នៅក្នុងកិច្ចព្រមព្រៀងទៅលើការផ្គត់ផ្គង់ថាមពលថ្មអគ្គិសនី សម្រាប់រថយន្តអេឡិចត្រូនិក រវាងក្រុមហ៊ុនផលិតថាមពលថ្មរបស់ចិន CATL និងក្រុមហ៊ុនផលិតរថយន្តរបស់អាល្លឺម៉ង់ BMW ត្រូវបានគេរំពឹងថា នឹងធ្វើឱ្យប៉ះពាល់ទៅដល់ក្រុមហ៊ុន Samsung SDI ដែលធ្លាប់តែមានភាពរីករាយក្នុងការទទួលបាននូវកិច្ចកុងត្រាផ្តាច់មុខជាមួយនឹងក្រុមហ៊ុនផលិតរថយន្តរបស់អាល្លឺម៉ង់នេះជាច្រើនឆ្នាំមកហើយ។
នៅក្នុងការបង្ហាញថ្មីៗនេះ លោក Harald Kruger នាយកប្រតិបត្តិរបស់ក្រុមហ៊ុន BMW បញ្ជាក់ថា ក្រុមហ៊ុនរបស់អាល្លឺម៉ង់នេះ នឹងទទួលបានថាមពលថ្មដែលមានតម្លៃដល់ទៅ 1 ពាន់លានអ៊ឺរ៉ូ (US$1.16 billion) ចេញពីក្រុមហ៊ុន CATL។ ក្រុមហ៊ុនផលិតថាមពលថ្មរបស់ចិននេះ ទំនងជាប្រើប្រាស់នូវថាមពលថ្មជំនាន់ថ្មីប្រភេទ EV iNEXT ដែលគ្រោងនឹងបង្ហាញខ្លួននៅក្នុងឆ្នាំ 2021 នេះ។
អង្គភាពអាជីវកម្មថាមពលថ្មរបស់ក្រុមហ៊ុនបច្ចេកវិទ្យា Samsung Group នេះ នឹងក្លាយជាអ្នកផ្គង់ផ្គង់ថាមពលថ្មសម្រាប់រថយន្ត EV របស់ក្រុមហ៊ុនអាល្លឺម៉ង់នេះ ដែលរួមមានម៉ូដែល i3 និង i8 នោះ។ ផែនការរបស់ក្រុមហ៊ុន BWM ក្នុងការប្រើប្រាស់នូវថាមពលថ្ម battery cell អាចធ្វើការប៉ះពាល់ទៅដល់ប្រាក់ចំណេញជាច្រើនរបស់ក្រុមហ៊ុនផលិតថាមពលថ្មរបស់ក្រុមហ៊ុនបច្ចេកវិទ្យារបស់ប្រទេសកូរ៉េផងដែរ នេះបើតាមអ្នកឃ្លាំមើលទីផ្សារនោះ។
ប្រភពសុំមិនបញ្ចេញឈ្មោះបញ្ជាក់ថា “ក្រុមហ៊ុនផលិតថាមពលថ្មជាច្រើនរបស់ចិន គឺមានការគាំទ្រពីរដ្ឋាភិបាលរបស់ចិន នៅក្នុងតំបន់ដែលមានការកើនឡើងលឿនជាងការរំពឹងទុក ហើយវាអាចបង្ករនូវការគំរាមការកំហែងយ៉ាងធ្ងន់ធ្ងរដល់ក្រុមហ៊ុនថាមពលថ្មអេឡិចត្រូនិក EV របស់ក្រុមហ៊ុនបច្ចេកវិទ្យាកូរ៉េនៅក្នុងរយៈពេលប៉ុន្មានឆ្នាំខាងមុខនេះ។ ”
ក្រុមហ៊ុន CATL ត្រូវគេរាយការណ៍ថាកំពុងតែស្វែងរកនូវទីតាំងជាច្រើន នៅក្នុងការកសាងរោងចក្រថាមពលថ្មថ្មីនៅក្នុងតំបន់អ៊ឺរ៉ុបជាមួយនឹងជំនួយរបស់រដ្ឋ Thuringia នៃប្រទេសអាល្លឺម៉ង់នោះ។ នៅក្នុងកិច្ចព្រមព្រៀងចុងក្រោយបំផុតបន្ទាប់ពីក្រុមហ៊ុនរបស់ចិនទទួលបាននូវកុងត្រាជាច្រើនទៅលើការផ្គត់ផ្គង់ជាបន្តបន្ទាប់ជាមួយនឹងក្រុមហ៊ុនផលិតរថយន្តកំពូលៗជាច្រើនរួមមានក្រុមហ៊ុន Volkswagen និង Daimler នៅដើមឆ្នាំនេះផងដែរ។
CATL នឹងក្លាយជាក្រុមហ៊ុនផលិតថាមពលថ្ម EV ធំបំផុតនៅក្នុងពិភពលោកកាលពីឆ្នាំមុននេះនេះគឺដោយសារតែតម្រូវការខ្ពស់នៅក្នុងទីផ្សាររបស់ចិនដែលជាកន្លែងដែលរដ្ឋាភិបាលព្យាយាមក្នុងការជំនួសនូវការប្រើប្រាស់រថយន្តដែលចាក់ប្រេងឥន្ធនៈជាមួយនឹង EVs នេះបើតាមក្រុមហ៊ុន Kiwoom Investment & Securities ។ ចំណែកទីផ្សាររបស់វាមានចំនួន 17.8% ខណៈពេលដែលក្រុមហ៊ុនបច្ចេកវិទ្យា Samsung SDI មានចំនួន 5.5% ដែលឈរនៅចំណាត់ថ្នាក់លេខរៀងទី 5 កាលពីឆ្នាំមុននេះ។
លោក Kim Ji-san អ្នកវិភាគរបស់ក្រុមហ៊ុន Kiwoom Investment & Securities ដែលធ្វើការទស្សន៍ទាយនៅក្នុងឆ្នាំ 2021 នៅពេលដែលរដ្ឋាភិបាលរបស់ចិន បានធ្វើការកាត់បន្ថយទៅលើប្រាក់ឧបត្ថម្ភសម្រាប់ក្រុមហ៊ុនផលិតថាមពលថ្មជាច្រើននៅក្នុងស្រុកនោះ។ លោកបញ្ជាក់ថា “បើទោះបីជាក្រុមហ៊ុន CATL ប្រហែលជាមានឱកាសជាច្រើននៅលើទីផ្សារនោះ ក្រុមហ៊ុន Samsung SDI ក៏មានសមត្ថភាពប្រកួតប្រជែងខ្លាំងក្លាផ្អែកទៅលើបច្ចេកទេសរបស់ខ្លួន។” តម្លៃភាគហ៊ុនរបស់ក្រុមហ៊ុន Samsung SDI នៅថ្ងៃច័ន្ទនេះគឺមានតម្លៃ 214,000 won(US$191.11) ៕