ខណៈពេលដែលក្រុមហ៊ុនផលិតរថយន្តមួយចំនួនរួមមានដូចជាក្រុមហ៊ុន Ford បាននឹងកំពុងតែចេញលក់រថយន្តម៉ូដែលថ្មីៗនោះ ក្រុមហ៊ុន Hyundai ក៏គ្រោងនឹងបញ្ចេញនូវរថយន្តថ្មីៗរបស់ខ្លួនផងដែរ។ ថ្លែងនៅឯពិព័រណ៍រថយន្តក្រុងញូវយ៉កឆ្នាំ 2019 នេះ លោក Brian Smith ដែលជាអគ្គនាយកក្រុមហ៊ុន Hyundai Motor America បាននិយាយថា " រថយន្តស៊េរីថ្មីនេះដែលមានវត្តមាននៅពេលនេះ គឺខុសគ្នាយ៉ាងខ្លាំង" Hyundai Sonata ជំនាន់ថ្មី គឺស្ថិតនៅក្នុងស្នាដៃមួយ ដែលនឹងក្លាយជាម៉ូឌែល N Line ដែលមានកម្លាំងជាង 275 សេះ។
ក្រុមហ៊ុន បានបញ្ជាក់ថា កន្លងរថយន្ដមួយចំនួន ដែលផ្អែកលើម៉ាស៊ីនប្រភេទ 1.6 លីត្រ និងប្រើប្រាស់នូវស៊ីឡាំងចំនួន 4 គ្រាប់នោះ គឺមានសមត្ថភាពអាចបង្កើតនូវកម្លាំងម៉ាស៊ីនបានត្រឹមតែទំហំ 180 សេះប៉ុណ្ណោះ ខណៈដែលម៉ាស៊ីនដែលមានទំហំ 2.5 លីត្រ ដោយមានការប្រើប្រាស់ turbocharged ថែមទៀតនោះ គឺមានសមត្ថភាព អាចបង្កើតបានកម្លាំងម៉ាស៊ីនបានទំហំ 191 ប៉ុណ្ណោះ។ មានសំណួរថា តើនាពេលអនាគត Sonata N Line ថ្មីនេះ អាចនឹងប្រើប្រាស់ម៉ាស៊ីនទំហំ 2.0 លីត្រដូចគ្នាទៅនឹងម៉ាស៊ីនដែលគេបានរកឃើញនៅក្នុង Veloster ដែរឬទេ ស្របពេលរថយន្តនេះ អាចបង្កើតកម្លាំងបានរហូតដល់ទៅ 275 សេះឯណោះ?
ទាក់ទងនឹងសំណួរខាងលើនេះ Hyundai ដែលជាក្រុមហ៊ុនផលិតរថយន្តដ៏ធំរបស់កូរ៉េខាងត្បូងមួយនេះ បានបដិសេធ មិននិយាយអ្វី ក៏ដូចជាបង្ហាញនូវព័ត៌មានលម្អិតសនៃរថយន្តថ្មីនេះ សម្រាប់ពេលនេះនោះទេ។ ប៉ុន្តែការពិតសម្រាប់វត្តមាននៃសែស្រឡាយនៃរថយន្ត Sonata N Line គឺពិតជាព័ត៌មានដ៏ល្អមួយសម្រាប់អតិថិជន។
ក្រុមហ៊ុន Hyundai បានបង្ហាញពីភាពសប្បាយចិត្តជាខ្លាំងនៅពេលដែលខ្លួនអាចធ្វើដូច្នេះបាន។ រថយន្ដ Line N ត្រូវបានផលិតចេញដោយការចាប់យកគំនិតពីរថយន្ត Veloster (និង i30N នៅឯបរទេស)។ ក្រុមហ៊ុននេះ ក៏បានធ្វើការកោតសសើរ និងថ្លែងអំណរគុណដល់ក្រុមវិស្វករ និងអ្នកផលិតទាំងអស់ ដែលបានធ្វើការប្តេជ្ញាចិត្តយ៉ាងខ្ពស់ ដែលអាចបង្កើតចេញនូវរថយន្តថ្មីមួយ ដែលមានអនុភាពខ្លាំងបែបនេះ។