ក្រុមហ៊ុន Mazda បានត្រៀមខ្លួនរួចរាល់ហើយ ក្នុងការបញ្ចេញរថយន្តស៊េរីថ្មី Mazda CX-3 2020 ដើម្បីប្រកួតប្រជែងទីផ្សារ

នៅក្នុងឆ្នាំ 2020 ខាងមុខនេះ ក្រុមហ៊ុន Mazda នឹងមានការផ្លាស់ប្តូរមួយចំនួនទៅលើរថយន្តត្រកូល Crossover របស់ខ្លួនហើយក្រុមហ៊ុននេះ ប្រហែលជា មិនបង្ហាញវត្តមានរបស់រថយន្ត CX-30 ឬការអាប់ដេតទៅលើតម្លៃនោះទេ។ យោងតាមគេហទំព័រ Cars Direct បានធ្វើការមើលទៅលើព័ត៌មានរបស់រថយន្តស៊េរីថ្មី Mazda CX-3 2020 ហើយនេះ គឺជារថយន្ត Crossover ដែលមានទំហំធំល្មមស្រស់ស្អាតក្នុងការប្រើប្រាស់។ 

សម្រាប់រថយន្តប្រភេទ Touring និង Grand Touring trims អាច នឹងចាកចេញទៅដោយជំនួសមកវិញនូវរថយន្តប្រភេទ Sport ហើយជាលទ្ធផលនោះ គឺជារថយន្ត CX-3។ សម្រាប់ឆ្នាំ 2020 នេះ រថយន្ត CX-3 នេះនឹងមានតម្លៃចាប់ផ្តើមពី $21,685 ប្រៀបធៀបជាមួយនិងរថយន្ត 2020 Mazda CX-30 គឺចាប់ផ្តើមជាមួយនឹងតម្លៃ $22,945 ហើយបើមើលទៅលើតម្លៃរបស់វានោះ គឺមានភាពខុសគ្នាត្រឹមតែ $1,260 ប៉ុណ្ណោះ។

ក្រុមហ៊ុន Mazda បានអោយដឹងថា ខ្លួននឹងធ្វើអោយរថយន្ត CX-3 Sport មានលក្ខណៈពិសេសល្អច្រើនបើធៀបជាមួយនឹងម៉ូដែលដែលបង្ហាញខ្លួនកាលពីឆ្នាំមុននេះតាមរយៈការបន្ថែមនូវមុខងារ driver assistance ចេញពីកញ្ចប់នៃស្តង់ដារ  i-ACTIVESENSE package។ វាមានប្រព័ន្ធហ្រ្វាំងស្វ័យប្រវត្តិ Full Speed, ការរកឃើញនូវអ្វីដែលឆ្លងកាត់ ការជូនដំណឹងនៅកន្លែងចំណតចតឡាន និងមុខងារ adaptive cruise control ជាដើម។ 

ចំណែកមុខងារ Apple CarPlay និង Android Auto នឹងក្លាយជាមុខងារស្តង់ដារ ដែលខុសប្លែកពីឆ្នាំ 2019 ដែលរថយន្ត CX-3 ដែលមានភ្ជាប់ជាមួយនឹងមុខងារទាំងនេះ គឺមានតម្លៃ $22,535 ហើយវាគឺថោកជាងរថយន្ត CX-30 តែ $410 ប៉ុណ្ណោះ។ រថយន្តថ្មីនេះ ប្រហែលជាមានភាពខុសគ្នាបន្តិចតែប៉ុណ្ណោះ សម្រាប់អតិថិជនដែលទិញរថយន្ត ប្រហែលជាជ្រើសរើសនូវរថយន្ត CX-30។ រថយន្តនេះ គឺមិនធំជាងរថយន្ត CX-3 ខ្លាំងនោះទេ ប៉ុន្តែវាមានកម្លាំងម៉ាស៊ីនខ្លាំងក្លាជាង និងការឌីស្សាញផ្នែកខាងក្នុងដែលស្រស់ស្អាតជាង។ ការបង្ហាញវត្តមានរបស់រថយន្ត 2020 Mazda CX-3 ត្រូវបានគេមើលឃោះញថា អាចនឹងធ្វើការប្រកួតប្រជែងបានជាមួយនឹងរថយន្ត Chevrolet Trax និង Honda HR-V បានផងដែរ៕