ក្រុមហ៊ុន Ford នឹងធ្វើការប្រឡូកចូលទៅក្នុងរថយន្តប្រភេទ Truck រថយន្តធំរបស់ខ្លួន ជាមួយនឹងការប្រកាសបង្ហាញនូវរថយន្តម៉ូឌែលថ្មី 2020 Super Duty Chassis Cabs ក្នុងពេលឆាប់ៗនេះ។ រថយន្តនេះ គឺមានរូបរាងធំនឹងប្រើប្រាស់នូវម៉ាស៊ីន 7.3-liter V8 ជាមួយនឹងកម្លាំង 350 សេះ និងកម្លាំងរមួល 468 lb-ft ថែមទៀត។ តាមការបញ្ជាក់របស់ក្រុមហ៊ុន Ford នោះ កម្លាំងរមួលនេះគឺខ្លាំងក្លាល្អបំផុតនៅក្នុងប្រទេស gas engine នេះ។ ជាមួយនឹងម៉ាស៊ីនជំនាន់ទី 3 របស់ 6.7-liter PowerStroke diesel V8 ដែលមានកម្លាំង 330 សេះ និងកម្លាំងរមួល 825 lb-ft (75 lb-ft ខ្លាំងជាងការពីមុននោះ) រថយន្ត Super Duty trucks ម៉ូឌែលចុងក្រោយនេះគឺពិតជាខ្លាំងក្លាបំផុត។
សម្រាប់ទម្ងន់នៃការផ្ទុករបស់រថយន្តនេះគឺ 12,750 ផោន (ដែលជិតនឹងការផ្ទុក 2 ដងនៃរថយន្ត F-350 Super Duty)។ ម៉ាស៊ីនទាំងពីនេះ គឺប្រើប្រាស់នូវចង្កឹះលេខ 10 វគ្គ TorqShift automatic transmission គឺពិតជាខ្លាំង និងល្អក្នុងការប្រើប្រាស់មែនទែន! សម្រាប់រថយន្ត Ford Super Duty Chassis Cabs នេះ គឺមានចំណែកទីផ្សារដល់ទៅ 65.6% នៅក្នុងទីផ្សាររបស់អាមេរិក ហើយសម្រាប់ការ upgrades ចុងក្រោយបំផុតនេះគឺពិតជាធ្វើអោយរថយន្តនេះគ្រងដំណែងបន្តនៅលើទីផ្សារផងដែរ។ តាមការបញ្ជាក់របស់ក្រុមហ៊ុននេះ ភាពជោគជ័យនេះ គឺដោយសារតែក្រុមហ៊ុនមើលទៅលើតម្រូវការពិតប្រាកដរបស់អ្នកប្រើប្រាស់។
លោក Nathan Oscarson ដែលប្រធានគ្រប់គ្រងទីផ្សាររបស់ក្រុមហ៊ុននេះ បាននិយាយថា យើងនិយាយជាមួយនឹងអតិថិជនជាច្រើន ហាងចែកចាយរថយន្ត និងអ្នកប្រើប្រាស់ដើម្បីទទួលបាននូវមតិយោបល់ដែលជួយក្រុមវិស្វកររបស់យើងអោយធ្វើការផលិតរថយន្ត Trucks នេះទៅតាមតម្រូវការទីផ្សារបច្ចុប្បន្ននេះ។ រថយន្តនេះក៏មានបន្ថែមនូវបច្ចេកវិទ្យាជាច្រើនទៀតដែលធ្វអោយការបើកបរកាន់តែប្រសើរជាងមុន សុវត្ថិភាពក្នុងការប្រើប្រាស់ជាងមុន និងតម្លៃសមរម្យជាងមុនថែមទៀត។
រថយន្តស៊េរីថ្មីនេះ ក៏មានភ្ជាប់ជាមួយនឹងមុខងារជាច្រើនដូចជា driver-assist ដូចទៅនឹង pre-collision assist ដែលធ្វើកាចាប់ហ្វ្រាំងភ្លាមៗដោយស្វ័យប្រវត្តិជាមួយនឹងប្រព័ន្ធជូនដំណឹងនៅពេលចាកចេញពីចំណតថែមទៀត។ ប្រព័ន្ធទាំងនេះ គឺជួយកាត់បន្ថយទៅលើគ្រោះថ្នាក់ដែលអាចកើតឡើងជាយថហេតុនោះ។ ខណៈពេលដែលមុខងារទាំងនេះគឺដំណើរការជាមួយនឹង 4G LTE Wi-Fi ដែលអាចប្រើប្រាស់បានដល់ទៅ 10 ម៉ាស៊ីន ហើយសម្រាប់រថយន្ត Super Duty Chassis Cabs របស់ក្រុមហ៊ុន Ford នេះពិតជាមានសមត្ថភាពខ្ពស់មែនទែនក្នុងការប្រើប្រាស់នៅក្នុងវិស័យពាណិជ្ជកម្មក្នុងពេលបច្ចុប្បន្ននេះ។
រថយន្តF-600 Super Duty Chassis Cab នេះ នឹងបង្ហាញខ្លួននៅលើទីផ្សារនៅចុងឆ្នាំ 2020 ខាងមុខនេះហើយ៕
