ថ្មីៗនេះ ដោយសារតែមើលឃើញពីការរីកចំរើននៃបច្ចេកវិទ្យា រួមជាមួយនឹងការជួយជ្រោមជ្រែងលើកទឹកចិត្តសម្រាប់អតិថិជន របស់ខ្លួន ក្រុមហ៊ុន Ford បាននាំមកនូវបច្ចេក វិទ្យាប្រព័ន្ធឌីជីថលថ្មីដ៏ទំនើប ដើម្បីអនុញ្ញាតឲ្យអតិថិជន ដែលយករថយន្តមកជួសជុល ដូរប្រេងម៉ាស៊ីន ឬត្រួតពិនិត្យរថយន្តទាំងអស់ អាចចុះឈ្មោះជាមួយ ប្រព័ន្ធ Digital kiosk ជាការស្រេច ដោយមិនបាច់យករថយន្តទៅជួសជុលតាមហ្គារ៉ាស់ ហើយត្រូវរងចាំជាងជួសជុលយូរដូចមុនទៀតទេ។
យផងតាមការបញ្ជាក់របស់នាយកគ្រប់គ្រងផ្នែកជួសជុលរបស់ក្រុមហ៊ុន Ford លោក Robert De Filippo បានពន្យល់ថា៖ «ពួកយើងនឹងផ្ដល់នូវបទពិសោធន៍កក់សេវាកម្មជួសជុលជាមួយក្រុមហ៊ុនបានកាន់តែរហ័ស មិនធ្លាប់មាន ជូនអតិថិជន ក្នុងនាម Ford ជាក្រុមហ៊ុនលក់រថយន្តឈានមុខនៅអាមេរិក និងទីផ្សារពិភពលោក។ សម្រាប់មនុស្សជាង 85% នៃអតិថិជនដែលសាកល្បងចុះឈ្មោះតាមប្រព័ន្ធឌីជីថលដ៏ទំនើបនេះ សុទ្ធតែបានអះអាងថា ពួកគាត់មានភាពងាយស្រួល និងសន្សំពេលវេលាបានច្រើនមែនទែន ពីសេវាកម្មនេះ»។
ដើម្បីប្រើប្រាស់បច្ចេកវិទ្យាចុះឈ្មោះ ជួសជុលរថយន្ត តាមប្រព័ន្ធម៉ាស៊ីនឌីជីថលទំនើបនេះ អតិថិជន គ្រាន់តែ វាយលេខទូរស័ព្ទបញ្ចូលលើអេក្រង់ម៉ាស៊ីន និងចូលទៅកាន់ menu options រួចបញ្ជាក់ពីម៉ូឌែលរថយន្ត ឆ្នាំផលិត និងប្រព័ន្ធនឹងធ្វើការបញ្ជូនព័ត៌មាននេះ ទៅកាន់ក្រុមជាងជំនាញ ហើយរថយន្តរបស់លោកអ្នក នឹងត្រូវយកទៅត្រួតពិនិត្យភ្លាមៗតែម្ដង ៕