នៅថ្ងៃនេះ ក្រុមហ៊ុន LG បានបង្ហាញនូវព័ត៌មានលម្អីតនៃទូរទស្សន៍ថ្មីចំនួន 12 ម៉ូឌែល នៅក្នុងត្រកូលនៃទូរទស្សន៍ NanoCell TV របស់ខ្លួន។ នៅក្នុងឈ្មោះរបស់ទូរទស្សន៍នេះ NanoCell TV គឺមានអេក្រង់ដែលផ្អែកនៅលើ LCD ដែលក្រុមហ៊ុននេះបាននិយាយថា នឹងប្រើប្រាស់នូវស្រទាប់ដែលមានទំហំ 1nm ដើម្បីផ្តល់នូវកម្រិតនៃពណ៌កាន់តែច្បាស់ជាងមុន។ ទូរទស្សន៍ដ៏ធំបំផុតរបស់វានោះគឺ Nano90 4K TV ដែលមានទំហំ 86-inch ដែលពេលនេះគឺមានតម្លៃ $3,299។ សម្រាប់ម៉ូឌែលជាច្រើនទៀតនៅក្នុងត្រកូលនេះ គឺនឹងដាក់លក់នៅចុងខែនេះ និងខែក្រោយនេះ។ ទូរទស្សន៍ Nano99 8K series នេះគឺមានអេក្រង់ទំហំ 75-inch និង 65-inch ដែលគ្រោងនឹងដាក់លក់នៅក្នុងខែឧសភានិងមិថុនាខាងមុខនេះ។
ទូរទស្សន៍ Nano99 series និង Nano90 4K series គឺប្រើប្រាស់នូវ array local dimming ដែលផ្តល់នូវកម្រិតពណ៌ខ្មៅបានច្បាស់ល្អបំផុតក្នុងការទស្សនា។ ទូរទស្សន៍ Nano 99 series នេះគឺប្រើប្រាស់នូវបន្ទះឈីប Alpha 9 Gen 3 AI Processor 8K ដែលស្រដៀងគ្នាទៅនឹងទូរទស្សន៍ដែលប្រើប្រាស់នៅលើ 2020 OLED TVs របស់ក្រុមហ៊ុន LG នោះ។ ក្រុមហ៊ុននេះនិយាយថា ខ្លួនប្រើប្រាស់នូវបច្ចេកវិទ្យា “deep learning technology” ក្នុងការផ្តល់នូវកម្រិតទស្សនាដល់ទៅ 8K នេះ។
ក្រុមហ៊ុននេះ បានកត់សម្គាល់ថា ទូរទស្សន៍ ម៉ូឌែល 8K ទាំងនេះនឹងលើសពីតម្រូវការរបស់សមាគមន៍អ្នកប្រើប្រាស់បច្ចេកវិទ្យាដែលមានការទាមទារសម្រាប់កម្រិតភាពច្បាស់នៅលើទូរទស្សន៍ 8K TVs នេះជាមួយនឹងទូរទស្សន៍ 2020 ZX series របស់ក្រុមហ៊ុន LG សម្រាប់ទូរទស្សន៍ 8K OLED TVs ដែលនឹងក្លាយជាម៉ូឌែលដំបូងបមផុតដែលមានការប្រើប្រាស់នូវឡូហ្គោ CTA 8K Ultra HD នេះ។ សម្រាប់ទូរទស្សន៍ទាំង 12 នេះនឹងមានការទ្រទ្រង់នូវ HDR formats ជាច្រើនដូចជា Dolby Vision និង HDR 10 នេះបើតាមការបញ្ជាក់របស់ក្រុមហ៊ុន LG។
ទូរទស្សន៍ នឹងទ្រទ្រង់នូវសំឡេង Dolby Atmos រួមជាមួយនឹងមុខងារជាច្រើនទៀតដែលមានការពង្រឹងទៅលើបទពិសោធន៍នៃការទស្សនានៅលើខ្សែភាពយន្ត កីឡា និងហ្គេមជាច្រើនទៀត។ ទូរទស្សន៍នេះ នឹងមានការទ្រទ្រង់នូវ Google Assistant និង Amazon Alexa។ វាក៏មានការទ្រទ្រង់ទៅលើ Apple’s AirPlay 2 និង HomeKit និងការដំណើរការនូវ webOS Smart TV platform។ ខាងក្រោមនេះគឺជាតម្លៃរបស់ទូរទស្សន៍ទាំងនេះ៕
LG Nano99 Series:
75-inch – 75NANQ99UNA: ខែឧសភា ឆ្នាំ2020, $4,999
65-inch – 65NAN099UNA: ខែមិថុនា ឆ្នាំ 2020, $3,499
LG Nano90 Series:
86-inch – 86NANO90UNA: អាចរកទិញបានពេលនេះ, $3,299
75-inch – 75NANO90UNA: ខែឧសភា ឆ្នាំ 2020, $2,499
65-inch – 65NAN9O0UNA: ខែឧសភា ឆ្នាំ 2020, $1,499
55 -inch – 55NANO90UNA: ខែមេសា ឆ្នាំ 2020, $1,049
LG Nano85 Series:
75-inch – 75NANO85UNA: ខែកញ្ញា ឆ្នាំ 2020
65-inch – 65NANO85UNA: ខែមេសា ឆ្នាំ 2020, $1,199
55-inch – 55NANO85: ខែឧសភា ឆ្នាំ 2020, $849
49-inch – 49NANO85UNA: អាចរកទិញបានពេលនេះ, $649
LG Nano81 Series:
65-inch – 65NANO81ANA: ខែមេសា ឆ្នាំ2020, $899
55-inch – 55NANO81ANA: អាចរកទិញបានពេលនេះ, $599
ព័ត៌មានលំអិតសូមចុចតំណរខាងក្រោម៖ https://www.lg.com/us/nanocell
