កាលពីខែមុននេះ យើងបាននិយាយអំពីរថយន្តស៊េរីថ្មី BMW M850i xDrive 2019 រួមជាមួយនិងព័ត៌មាន ហើយនឹងតម្លៃរបស់រថយន្តនេះផងដែរ ហើយពេលនេះ ក្រុមហ៊ុន BMW បានប្រកាសផ្តល់នូវព័ត៌មានលម្អិតអំពីរថយន្តនេះហើយ។ ក្រុមហ៊ុន BMW បានចាប់ផ្តើមដាក់តម្លៃរបស់រថយន្តស៊េរីថ្មី M850i xDrive 2019 ជាមួយនឹងតម្លៃចាប់ផ្តើមគឺ $111,900។ នេះគឺជារថយន្តដ៏ប្រណិតស៊េរី BMW 8 series ដំបូងបំផុតប្រភេទ sports coupe នៅក្នុងរយៈពេល 20 ឆ្នាំនេះ។
សម្រាប់អតិថិជនដែលទិញរថយន្តនេះ នឹងទទួលបានរថយន្តដ៏ប្រណិតដែលមានកម្លាំងម៉ាស៊ីន 523 សេះ ម៉ាស៊ីន 553 lb-ft V8 engine ដែលអាចជម្រុញរថយន្តនេះ ដល់ទៅល្បឿន 60mph នៅក្នុងរយៈពេល 3.6 វិនាទីប៉ុណ្ណោះ។ ពាក្យថា រថយន្ត xDrive នេះមានន័យថា ការប្រើប្រាស់នូវ wheel drive ហើយក្រុមហ៊ុន BMW ក៏ប្រើប្រាស់នូវ 4-wheel steering សម្រាប់ការគ្រប់គ្រងកាន់តែប្រសើរនៅក្នុងការបើកបរនោះ។ សម្រាប់មុខងារជាច្រើនទៀតរបស់រថយន្តនេះក៏មានការប្រើប្រាស់ភ្លើង LED headlights ជាមួយនឹងបច្ចេកវិទ្យា BMW LaserLight Technolog ។
រថយន្តនេះ ប្រើប្រាស់នូវស្បែកប្រភេទ BMW Individual Merino Leather និងប្រព័ន្ធសំឡេង 16 speaker Harman Kardon audio system ដ៏ពិរោះរងំ ប្រព័ន្ធ Sport Automatic transmission និងប្រព័ន្ធ Adaptive M Suspension ជាមួយនឹងស្ថេរភាពនៃ Active-Roll Stabilization ផងដែរ។ ប្រព័ន្ធហ្រ្វាំង M Sport ប្រព័ន្ធជំនួយសម្រាប់ចតយានយន្តជាមួយនឹងមុខងារ BMW Live Cockpit Professional ជាមួយនឹងអេក្រង់ 12.3-inch និង 10.25-inch digital displays ដែលជាស្តង់ដារនេះ។
រថយន្តដ៏ទំនើបនេះ ក៏មានការប្រើប្រាស់ជាមួយនឹងប្រព័ន្ធ Navigation និង iDrive ជាស្តង់ដារផងដែរ។ សម្រាប់ជម្រើសជាច្រើនទៀតនៅក្នុងរថយន្តនេះគឺមានដូចជាប្រព័ន្ធ Driving Assistant Professional និងប្រព័ន្ធសំឡេង 1,400-watt Bowers & Wilkins Diamond Surround Sound system។ រថយន្តដ៏ស្រស់ស្អាតនេះ ប្រើប្រាស់នូវដំបូល Carbon Fiber ដំបូងបំផុតដែលមិនទាន់មានប្រើប្រាស់នៅលើរថយន្ត M Model នោះទេ៕
