យានយន្តអគ្គិសនី ត្រូវបានរំពឹងថា នឹងក្លាយជាឧបករណ៍សម្រាប់ប្រើប្រាស់នាពេលអនាគត ហើយក្រុមហ៊ុនបច្ចេកវិទ្យាយក្សរបស់ចិន Xiaomi ក៏ដឹងរឿងនេះផងដែរ។ ក្រុមហ៊ុន Ninebot ដែលជាដៃគូរបស់ក្រុមហ៊ុននេះ បានបង្ហាញនូវម៉ូឌែលថ្មីចំនួន 2 កាលពីប៉ុន្មានខែមុននេះផងដែរ។ សម្រាប់ខ្សែសង្វាក់ផ្គត់ផ្គង់ទីពីរ របស់ក្រុមហ៊ុន Xiaomi គឺក្រុមហ៊ុន 70mai ក៏ប្រកាសបង្ហាញនូវកង់ E-Scooter ថ្មីរបស់ខ្លួនផងដែរ។ សម្រាប់កង់ 70mai A1 និង A1 Pro Smart Electric Scooters ត្រូវបានប្រកាសនៅក្នុងព្រឹត្តិការណ៍មួយនៅថ្ងៃនេះ។
កង់ e-bikes នេះគឺត្រូវបានផលិតឡើងដោយក្រុមហ៊ុន 70mai ហើយក្រុមហ៊ុននេះ គឺធ្វើការផលិតនូវ accessories សម្រាប់រថយន្តជាច្រើនផងដែរដែលក្នុងនោះគឺមានកាមេរ៉ា dashboard កញ្ចក់មើលខាងក្រោយ និងជាច្រើនទៀត។ កង់ 70mai e-scooters នេះ គឺជាប្រភេទកង់អេឡិចត្រូនិច ដែលមានភ្ជាប់ជាមួយនឹងឧបករណ៍បញ្ជាដោយសំឡេងឆ្លាតវៃ XiaoAI smart voice ថែមទៀត។ វាអាចធ្វើដំណើរបានចម្ងាយ 70 គីឡូម៉ែត្រ និងមានតម្លៃចាប់ផ្តើមពី 2999 yuan ($423)។
កង់ 70mai A1 និង A1 Pro Smart Electric scooters នេះ គឺមានការឌីស្សាញដែលមានរូបរាងប្រហាក់ប្រហែលគ្នាផងដែរ ប៉ុន្តែទំហំថាមពលថ្ម និងមុខងារជាច្រើនទៀតគឺភាពខុសគ្នាផងដែរសម្រាប់ម៉ូឌែលទាំងពីរនេះ។ ការឌីស្សាញនេះគឺធ្វើអោយកង់នេះបានឈ្នះនូវពានរង្វាន់ German iF Design Award 2020 ផងដែរ។ វាមានទម្ងន់ស្រាលត្រឹមតែ 55kg និងមានល្បឿនដល់ទៅ 25km/h ថែមទៀត។
កង់ 70mai e-bike នេះ គឺមានការឌីស្សាញប្លែកជាមួយនឹងការឌីស្សាញពណ៌លឿន និងពណ៌ក្រហមយ៉ាងល្អឯកតែម្តង។ វាប្រើប្រាស់នូវភ្លើង LED ដែលមានរូបរាងជាការ៉េថែមទៀត។ សម្រាប់ភ្លើងចង្កៀងខាងមុខរបស់កង់នេះក៏មានឡូហ្គោរបស់ក្រុមហ៊ុននេះផងដែរ។ វាក៏មានភ្លើងចំណាំងផ្លាតនៅផ្នែកខាងក្រោយរបស់កង់នេះផងដែរ។ កង់អេឡិចត្រូនិចឆ្លាតវៃ 70mai នេះគឺមានភ្ជាប់ជាមួយនឹងកែបដែលមានភាពងាយស្រួលក្នុងការប្រើប្រាស់ជាទីបំផុត ហើយវាក៏ផ្តល់នូវផាសុកភាពថែមទៀត។ នៅក្នុងពេលនេះ ផ្នែកខាងលើនៃកែបនេះគឺមិនមានការជ្រាបទឹកនោះទេ ដូចនេះ អ្នកមិនចាំបាច់មានការព្រួយបារម្ភនោះទេនៅក្នុងការប្រើប្រាស់ប្រចាំថ្ងៃ ឬនៅខាងក្រៅផ្ទះនោះ។
បើនិយាយអំពីតម្លៃវិញនោះ ថ្ងៃដំបូង កង់អេឡិចត្រូនិចឆ្លាតវៃ 70mai A1 នេះ គឺមានតម្លៃ 2999 yuan ហើយវាអាចនឹងមានការកើនឡើងតម្លៃដល់ទៅ 3699 yuan ($522) សម្រាប់តម្លៃធម្មតា។ ម្យ៉ាងវិញទៀតនោះ កង់ A1 Pro នេះគឺមានតម្លៃ 3999 yuan ($565) នៅថ្ងៃរៃអង្គាសប្រាក់ និងតម្លៃធម្មតាគឺ 4699 yuan ($663) ៕