ក្រុមហ៊ុន BMW បានបញ្ចេញនូវគំរូថ្មីនៃរថយន្តដឹកទំនិញរបស់ខ្លួនដែលដើរដោយថាមពលអគ្គិសនី មានរូបរាងពិតជាអស្ចារ្យមែនទែន!

បើទោះជាទីផ្សាររថយន្តនៅទូទាំងពិភពលោក មានការរងផលប៉ះពាល់ដោយសារវិបត្តិនៃការរាតត្បាតដោយមេរោគកូវីត 19  សម្រាប់ក្រុមហ៊ុនផលិតរថយន្ត BMW គឺមិនមានការបង្ហាញនូវសញ្ញាណាមួយនៃការធ្លាក់ចុះនោះទេ ដោយក្រុមហ៊ុនផលិតរថយន្តលំដាប់ប្រណិតៗរបស់ពិផពលោកមួយនៅតែធ្វើបានយ៉ាងល្អ មិនថា ទីផ្សារក្នុងស្រុក ឬក្រៅស្រុកនោះទេ។ 

នៅពេលនេះ តាមព័ត៌មានថ្មី ដែលទើបទទួលបាននោះ គឺបាននិយាយថា ក្រុមហ៊ុន MBW បានត្រៀមខ្លួនក្នុងការបង្ហាញនូវរថយន្តអគ្គិសនីរបស់ខ្លួនផងដែរ។  សម្រាប់រថយន្តដែលក្រុមហ៊ុន BMW ត្រៀមប្រកាសចេញនោះ គឺជារថយន្តប្រភេទអគ្គិសនី ដែលរចនាឡើងជាប្រភេទ Pickup សម្រាប់ដឹកទំនិញ។

 បើមើលទៅលើគំរូនៃរថយន្តនេះ គឺត្រូវបានក្រុមហ៊ុននេះធ្វើការច្នៃប្រឌិតជាមួយរូបរាងថ្មដ៏ស្រស់ស្អាត និងមានភ្ជាប់នូវបច្ចេកវិទ្យាជំនាន់ថ្មី ដែលអ្នកប្រើប្រាស់ប្រហែលជាមិនធ្លាប់បានលឺអំពីរថយន្តនេះពីមុនមកនោះទេ។BMW iX 2022 គឺជាប្រភេទរថយន្តអគ្គិសនី Pickup Truck ដែលធ្វើការឌីស្សាញដោយលោក Kleber Silva ហើយវាពិតជាស្រស់ស្អាតមែនទែន។ 

រូបរាងរបស់រថយន្តនេះ គឺមានការឌីស្សាញដូចទៅនឹងអ្វីដែលក្រុមហ៊ុន BMW បានបង្ហាញកាលពីដើមខែនេះ ដោយគ្រាន់តែមានការផ្លាស់់ប្តូរទៅលើចំណុចសំខាន់ៗមួយចំនួនរបស់រថយន្តតែប៉ុណ្ណោះ។ ចំណុចដែលត្រូវធ្វើការផ្លាស់ប្តូរនោះរួមានដូចជា លើផ្នែកចង្កៀង ទំហំខាងក្នុង ហើយជាពិសេស គឺទៅលើសោភ័ណ្ឌភាពរបស់រថយន្តតែម្តង។ ក្រុមហ៊ុន BMW បានធ្វើនូវរឿងដូចគ្នាទៅនឹងក្រុមហ៊ុនជាច្រើនទៀត ដូចចជាក្រុមហ៊ុន Ford, GM, Tesla, Rivian, Bollinger និង Lordstown Motors ផងដែរ ខុសប្លែកតែរថយន្តនេះជាប្រភេទអគ្គិសនីតែប៉ុណ្ណោះ៕