នៅពេលនេះ យើងបានដឹងនូវព័ត៌មានថ្មីតាមរយៈរបាយការណ៍មួយដែលអះអាងថា ក្រុមហ៊ុនផលិតរថយន្ត Mercedes ត្រៀមខ្លួនក្នុងការបង្ហាញនូវរថយន្តជំនាន់ថ្មី Maybach version នៅក្នុងត្រកូលរថយន្ត GLS-Class Crossover នៅចុងឆ្នាំនេះ។ នៅក្នុងពេលនេះ យើងមានព័ត៌មានជាក់លក់ចេញពីក្រុមហ៊ុនផលិតរថយន្តនេះ ដែលបញ្ជាក់ថា នៅក្នុង ខែវិច្ឆិកា ឆ្នាំ 2019 នេះ ក្រុមហ៊ុននឹងធ្វើការបញ្ចេញនូវម៉ូឌែលដំបូងបំផុតរបស់ខ្លួនត្រកូល SUV ដែលមានភាពទាក់ទាញខ្លាំងបំផុត។
នៅក្នុងពេលនេះ ព័ត៌មានដែលមានការរំជើបរំជួលបំផុតនោះ គឺថា រថយន្តត្រកូល Maybach SUV គឺត្រៀមខ្លួនរួចរាល់ហើយសម្រាប់ការបង្ហាញវត្តមាននៅលើទីផ្សារនោះ។ សម្រាប់រថយន្តស៊េរីថ្មី Mercedes-Maybach G650 Landaulet គឺមានចំនួនកំណត់ត្រឹមតែ 99 គ្រឿងប៉ុណ្ណោះ។
សម្រាប់ការផលិតទៅលើរថយន្តដំបូងបំផុត SUV (ឬ Crossover) គឺមានឈ្មោះថា Maybach ហើយវាស្ថិតនៅក្រោមលោក Wilhelm Maybach ដែលជាប្រធានផ្នែកបច្ចេកទេសដែលប្រឹងប្រែងធ្វើការយ៉ាងខ្លាំងជាមួយនឹងស្ថាបនិក Gottlieb Daimler របស់ក្រុមហ៊ុននេះ។ ទោះជាយ៉ាងណាក៏ដោយ ក្រុមហ៊ុនផលិតរថយន្ត Mercedes គឺផ្តល់នូវព័ត៌មានលម្អិតតិចតួចប៉ុណ្ណោះសម្រាប់រថយន្ត SUV ថ្មីនេះ។
រថយន្តស៊េរីថ្មី Maybach SUV នេះ នឹងក្លាយជារថយន្ត Crossover ដែលផ្អែកនៅលើរថយន្ត GLS (ខុសប្លែកពីរថយន្ត G650 ដែលផ្អែកនៅលើរថយន្ត G-Class )។ ក្រុមហ៊ុនផលិតរថយន្តនេះ ធ្វើការពិនិត្យឡើងវិញទៅលើទម្រង់នៃរថយន្ត Vision Mercedes-Maybach Ultimate Luxury នៅក្នុងព្រឹត្តិការណ៍ពិពរណ៍ Beijing Auto Show 2018។
យើងរំពឹងថា ការផលិតម៉ូឌែលនេះ គឺចេញពីទម្រងនៃរថយន្ត GLS ដែលមានម៉ាស៊ីន V12 Engine និងផ្នែកខាងក្នុងកាន់តែធំទូលាយ និងផាសុកភាពបំផុត។ Gottlieb Daimler បានបញ្ជាក់ថា ចាប់តាំងពីការដំណើរការឡើងវិញនៃម៉ាកយីហោនេះ នៅក្នុងឆ្នាំ 2015 នោះ ក្រុមហ៊ុននេះ ធ្វើការផលិតរថយន្ត Maybach S-Class បានចំនួន 45,000 គ្រឿង ហើយកាលពីឆ្នាំមុននេះ វាមានការផលិតរថយន្ត S-Class បានចំនួន 7 គ្រឿងដែលមានការបញ្ជាទិញជាមួយនឹងលក្ខណៈពិសេសៗសម្រាប់រថយន្ត Maybach នេះផងដែរ។
សម្រាប់ការលក់រថយន្តដឹកអ្នកដំណើរប្រភេទ Sedans, Coupes និង Convertibles គឺមានចំនួនជាង 84,000 គ្រឿងដែលក្នុងនោះគឺមានការលក់រថយន្ត Maybach បានចំនួនដល់ទៅ 12,000 គ្រឿងច្រើនជាងរថយន្ត Bentleys ដែលលក់បានចំនួន 11,000 និងរថយន្ត 11,000 ដែលលក់បានចំនួន 4,107 គ្រឿង៕