ថ្មីៗនេះក្រុមហ៊ុន Ford ប្រចាំប្រទេសអូស្តា្រលី បានដាក់បង្ហាញចេញនូវរថយន្ត Ford Everest 2019 ដែលប្រភេទរថយន្ត Off-Road SUV ដែលមានការកែប្រែបង្កើនគុណភាព ប្រសិទ្ធិភាព សមត្ថភាពកាន់តែប្រសើរទ្វេរ និងបំពាក់នូវប្រព័ន្ធបច្ចេកវិទ្យាទំនើបៗជាច្រើនរួមបញ្ចូលទាំងប្រព័ន្ធហ្រ្វាំងបង្ការគ្រោះឧបសគ្គដោយស្វ័យប្រវត្តិប្រភេទ AEB (Autonomous Emergency Braking) ដែលធ្វើអោយការបើកបរកាន់តែមានសុវត្ថិភាពខ្ពស់បំផុត។
ការរចនារថយន្តទាំងមូលប្រកបដោយភាពទំនើបទាន់សម័យ
ការរចនានៃតូររថយន្ត Ford Everest ស៊េរីថ្មីនេះ មើលទៅកាន់តែមានភាពរឹងមាំ ត្រូវបានក្រុមហ៊ុនធ្វើការកែលម្អបន្ថែម និងការតុបតែងប្រកបដោយភាពទាន់សម័យ។ ផ្នែកខាងមុខរបស់រថយន្តនេះ ត្រូវបានរចនាឡើងដោយមានផ្ទាំងសំណាញ់សម្រាប់កាត់បន្ថយកំដៅរបស់ម៉ាស៊ីន ជាមួយនឹងចង្គៀងគុជប្រភេទ HID Headlight ភ្លឺច្បាស់, ដៃចង្កូតត្រូវបានផលិតឡើងពីលោហៈធាតុ Alloy ស្រោបដោយស្បែកផ្តល់ភាពងាយស្រួលក្នុងការកាន់ទំហំ 20 អ៊ីង។
ចំនែកយ៉ាន់កង់រថយន្តក៏ត្រូវបានរចនាឡើងថ្មីកាន់តែមានភាពប្រណិតរឹងមាំស័ក្តិសមនឹងតួររថយន្តធន់គ្រប់ស្ថានភាពផ្លូវ។ បន្ថែមពីនេះ Ford Everest 2019 ក៏មានបំពាក់នូវប្រព័ន្ធម៉ាញ៉េថាច់ស្រ្គីន SYNC 3 ដែលមានអេក្រង់ថាច់ទំហំ 8.0 អ៊ីងសម្រាប់បង្ហាញនូវព័ត៌មាន និងការកម្សាន្តជាច្រើនរបស់រថយន្តដូចជាផែនទី Google map និង Apple Map, មានប្រព័ន្ធតភ្ជាប់តាមរយះប្លូធូស, ទ្រទ្រង់ជាមួយ Apple CarPay និង Android Auto និងសម្រាប់មើលកាមេរ៉ាក្រោយផងដែរ។
-បំពាក់នូវប្រព័ន្ធដែលមានប្រសិទ្ធិភាព សុវត្ថិភាព និងភាពងាយស្រួល
រថយន្ត Ford Everest 2019 ត្រូវបានរចនាផលិតឡើយដោយផ្តោតសំខាន់ទៅលើប្រសិទ្ធិភាព សុវត្ថិភាព និងភាពងាយស្រួលក្នុងការបើកបរដោយវាបានធ្វើការបង្កើន និងបំពាក់មកជាមួយមុខងារមានប្រយោជន៍យ៉ាងសម្បូរបែបដែលផ្តល់នូវសុវត្ថិភាពខ្ពស់ក្នុងបើកបរបានគ្រប់ស្ថានភាពផ្លូវមិនថាផ្លូវជនបត់ ផ្លូវភ្នំ ឬផ្លូវក្រុងឡើយ។ រថយន្ត Ford Everest 2019 បំពាក់នូវប្រព័ន្ធគ្រប់គ្រង់នៅពេលមានឧបសគ្គនៅពីមុខកំឡុងពេលបើកបរ (Ford’s Pre-Collision Assist) ដោយប្រើប្រព័ន្ធចាប់ហ្វ្រាំងដោយស្វ័យប្រវត្តិភ្លាមៗ (Inter-Urban Autonomous Emergency Braking) ជាមួយបច្ចេកវិទ្យាPedestrian Detection និង Vehicle Detectioni ដើម្បីប្រាប់ពីឧបសគ្គនៅពីមុខបានមុនដូចជាមានអ្នកថ្មើរជើងដើរឆ្លងកាត់ ឬក៏មានរថយន្តនៅពីមុខដោយវានឹងបញ្ឈប់រថយន្តបានភ្លាមៗជៀសវាងការការបុក ឬប៉ះទង្គិច។
