រដ្ឋបាលសុវត្ថិភាពចរាចរណ៍ផ្លូវគោក បានធ្វើការប្រកាសនៅសប្តាហ៍នេះថា ខ្លួននឹងបើកនូវការស៊ើបអង្កេតទៅលើប្រព័ន្ធសុវត្ថិភាពដែលលើកឡើងដោយអ្នកប្រើប្រើប្រាស់របស់រថយន្ត Tesla Model S និងរថយន្ត Model X។ ទីភ្នាក់ងារនេះ បានទទួលបាននូវពាក្យបណ្តឹងចំនួន 53 អំពីប្រព័ន្ធហ្រ្វាំងនៅផ្នែកខាងមុខខាងឆ្វេង និងខាងស្តាំ។ នៅក្នុងបណ្តឹងចំនួន 43 ដែលមានឧប្បត្តិវហេតុចំនួន 11 ដែលកើតឡើងនៅក្នុងអំឡុងពេលនៃការបើកបរ។
នៅក្នុងសេចក្តីថ្លែងការណ៍មួយអំពីការស៊ើបអង្កេតនេះ ស្ថាប័ន NHTSA នេះនិយាយថា ពាក្យបណ្តឹងទាំងនេះគឺមានការបង្ហាញនូវការកើនឡើងបើធៀបទៅនឹង 2 ឆ្នាំមុននេះគឺមាន 34 ករណី ហើយវាមានតែ 3 ករណីប៉ុណ្ណោះដែលកើតឡើងនៅលើផ្លូវហាយវេប៉ុណ្ណោះ។ ទីភ្នាក់ងារនេះមានបំណងក្នុងការវាយតម្លៃទៅលើវិសាលភាព និងលទ្ធផលនៃបញ្ហាទាំងនេះ។
នៅក្នុងការស៊ើបអង្កេតនេះគឺមានរថយន្ត Tesla Model S ចាប់ពីឆ្នាំ 2015 ដល់ឆ្នាំ 2017 និងរថយន្ត Tesla Model X SUVs ដែលធ្វើការផលិតនៅក្នុងឆ្នាំ 2016 ដល់ឆ្នាំ 2017 ។ វាមិនមានការបង្ហាញសម្រាប់រថយន្តម៉ូឌែលថ្មីៗនោះទេ។ សម្រាប់ពេលនេះ វានៅមិនទាន់មានការបញ្ជាក់ជាផ្លូវការចេញពីក្រុមហ៊ុន Tesla នៅក្នុងការស៊ើបអង្កេតនោះទេ។
កាលពីថ្ងៃពុធសប្តាហ៍នេះ ក្រុមហ៊ុន Tesla បានប្រកាសថា ខ្លួនគឺប្រមូលនូវរថយន្តចំនួនជាង 9000 គ្រឿង នៃរថយន្ត Model Y និង Model X ផងដែរ។ សម្រាប់រថយន្ត Model X គឺមានបញ្ហាពាក់ព័ន្ធទៅនឹង Roof Trim ។ គួរបញ្ជាក់ផងដែរថា សម្រាប់ភាគហ៊ុនរបស់ Tesla ពេលនេះគឺមានការកើនឡើងជាង 600% នៅក្នុងឆ្នាំ 2020 នេះ បើទោះបីជាមានមេរោគរាតត្បាតក៏ដោយ៕