ខណៈពេលដែលរថយន្តម៉ូឌែលថ្មីៗជាច្រើន ប្រកាសបង្ហាញខ្លួននៅក្នុងព្រឹត្តិការណ៍ Chicago Motor Show 2020 នេះ យើងក៏ឃើញមានរថយន្តតូចៗ ជាច្រើនដែលត្រូវបានរៀបចំដោយអង្គការ Klairmont Kollections ដែលមានមូលដ្ឋាននៅក្នុងទីក្រុងឈីកាហ្គោ បានបង្ហាញនូវរថយន្តកម្ររច្រើនជាង 300 គ្រឿងនៅលើផ្ទៃដី 100,000 ហ្វីតការ៉េនេះ។
Klairmont Kollections គឺជាអង្គការមិនរកប្រាក់ចំណេញដែលជួយមនុស្សជំនាន់ក្រោយអោយចូលរួមនៅក្នុងសកម្មភាពសិក្ខាសិលា ដំណើរកម្សាន្ត និងភាពជាដៃគូថែមទៀតផង។ ដើម្បីស្វែងយល់អំពីអ្វីដែលអង្គការនេះ បានប្រមូលផ្តុំនោះ ក្រុមហ៊ុននេះ នាំគ្នាទិញយកនូវគំនិតដ៏អស្ចារ្យជាច្រើន ដែលធ្វើអោយគ្រប់គ្នាឈប់មើល និងសម្លឹងមើលមិនដាក់ភ្នែកនោះទេ។
Studebaker Ice Princess
នេះគឺជារថយន្ត Studebaker Ice Princess ដែលមានកង់ចំនួន 6។ សម្រាប់រថយន្តនេះ ប្រើប្រាស់នូវម៉ាស៊ីន 8.2-liter Cadillac V8 ដែលមានកម្លាំង 400 hp ថែមទៀត។ រថយន្តនេះមានរូបរាងទាក់ទាញខ្លាំងជាមួយនឹងកៅអីស្បែកមាសប្រណិត ភ្លើងចង្កៀងខាងមុខដែលមានទម្រង់ដូចទៅនឹងទសវត្សរ៍ឆ្នាំ 50s អិញ្ចឹងដែរ។
Golden Sahara II
Golden Sahara II នេះ គឺចាប់ផ្តើមមានជីវិតដូចទៅនឹងរថយន្ត 1953 Lincoln Capri ដែលត្រូវបានបំផ្លាញចោលទាំងស្រុងនៅក្នុងទសវត្សរ៍ 1950s។ នេះគឺជាគំនិតដ៏អស្ចារ្យមួយរបស់លោក George Barris ដែលធ្វើការឌីស្សាញទៅលើរថយន្ត Batmobile នៅក្នុងទសវត្សរ៍ 1960s។ រថយន្តនេះ បង្កើតឡើងនៅក្នុងហាង Ohio នៅក្នុងឆ្នាំ 1956 ដែលមានតម្លៃ $75,000 ដែលបច្ចុប្បន្ននេះ គឺមានតម្លៃប្រហែលជា 30 ម៉ឺនដុល្លារអាមេរិក។
សម្រាប់អ្នកបើកបរនៅលើរថយន្ត Golden Sahara II នេះ អាចធ្វើការទស្សនាទូរទស្សន៍នៅលើអេក្រង់ពណ៌ខ្មៅ និងស និងអាចញ៉ាំស្រាក្រឡុកជាមួយនឹងទូរទឹកកកដែលមានស្រាប់ថែមទៀតនៅលើសាឡុងវែងនេះ។
Corvette Nomad
តើអ្នកនឹងយល់ឃើញយ៉ាងណាប្រសិនបើអ្នកក្រឡេកមើលទៅលើរថយន្ត Chevrolet Corvette Nomad នេះ? សម្រាប់រថយន្ត Corvette Nomad នេះ គឺដាក់បង្ហាញខ្លួននៅក្នុងព្រឹត្តិការណ៍ New York Motorama នៅក្នុងឆ្នាំ 1954 ផងដែរ។
Rolls-Royce Silver Spur
រថយន្តជាច្រើននៃត្រកូល Rolls-Royce គឺពិតជាមានភាពទាក់ទាញខ្លាំងមែនទែន ប៉ុន្តែក្រុមហ៊ុន Diamond Clubដែលធ្វើការផលិតរថយន្តប្រណិតមានមូលដ្ឋាននៅក្នុងរដ្ឋហ្ល័រីដាក៏ធ្វើការផលិតទៅលើរថយន្ត 1983 Silver Spur របស់ខ្លួនដែលជាជំនាន់មុនរបស់រថយន្ត Rolls-Royce Phantom។
ក្រុមហ៊ុន Diamond Club នេះ គឺភ្ជាប់ជាមួយនឹងត្បូងគ្រីស្តាល់ Swarovski Crystals ចំនួន 1 លានគ្រាប់ដែលមានត្បូងពណ៌ខៀវចំនួន 2 តោនថែមទៀត៕