រថយន្ត Ford Everest 2019 ក៏មានបំពាក់មុខងារចូលចតរថយន្តដោយស្វ័យប្រវត្តិ (Active Park Assist) ដោយមិនចាំបាច់កាន់ដៃចង្កូតដោយអ្នកបើកបរគ្រាន់តែជាន់ហ្វ្រាំងអបតិចៗប៉ុណ្ណោះ មុខងារគ្រប់គ្រងគន្លងផ្លូវជៀសវាងការបើកខុសគន្លង និងប្រព័ន្ធគ្រប់គ្រង់ល្បឿនដោយស្វ័យប្រវត្តិនៅពេលមានឧបសគ្គវានឹងបន្ថយល្បឿនមកនូវត្រឹម 3.6 គីឡូម៉ែត្រក្នុងមួយម៉ោងដែលជាប្រព័ន្ធមុខងារថ្មីសម្រាប់រថយន្ត Ford Everest។ ប្រព័ន្ធបញ្ឆះម៉ាស៊ីនមានភាពងាយស្រួលជាមួយការប្រើស្មាតឃី (SmartKey) ដោយគ្រាន់តែចុចប៊ូតុង Star/Stop ដើម្បីបើក-ពន្លត់ម៉ាស៊ីន។
-បំពាក់នូវម៉ាស៊ីនថ្មីកំលាំងខ្លាំងជាងមុន
ទាំងម៉ូដែល Ford Everest Trend និង Titanium ត្រូវបានដំឡើងមកជាមួយម៉ាស៊ីនជំនាន់ថ្មីជាម៉ាស៊ីនម៉ាហ្ស៊ូត Bi-Turbo diesel ដែលមានកំលាំងសន្ទុះស្វ័យប្រវត្តិ 10-speed torque-convertor automatic ដែលអាចធ្វើការបត់បែនបានតាមស្ថានភាពការ និងមានសំឡេងស្ងាត់ល្អ។ ម៉ាស៊ីន Bi-Turbo diesel ជំនាន់ថ្មីនេះប្រើប្រាស់កំលាំងទាញ 500Nm ជាមួយកំលាំងបង្វិល 1,750rpm ដែលផ្តល់នូវការបង្កើនសន្ទុះល្បឿនបានលឿនរហ័ស។ សម្រាប់ម៉ាស៊ីន Bi-Turbo diesel ដែលបំពាក់នៅលើម៉ូដែល Ford Everest Trend RWD ស៊ីប្រេងតិចបំផុតដោយ 100 គីឡូម៉ែត្រត្រឹមតែប្រមាណ 6.9 លីតតែប៉ុណ្ណោះ។ រីម៉ូដែល Everest Ambiente និង Everest Trend នឹងនៅតែបន្តបំពាក់នូវម៉ាស៊ីនប្រភេទ 3.2-litre TDCi Duratorq ដែលអាចបង្កើនល្បឿនដោយស្វ័យប្រវត្តិបាន 6 ដង (six-speed automatic powertrain) ផ្តល់នូវសមត្ថភាពដែលអាចជឿទុកចិត្តបានសម្រាប់ការបើកបរ។
លោក John Willems ប្រធានផ្នែកវិស្វករជាន់ខ្ពស់របស់ Ford បានមានប្រសាសន៍លើកឡើងថា “សម្រាប់រថយន្ត Ford Everest ដែលបំពាក់នូវម៉ាស៊ីន Bi-Turbo ដែលមានកំលំាងសន្ទុះស្វ័យប្រវត្តិកើន 10 ដង (10-speed automatic raises) គឺធ្វើអោយរថយន្តមានកំលាំងខ្លាំងប្រសើរទ្វេរទាំងការបើកបរនៅលើផ្លូវស្មើរធម្មតា ឬផ្លូវលំបាកៗ (Off-road)។ លោកបន្ថែមថា “ការបង្កើនថាមពល និងកម្លាំងបង្វិលជុំមានន័យថា យើងមានសក្ដានុពលកាន់តែច្រើនប៉ុន្តែវាគឺជាការរួមបញ្ចូលគ្នានៃម៉ាស៊ីនឡាស៊ែរ Bi- turbo ថ្មីដែលមានល្បឿនស្វ័យប្រវត្តិ 10 ដងរបស់យើងពិតជាផ្តល់នូវលទ្ធភាពប្រើប្រាស់និងការប្រើប្រាស់ដ៏អស្ចារ្យបំផុតដែលទទួលបានការចាប់អារម្មណ៍ទៅម៉ាស៊ីន Bi-Turbo នេះ"។
លោកបានបញ្ជាក់ទៀតរថា “សម្រាប់ Ford Everest Trend និង Titanium ដែលបំពាក់ម៉ាស៊ីន Bi-Turbo diesel ថ្មីនេះ គឺមានសំលេងស្ងាត់ល្អជាងម៉ាស៊ីនប្រភេទ 3.2L Duratorq”។ រថយន្ត Ford Everest ស៊េរីថ្មីទាំងអស់ ត្រូវបានដឹងជញ្ចូនចេញលក់ចាប់តាំងពីថ្ងៃទី 01 ខែឧសភា, 2018 មកម្ល៉េះ ដោយមានទាំងការធានាលក្ខណះស្តង់ដាររហូតដល់រយះពេល 5 ឆ្នាំឯណោះ ដោយមិនគិតពីចំនួនគីឡូម៉ែត្រក្នុងការបើកបរឡើយ៕