាផងដែរ។ រថយន្តនេះ អាចបង្កើនល្បឿនដល់ទៅ 0-60 mph នៅក្នុងល្បឿន 6.8 វិនាទី ហើយនឹងមានល្បឿនកម្រិតខ្ពស់ដល់ទៅ 105 mph ផងដែរ។ រថយន្តនេះប្រើប្រាស់នូវប្រព័ន្ធសំលេង JL Audio C5 premium audio system ប្រព័ន្ធ HVAC សម្រាប់ការបញ្ជាទៅលើទ្វារ និងបង្អួចរួមទាំងការប្រើប្រាស់នូវ remote key ថែមទៀត។ ក្រុមហ៊ុន MSA ផ្តល់ជូននូវតួខ្លួនរថយន្តចំនួន 5 គឺ 4-door hardtop pickup, 4-door hardtop slant-back, 4-door hardtop wagon, 4-door hardtop SUV និង 2-door hardtop ។ រថយន្ត MSA Launch Edition លក់នៅក្នុងតម្លៃ $218,499 ៕