នៅក្នុងព្រឹត្តិការណ៍ពិពរណ៍រថយន្ត Geneva Motor Show 2019 នេះ ក្រុមហ៊ុនផលិតរថយន្ត Mitsubishi បានប្រកាសបង្ហាញនូវរថយន្ត Engelberg Tourer Concept ដែលជាប្រភេទរថយន្ត hybrid SUV ដែលបំពាក់នូវប្រព័ន្ធ 4WD system ចេញពីរថយន្ត Lancer Evolution។ ក្រុមហ៊ុន Mitsubishi បានប្រាប់អ្នកសារព័ត៌មានអំពីរថយន្ត Version ថ្មីដែលខ្លួនកំពុងតែធ្វើការពិចារណា ប៉ុន្តែសម្រាប់គំនិតនេះ គឺរួចរាល់ហើយសម្រាប់ការជំរុញទៅលើម៉ូឌែលជាច្រើនទៀតនាពេលខាងមុខនេះ។
យោងតាម AutoExpress បានធ្វើការរាយការណ៍ថា សម្រាប់រថយន្ត Mitsubishi Outlander ស៊េរីថ្មីនេះ គឺមានការឌីស្សាញរូបរាងយ៉ាងស្រស់ស្អាតល្អប្រណិតដែលមានការជម្រុញដោយគំនិតនៃរថយន្ត Engelberg Tourer Concept នោះ។ សម្រាប់រថយន្តស្ព័រ Outlander រូបរាងថ្មីនេះ គឺមានភ្ជាប់ជាមួយនឹងភ្លើងប្រើប្រាស់ពេលថ្ងៃ ភ្លើងមុខ LED headlights និងការរចនារូបរាងថ្មីដ៏ប្រណិតស្រស់ស្អាតទាក់ទាញបំផុត សម្រាប់ព័ត៌មានលម្អិតនៃកម្លាំងម៉ាស៊ីនរបស់រថយន្តនេះ នៅមិនទាន់ទម្លាយនៅឡើយទេ ប៉ុន្តែសម្រាប់រថយន្តស៊េរីថ្មី Outlander នេះនឹងមានភ្ជាប់ជាមួយនឹងម៉ាស៊ីន hybrid ថ្មីដែលមានការតម្លើងនៅលើរថយន្ត Engelberg Tourer Concept ដែលនឹងប្រើប្រាស់នូវម៉ាស៊ីន 2.4-liter four-cylinder និងម៉ូទ័រអេឡិចត្រូនិចចំនួន 2ដែលអាចធ្វើដំណើរចម្ងាយបាន 43 ម៉ាយ៍នៅលើស្តង់ដារនៃការធ្វើតេស្ត European WLTP និងការបើកបរបានចម្ងាយដល់ទៅ 434 ម៉ាយ៍ក្នុងការបញ្ចូលថាមពលថ្មពេញម្តងនោះ និងការភ្ជាប់ជាមួយនឹងធុងហ្គាសពេញនោះ។
បច្ចេកវិទ្យាថ្មីនេះ ក៏មានការពង្រឹងពីលើរថយន្ត Outlander PHEV នៅក្នុងសហរដ្ឋអាមេរិកនេះ ដែលប្រើប្រាស់នូវម៉ាស៊ីន 2.0-liter engine និងម៉ូទ័រអេឡិចត្រូនិចចំនួន 2 ដែលមានការកម្លាំងម៉ាស៊ីន 190 សេះ និងអាចធ្វើដំណើរបានចម្ងាយ 22 ម៉ាយ៍។ ស្តង់ដារនៃរថយន្ត Outlander នេះ គឺបំពាក់នូវកម្លាំងម៉ាស៊ីន 2.4-liter four-cylinder ជាមួយនឹងកម្លាំងម៉ាស៊ីន 166 សេះ និងកម្លាំងរមួល 162 lb-ft ឬម៉ាស៊ីន 3.0-liter ជាមួយនឹងកម្លាំងម៉ាស៊ីន 224 សេះ និងកម្លាំងរមួល 215 lb-ft ថែមទៀតផង។
AutoExpress មិនមានរូបភាពនៃផ្នែកកាប៊ីននៃរថយន្តនេះ នៅឡើយទេ ប៉ុន្តែសម្រាប់គំរូរបស់រថយន្តនេះ មានភ្ជាប់ជាមួយនឹងប្រព័ន្ធផ្តល់ព័ត៌មានថ្មី infotainment system សម្រាប់ជំនួសទៅលើអេក្រង់ទំហំ 7’’ Touchscreen ថែមទៀត។ រថយន្តស៊េរីថ្មី Mitsubishi Outlander នេះ នឹងបង្ហាញខ្លួននៅក្នុងពេលណាមួយនៅឆ្នាំ 2020 នេះ។ យើងសង្ឃឹមថា រថយន្តស៊េរីថ្មី Engelberg Tourer Concept នឹងបង្ហាញខ្លួននៅក្នុងសហរដ្ឋអាមេរិកផងដែរ៕
