កាលពីសប្តាហ៍មុននេះ យើងបានឃើញនូវរូបភាពថ្មីប្លែកមួយទៀតនៃរថយន្តជំនាន់បន្ទាប់របស់ Hyundai Tucsonដែលមើលទៅលើពិតជាប្លែកស្រស់ស្អាតខ្លាំងមែនទែន ពិសេសការឌីស្សាញឡើងវិញដ៏អស្ចារ្យសម្រាប់ផ្នែកខាងមុខនៃរថយន្តនេះ។ គេហទំព័រ Kolesa.ru បានធ្វើការបន្តចែកចាយនូវរូបភាព Renders ជាច្រើនសន្លឹកដែលបង្ហាញអំពីការឌីស្សាញនៃរូបរាងថ្មីរបស់រថយន្តជំនាន់ថ្មី Tucson នេះ។
សម្រាប់ការរំពឹងទុករបស់យើងនោះ សម្រាប់រថយន្តប្រភេទ compact SUV ថ្មីរបស់ក្រុមហ៊ុន Hyundai នេះ គឺចាប់តាំងពីលោក Sangyup Lee ដែលជាអនុប្រធានរបស់ក្រុមហ៊ុននៅ Hyundai Design Center បានអះអាងថា ការឌីស្សាញថ្មីនេះនឹងធ្វើអោយអ្នកភ្ញាក់ផ្អើលជាក់ជាមិនខាន។ ប្រសិនបើរូបភាព Renders នេះ គឺជាការពិតនោះ ការឌីស្សាញថ្មីសម្រាប់រថយន្តនេះ ពិតជាប្លែកអស្ចារ្យបំផុតដែលអ្នកនឹកស្មានមិនដល់នោះទេ។ រថយន្ត Tucson នេះគឺជារថយន្ត compact SUV ដែលប្លែក និងកាលីបមែនទែនក្នុងការប្រើប្រាស់។
បើនិយាយអំពីផ្នែកខាងមុខរបស់វា រូបភាព Render ថ្មីនេះ មានការបន្ថែមពីការឌីស្សាញថ្មីនៃរថយន្ត Hyundai ជាមួយនឹងការឌីស្សាញកាន់តែប្លែកទៅលើភ្លើងអំពូលមុ ខដែលមិនចាញ់ការឌីស្សាញទៅលើរថយន្ត Hyundai ម៉ូឌែលបច្ចុប្បន្ននេះទេ ដែលក្នុងនោះ មានដូចជារថយន្ត Santa Fe និង Venue ជាដើម។ សម្រាប់គំរូនៃផ្នែកខាងក្រោយនៃរថយន្ត Tucson នេះ គឺមានការឌីស្សាញដែលស្រដៀងគ្នាទៅនឹងរថយន្តប្រភេទ Crossover។ Kolesa ជឿជាក់ថា រថយន្ត Tucson នេះនឹងមានភ្លើងខាងក្រោយស្រដៀងគ្នាទៅនឹងរថយន្ត Santa Fe ដែរ។
រថយន្តស៊េរីថ្មី Tucson នេះ ត្រូវបានគេរំពឺងថា នឹងប្រើប្រាស់នូវម៉ាស៊ីន Theta3 2.5-Liter ជាមួយនឹងចង្កឹះលេខ 8 វគ្គ ហើយវាក៏មានភ្ជាប់ជាមួយនឹង Front & All-Wheel-Drive ផងដែរ។ នៅក្នុងសហរដ្ឋអាមេរិកនោះ ម៉ាស៊ីននេះគឺមានប្រភេទ Turbo និង Non-Turbo 2.5-Liter ។ រថយន្ត ក៏នឹងប្រើប្រាស់នូវម៉ាស៊ីន 2.0 GDi HEV hybrid របស់រថយន្ត Sonata ផងដែរ។ រថយន្តស៊េរីថ្មី Tucson នេះត្រូវបានគេរំពឹងថា នឹងបង្ហាញខ្លួននៅឆ្នាំក្រោយនេះ គឺនៅឆ្នាំ 2021 ខាងមុខនេះ៕
