នៅថ្ងៃទី 20 ខែមិថុណា នេះ ក្រុមហ៊ុនផលិតរថយន្តធំបំផុតរបស់ប្រទេសកូរ៉េ Hyundai Motor Group បានបញ្ជាក់ថា ខ្លួនបានធ្វើការសហការជាមួយនឹងក្រុមហ៊ុនផលិតរថយន្ត Audi របស់អាល្លឺម៉ង់ នៅគម្រោងអភិវឌ្ឍទៅលើរថយន្តកោសិកាប្រេងដែលផ្អែកទៅលើ hydrogen ប្រភេទអេឡិចត្រូនិក។ រថយន្តស៊េរីថ្មីនេះ នឹងប្រើប្រាស់នូវបច្ចេកវិទ្យា FCEV ហើយក៏មានជាប្រភេទរថយន្ត Kia Motors និងរថយន្ត Volkswagen របស់ក្រុមហ៊ុន Audi ផងដែរ។ នៅក្នុងប៉ាតង់នៃកិច្ចព្រមព្រៀងជាច្រើនឆ្នាំនេះអនុញ្ញាតឱ្យក្រុមហ៊ុនទាំងពីរ ធ្វើការពង្រីកទៅលើ R&D វិញ្ញាប័នប័ត្រប៉ាតង់ជាមួយនឹងគោលដៅក្នុងការអភិវឌ្ឍទៅលើរថយន្តប្រើប្រាស់នូវកោសិកាប្រេងជាមួយគ្នា។ នៅក្នុងរយៈពេលនៃកិច្ចព្រមព្រៀងនេះ នៅមិនទាន់មានអ្នកណាដឹងនៅឡើយទេ។
លោក Chung Eui-sun ដែលជាអនុប្រធានរបស់ក្រុមហ៊ុន Hyundai Motor Group បាននិយាយថា “កិច្ចព្រមព្រៀងនេះ គឺជាឧទាហរណ៍នៃកិច្ចខិតខំប្រឹងប្រែងយ៉ាងរឹងមាំរបស់ក្រុមហ៊ុន Hyundai នៅក្នុងការបង្កើតអនាគតមួយប្រកបដោយនិរន្តរភាពស្របពេលដែលក្រុមហ៊ុន មានគោលដៅក្នុងការបង្កើនជីវភាពរស់នៅរបស់អតិថិជន ជាមួយនឹងរថយន្ត ដែលដើរដោយថាមពលអ៊ីត្រូសែននោះ។ យើងជឿជាក់ថា កិច្ចសហប្រតិបត្តិការរបស់ក្រុមហ៊ុន Hyundai Motor Group-Audi នឹងមានការបង្ហាញអំពីចក្ខុវិស័យ និងអត្ថប្រយោជន៍របស់ FCEVs ចំពោះសង្គមពិភពលោក។”
នៅក្នុងការចាប់ផ្តើមនៃជំហាននេះ ក្រុមហ៊ុនបច្ចេកវិទ្យា Hyundai នឹងផ្តល់លទ្ធភាពអោយក្រុមហ៊ុន Audi ក្នុងការចូលទៅដំណើរការទៅលើផ្នែកជាច្រើនរបស់ក្រុមហ៊ុន Hyundai ចេញពីការអភិវឌ្ឍនៃ ix35 ដែលជារថយន្ត FCEV ដំបូងបំផុត នៅក្នុងពិភពលោករួមទាំងការផលិតទ្រង់ទ្រាយធំទៅលើរថយន្តកោសិកាប្រេង SUV Nexo ។ ក្រុមហ៊ុន Audi ដែលទទួលខុសត្រូវទៅលើការអភិវឌ្ឍទៅលើបច្ចេកវិទ្យាកោសិកាប្រេងនៅក្នុងក្រុមហ៊ុន VW Group នឹងទទួលបានអត្ថប្រយោជន៍ចេញពីសមាសភាគជាច្រើននៃកោសិកាប្រេងរបស់ក្រុមហ៊ុន Hyundai ។ លោក Peter Mertens ដែលជាសមាជិកនៃក្រុមអ្នកអផិវឌ្ឍន៍ផ្នែកបច្ចេកទេសរបស់ក្រុមហ៊ុន Audi “នៅក្នុងផែនទីបង្ហាញផ្លូវរបស់ FCEV យើងកំពុងតែចូលរួមជាមួយនឹងដៃគូដ៏រឹងមាំដូចជាក្រុមហ៊ុន Hyundai ។”
ក្រុមហ៊ុន Hyundai សង្ឃឹមថាការសហការគ្នានេះនឹងកាត់បន្ថយទៅលើការចំណាយនៃបច្ចេកវិទ្យាកោសិកាប្រេងជាមួយនឹងការនាំយកនូវបច្ចេកវិទ្យា FCEV នៅក្នុងទីផ្សារ។ នៅក្នុងខែមីនា ក្រុមហ៊ុនផលិតរថយន្ត Hyundai ដំណើរការនូវរថយន្ត Nexo នៅក្នុងប្រទេសកូរ៉េជាមួយនឹងគម្រោងក្នុងការអភិវឌ្ឍទីផ្សារពិភពលោកនៅក្នុងឆ្នាំនេះ។ ក្រុមហ៊ុន Audi ធ្វើការទម្លាយអំពីរថយន្តដែលប្រើប្រាស់នូវអ៊ីដ្រូសែនដែលគ្រោងនឹងពង្រីកទីផ្សារនៅឆ្នាំ 2020 ៕
