no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Mazda CX-5 Signature Diesel AWD គឺជារថយន្ត SUV ជំនាន់ថ្មី ដែលអ្នកប្រើប្រាស់កំពុងរង់ចាំ!

សព្វថ្ងៃនេះ សម្រាប់រថយន្តដែលជាបំពាក់នូវម៉ាស៊ីនម៉ាស៊ូត គឺភាគច្រើនប្រើប្រាស់នៅលើរថយន្តប្រភេទ Crossovers និងរថយន្តសាមញ្ញជាច្រើនទៀត។ សម្រាប់ក្រុមហ៊ុនផលិតរថយន្ត Mazda វិញថ្មីៗនេះ ក៏ទើបតែប្រកាសបង្ហាញនូវរថយន្តស៊េរីថ្មី CX-5 Signature Diesel AWD 2019 របស់ខ្លួនផងដែរ ដោយបំពាក់នូវកម្លាំងម៉ាស៊ីន twin turbocharger ដែលមានកម្លាំងប្រហែលជា 168 សេះ នៅក្នុងកម្រិត 4,000 rpm និងកម្លាំងរមួលដល់ទៅ 290 lb-ft នៅក្នុងកម្រិត 2000 rpm។ 

ក្រុមហ៊ុន Mazda បញ្ជាក់ថា ការប្រើប្រាស់នូវកម្លាំង turbocharger តូចជាងនៅក្នុងកម្រិត rpm ទាបជាងនេះ គឺសម្រាប់ការឆ្លើយតបបានរហ័សលឿន។ បន្ទាប់មកវាក៏ដំណើរការទៅលើ turbocharger ដែលមានទំហំធំជាងនៅក្នុងកម្រិត rpm ខ្ពស់ជាងផងដែរ។ ក្រុមហ៊ុន Mazda បាននិយាយថា កម្រិតម៉ាស៊ីននេះ នឹងផ្តល់អោយនូវការឆ្លើយតបកាន់តែរលូនពីកម្រិតនៃម៉ាស៊ីនទាបរហូតដល់ម៉ាស៊ីនកម្រិតខ្ពស់ ហើយវាក៏មានកម្លាំងរមួលពីកម្រិតទាបទៅកាន់កម្រិតខ្ពស់ផងដែរ។ ម៉ាស៊ីននេះ មានការកំណត់ត្រឹម 5,500 rpm។ សម្រាប់កម្រិត EPA នៃម៉ាស៊ីនម៉ាស៊ូតរបស់រថយន្ត CX-5 គឺប្រហែលជា 27/30/28 mpg សម្រាប់ទីក្រុង ផ្លូវហាយវេ និងការបញ្ចូលគ្នា។

no-alternative title

នៅពេលនេះ ក្រុមហ៊ុន Mazda បានភ្ជាប់មកជាមួយនូវមុខងារ all-wheel-drive ដែលអាចដំណើរការបានតែនៅលើរថយន្ត Signature trim នេះ។ បើសិនជាប្រៀបធៀបសម្រាប់រថយន្តដែលជាប្រភេទសាំងរបស់រថយន្ត CX-5 AWD គឺខុសគ្នា ដោយក្រុមហ៊ុនបានធ្វើការកំណត់នូវកម្លាំងត្រឹមតែ 187 សេះ រួមនិងកម្លាំងរមួល 186 lb-ft ជាមួយនឹង 24/30/26 mpg។ សម្រាប់រថយន្ត CX-5 Turbo ត្រូវបានក្រុមហ៊ុនបំពាក់នូវកម្លាំងម៉ាស៊ីន 250 សេះ និងកម្លាំងរមួល 310 lb-ft ជាមួយនឹងកម្រិត 22/27/24 mpg។ រថយន្តដែលប្រើប្រាស់ម៉ាស៊ូត SkyActiv-D diesel គឺជាអ្វីដែលមនុស្សជាច្រើនទន្ទឹងរង់ចាំនៅក្នុងសហរដ្ឋអាមេរិក ប៉ុន្តែកម្រិតនៃការសន្សំសំចៃរបស់វា គឺមិនទាន់អស្ចារ្យនៅឡើយទេ។ សម្រាប់រថយន្ត CX-5 Signature យើងសង្ឃឹមថាវានឹងមានលក្ខណៈពិសេសជាង។ 

ក្រុមហ៊ុន Mazda បាននិយាយថា ពេលនេះក្រុមហ៊ុន បានចាប់ផ្តើមទទួលនូវការកម្មង់ទិញមុនហើយសម្រាប់រថយន្ត CX-5 Signature Diesel AWD 2019 ដែលមានត្រឹមតែ $42,045 ជាមួយនឹងថ្លៃដឹកជញ្ជូន $1,045។ សម្រាប់រថយន្ត CX-5 Signature AWD ដែលប្រើប្រាស់នូវ turbo four gas engine ចាប់ផ្តើមជាមួយនឹងតម្លៃ $38,235 ។ សម្រាប់អតិថិជនដែលធ្វើការកម្មង់ទិញរថយន្តម៉ាស៊ូតនេះ វាមាន 4 ពណ៌សម្រាប់ធ្វើការជ្រើសរើសគឺពណ៌ខ្មៅ Jet Black, ពណ៌ប្រផេះ Machine Gray Metallic, ពណ៌ក្រហម Soul Red Chrystal និង ពណ៌ស Snowflake White Pearl៕

 

no-alternative title

no-alternative title
ព័ត៌មានពាណិជ្ជកម្ម