កាលពីសប្តាហ៍មុននេះ លោកប្រធានាធិបតី Donald Trump បាននិយាយថា រដ្ឋបាលរបស់លោកគឺកំពុងតែពិភាក្សាជាមួយនឹងក្រុមហ៊ុន Ford និង General Motors ក្នុងការបង្កើតនូវសម្ភារៈពេទ្យជាច្រើន ដើម្បីជួយមន្ទីរពេទ្យជាច្រើនក្នុងការទប់ទល់ទៅនឹងការផ្ទុះឡើងនៃមេរោគ COVID-19 នេះ។ ក្រុមហ៊ុន Tesla ក៏ស្ម័គ្រចិត្តក្នុងការជួយបង្កើតនូវសម្ភារៈពេទ្យ ប៉ុន្តែពេលនេះវាហាក់ដូចជាក្រុមហ៊ុន Ford នឹងក្លាយជាក្រុមហ៊ុនផលិតរថយន្តដំបូងបំផុត ដែលទទួលយកនូវការអំពាវនាវក្នុងការប្រយុទ្ធប្រឆាំងទៅនឹងមេរោគនេះ នេះបើតាមសេចក្តីប្រកាសរបស់ក្រុមហ៊ុននេះនៅថ្ងៃអង្គារ៍។
ក្រុមហ៊ុន Ford ទើបតែប្រកាសថា ខ្លួននឹងធ្វើការសហការជាមួយនឹងក្រុមហ៊ុន 3M និង GE Healthcare ក្នុងការផលិតទៅលើម៉ាស 3M Powered Air-Purifying Respirators (PAPRs) និងបំពង់ខ្យល់ GE ថែមទៀត។ ក្រុមហ៊ុននេះ ក៏ធ្វើការជាមួយនឹងក្រុមហ៊ុន United Auto Workers ក្នុងការបង្កើតនូវរបាំងការពារផ្លាស្ទិកនៅក្នុងក្រុមហ៊ុនបុត្រសម្ព័ន្ធ TDM របស់ខ្លួននៅក្នុងទីក្រុង Michigan និងបង្កើននូវសមត្ថភាពនៃការព្រីន 3D របស់ខ្លួនក្នុងការបង្កើតនូវឧបករណ៍ការពារជាច្រើនទៀតក៏ដូចជាឧបករណ៍សម្រាប់ដកដង្ហើមផងដែរ។
ក្រុមហ៊ុន Ford ពេលនេះ កំពុងតែធ្វើការសហការគ្នាជាមួយនឹងក្រុមហ៊ុន 3M ក្នុងការបង្កើតនូវការឌីស្សាញថ្មីសម្រាប់ឧបករណ៍បន្សុទ្ធខ្យល់អាកាស Powered Air-Purifying Respirators ថែមទៀត។ ជាក់ស្តែង គំនូសព្រាងមួយនៅក្នុងចំណោមការឌីស្សាញជាច្រើននៃឧបករណ៍បំពង់ខ្យល់នេះ គឺប្រើប្រាស់នៅក្នុងរថយន្តដឹកទំនិញ Ford F-150 ផងដែរ។ ក្រុមហ៊ុន Ford និង GE Healthcare ក៏ធ្វើការទៅលើការឌីស្សាញទៅលើឧបករណ៍បំពង់ខ្យល់របស់ក្រុមហ៊ុននេះដែលមានស្រាប់ផងដែរ។
លោក Bill Ford នាយកប្រតិបត្តិរបស់ក្រុមហ៊ុននេះ បាននិយាយថា “នេះគឺជាពេលវេលាដ៏សំខាន់សម្រាប់អាមេរិក និងពិភពលោក។ វាគឺជាពេលមួយសម្រាប់ធ្វើសកម្មភាព និងកិច្ចសហប្រតិបត្តិការ។ នៅក្នុងការរួមគ្នានេះ យើងអាចនាំយកនូវអ្វីដែលថ្មីសម្រាប់បំពេញនូវតម្រូវការរបស់មនុស្សផ្សេងៗគ្នា និងសម្រាប់អ្នកដែលនៅជួរមុខគេនៅក្នុងវិបត្តិនេះ។ នៅក្នុងក្រុមហ៊ុន Ford នេះ យើងមានអារម្មណ៍ថាយើងមានកាតព្វកិច្ចយ៉ាងមុតមាំក្នុងការបោះជំហាន និងការរួមចំណែកនៅក្នុងពេលដែលមានតម្រូវការនេះ យើងគឺមានប្រវត្តិដល់ទៅ 117 ឆ្នាំមកហើយ។”
ខណៈពេលដែលឧបករណ៍សម្រាប់ដកដង្ហើមនេះគឺស្ថិតនៅក្នុងដំណាក់កាលនៃការឌីស្សាញ ក្រុមហ៊ុន Ford នឹងធ្វើការយ៉ាងឆាប់រហ័សក្នុងការផលិតនូវរបាំងមុខការពារសម្រាប់បុគ្គលិកពេទ្យ និងអ្នកឆ្លើយតបបន្ទាន់នោះ។ សម្រាប់របាំងការពារមុខចំនួន 1000 នឹងធ្វើការតេស្តនៅក្នុងសប្តាហ៍នេះ នៅក្នុងព្រឹត្តិការណ៍ Detroit Mercy នេះ បើតាមការបញ្ជាក់របស់ក្រុមហ៊ុន Henry Ford Health Systems និង Detroit Medical Center Sinai-Grace Hospitals ។ របាំងការពារចំនួន 75,000 នឹងធ្វើការផលិតនៅក្នុងសប្តាហ៍នេះ ខណៈពេលដែលរបាំងចំនួន 100,000 នេះនឹងធ្វើការផលិតបានក្នុងមួយសប្តាហ៍នៅពេលដែលក្រុមហ៊ុន Ford បានធ្វើការផលិតពេញលេញរបស់ខ្លួននោះ៕
