បច្ចុប្បន្ននេះ ក្រៅពីរថយន្តអេឡិចត្រូនិចជាច្រើននោះ វាក៏មានបច្ចេកវិទ្យាមួយទៀត ដែលមនុស្សគ្រប់គ្នាទន្ទឹងរង់ចាំ ផងដែរនោះគឺជារថយន្តស្វ័យប្រវត្តិ ដែលអាចបើកបានដោយខ្លួនឯងនោះ។ នៅក្នុងពេលនេះ មានរថយន្តជាច្រើនដែលប្រើប្រាស់នូវបច្ចេកវិទ្យាពាក់កណ្តាលស្វ័យប្រវត្តិនៃបច្ចេកវិទ្យាបើកបររថយន្តជាច្រើនដោយខ្លួនឯង ជាពិសេសគឺប្រព័ន្ធ Autopilot System ដែលរកឃើញនៅលើរថយន្ត Tesla Model S នេះ។ សម្រាប់ប្រព័ន្ធ Autopilot គឺជួបជាមួយនឹងស្ថានភាពពិបាកមួយចំនួនផងដែរ។ ប៉ុន្តែវាមានរឿងមួយដែលប្រព័ន្ធ Autopilot នេះមិនត្រូវបានអ្នកគ្រប់គ្នាបានដឹងនោះទេ។ បច្ចេកវិទ្យានេះគឺមិនទាន់កើតឡើងនៅឡើយទេ ប៉ុន្តែវាត្រូវរង់ចាំពេលវេលាមួយរយៈទៀត។
ជាក់ស្តែង អាជីវកម្មរថយន្តស្វ័យប្រវត្តិរបស់ក្រុមហ៊ុន GM នោះគឺ Cruise ទើបតែទទួលបាននូវការបញ្ជាក់ពីគណៈកម្មាការសាធារណៈនៃរដ្ឋកាលីហ្វ័រញ៉ាដើម្បីដឹកជញ្ជូនអ្នកដំណើរក្នុងការធ្វើតេស្តបើកបរដោយខ្លួនឯងនៅលើផ្លូវសាធារណៈ។ ទោះជាយ៉ាងណាក៏ដោយនោះ រថយន្ត Cruise AV នេះគឺផ្អែកនៅលើរថយន្ត Chevy Bolt ដែលនៅតែត្រូវការការប្រតិបត្តិនៃការធ្វើតេស្តនៅលើមនុស្សជាមុនសិន។ សរុបមក មនុស្សនៅតែក្លាយជា Backup សម្រាប់ករណីបន្ទាន់។ អាជីវកម្ម Cruise របស់ក្រុមហ៊ុន GM នេះ គឺមិនមែនជាក្រុមហ៊ុនតែមួយគត់នោះទេដែលទទួលបាននូវ License សម្រាប់គំរូប្រភេទនេះក្នុងការធ្វើតេស្តនោះ។
Waymo និង Zoox គឺជាក្រុមហ៊ុនពីរផ្សេងទៀត ប៉ុន្តែសម្រាប់ក្រុមហ៊ុន GM គឺនៅតែជាក្រុមហ៊ុនដំបូងបំផុតដែលមានឈ្មោះហៅថាជាក្រុមហ៊ុនកេរ្តិ៍ដំណែលដំបូងគេដែលឈ្នះនូវការអនុម័តមួយនេះ។ Cruise និយាយនៅក្នុងសេចក្តីថ្លែងការណ៍មួយរបស់ខ្លួនថា “ខណៈពេលដែលយើងកៀកទៅនឹងថ្ងៃនៃការសម្ភោធន៍ហើយនោះ យើងចង់ផ្តល់នូវឱកាសក្នុងការដាក់នូវបេក្ខជនកំពូល ដៃគូសហការ និងអ្នកសារព័ត៌មានជាច្រើនទៅក្នុងរថយន្តនេះ ហើយសម្រាប់គម្រោង Pilot នេះអនុញ្ញាតអោយយើងអាចធ្វើរឿងនេះបាន។”
ក្រុមហ៊ុន GM មិនចង់ធ្វើការកំណត់ទៅលើការតេស្តនេះនៅក្នុងតែរដ្ឋនៅកាលីហ្វ័រញ៉ាទេ។ បច្ចុប្បន្ននេះ វាមានការធ្វើតេស្តនៅលើផ្លូវNational Highway Transportation Safety Administration ដែលមានរថយន្តច្រើនជាង 5,000 ដែលគ្មានអ្នកបើកបរ។ សម្រាប់NHTSA នេះគឺផ្តល់ការអនុញ្ញាតរួចហើយសម្រាប់ក្រុមហ៊ុនដែលផ្អែកនៅលើរដ្ឋកាលីហ្វ័រញ៉ាឈ្មោះ Nuro, Inc ដើម្បីដំណើរការនូវការចែកចាយរថយន្តបើកបរដោយខ្លួនឯងនោះ។
នៅក្នុងខែមករានេះ ក្រុមហ៊ុន Chevrolet គឺស្ថិតនៅក្នុងកិច្ចសហការក្នុងភាពជាដៃគូជាមួយនឹងក្រុមហ៊ុន Honda ដែលមានការទម្លាយថា Cruise Origin គឺជារថយន្ត EV ស្វ័យប្រវត្តិ។ វាក៏មានការបោះជំហានទៅលើរថយន្តដែលគ្មានមនុស្សបើក និងរថយន្តដែលគ្មានផ្សែងថែមទៀត៕
