នាយកប្រតិបត្តិរបស់ក្រុមហ៊ុន Tesla លោក Elon Musk ដែលជាបុគ្គលម្នាក់ ចូលចិត្តប្រើប្រាស់នូវបណ្តាញសង្គម Twitter នៅក្នុងការប្រកាសចេញ នូវផលិតផលថ្មីៗ របស់ខ្លួននោះ នៅថ្ងៃនេះ បានបង្ហាញនូវរថយន្ត dual-motor Model 3 ស៊េរីថ្មីរបស់ខ្លួន។ នៅក្នុងរយៈពេលត្រឹមតែមួយខែប៉ុណ្ណោះ គិតចាប់តាំងពីការប្រកាសចេញនូវម៉ូដែលថ្មី New Dual-Motor Performance Version របស់រថយន្ត Model 3 នោះ គឺពិតជាគួរឱ្យភ្ញាក់ផ្អើលមែនទែន។
សម្រាប់រថយន្ត Model 3 នេះ ធ្លាប់មានបញ្ហាទៅលើការផលិតជាច្រើន ដែលបានបណ្តាលអោយមានការពន្យារពេលជាច្រើនលើកច្រើនសារផងដែរ ហើយនៅពេលនេះ រថយន្តថ្មីនេះ បានបង្ហាញខ្លួនមុនពេលកំណត់។ កាលពីខែមុននេះ លោក Musk ក៏ធ្លាប់បានប្រកាសអំពីការផលិតទៅលើរថយន្ត Dual-Motor Model 3 នៅក្នុងខែកក្កដាងដែរ។ លោក Musk បានបង្ហោះរូបភាព និងចែករំលែកវានៅលើ Twitter ដែលបង្ហាញអំពីការផលិតទៅលើរថយន្ត Model 3 Performance នេះ ហើយវាក៏ប្រើប្រាស់នូវកង់រថយន្តដែលមានទំហំ 20-inch wheels ថែមទៀត។
អ្វីដែលគួរឱ្យកត់សម្គាល់នោះគឺថា រថយន្ត Model 3 Performance នេះគឺមានការប្រភេទជា Dual-Motor Versions ដែលមានកម្លាំងម៉ាស៊ីនមិនធម្មតានោះទេ។ លោក Musk ក៏បានបញ្ជាក់ថា រថយន្តនេះ មានកម្លាំង 0-60 mph ជាមួយនឹងល្បឿន 3.5 វិនាទី ហើយនិងមានល្បឿនដល់ទៅ 155 mph ជាមួយនឹងការធ្វើដំណើរបានចំណាយ 310-mile សម្រាប់ការបញ្ចូលថ្មម្តង។
សម្រាប់រថយន្តស៊េរីថ្មីនេះ មានតម្លៃ $78,000 ហើយរថយន្តនេះ នឹងធ្វើការផលិតនៅក្នុងតំបន់ Fremont, California។ កន្លងមក នាយកប្រតិបត្តិរបស់ក្រុមហ៊ុន Tesla លោក Elon Musk បាននិាយថា ការផលិតរថយន្ត Model 3 គឺមានគោលដៅក្នុងការផលិតដល់ទៅ 5000 គ្រឿងនៅក្នុងរយៈពេល 1 ខែប៉ុណ្ណោះ ដូច្នេះ រង់ចាំមើលថាតើ នឹងទៅរួចដែរឬទេ៕
