មកដល់ថ្ងៃនេះ ក្រុមហ៊ុនផលិតរថយន្ត Toyota ត្រូវបានគេមើលឃើញយ៉ាងច្បាស់ថា គឺនៅតែបន្តការអភិវឌ្ឍន៍បន្ថែមនៅក្នុងការបង្កើតនូវប្រព័ន្ធសុវត្ថិភាព Safety Sense 2.5 active សម្រាប់ប្រើប្រាស់នៅលើរថយន្តរបស់ខ្លួនអោយបានកាន់តែទូលំទូលាយ ដោយបូករួមទាំងការនាំយកនូវប្រព័ន្ធសុវត្ថិភាពកម្រិតខ្ពស់ជាច្រើនទៀត រួមមានដូចជា៖
ប្រព័ន្ធ adaptive cruise control, ប្រព័ន្ធចូលចំណត lane-keep assist, ប្រព័ន្ធចាប់សញ្ញាពេលដែលមានអ្នកដើរឆ្លងកាត់ pedestrian detection, ប្រព័ន្ធចាប់សញ្ញាតាមដងផ្លូវ road sign assist និងការប្រើប្រាស់ភ្លើងបំភ្លឺស្វ័យប្រវត្តិ automatic high beams ថែមទៀតផងដែរ។
នៅពេលនេះ យោងតាមប្រភពផ្លូវការមួយបាននិយាយថា រថយន្ត Toyota CH-R ស៊េរីឆ្នាំ 2021 ក៏នឹងស្ថិតនៅក្នុងចំណាត់ថ្នាក់កំពូលទៅលើប្រព័ន្ធសុវត្ថិភាព (Top Safety Pick) ចេញពីវិទ្យាស្ថានធានារ៉ាប់រង ដើម្បីសុវត្ថិភាពផ្លូវហាយវេ (IIHS) ផងដែរ។ សូមជំរាបថា កាលពីឆ្នាំមុននេះ រថយន្តនេះ គឺមិនអាចទទួលបាននូវចំណាត់ថ្នាក់ខ្ពស់នោះទេ ដោយសារតែវាមិនមានប្រព័ន្ធសុវត្ថិភាពការពារនៅពេលដែលមានគ្រោះថ្នាក់កើតឡើង ប៉ុន្តែពេលនេះ នៅលើរថយន្តនេះ ក៏មានបច្ចេកវិទ្យានេះហើយ។
ប្រភពដដែលបន្ថែមថា រថយន្ត CH-R មិនអាចទទួលបាននូវចំណាត់ថ្នាក់ល្អនៅក្នុង "Top Safety Pick+" បានទេ ដោយសារតែភ្លើងបំភ្លឺរបស់វា ដែលមិនអាចភ្លឺច្បាស់នៅលើដងផ្លូវ។ សម្រាប់រថយន្ត CH-R 2021 ដែលក្រុមហ៊ុនចេញញលក់នេះ គឺមានតម្លៃ $21,445 សម្រាប់ប្រភេទ LE trim និងតម្លៃ $23,480 សម្រាប់ប្រភេទ XLE trim។ ចំណែករថយន្តប្រភេទ Nightshade trim គឺមានតម្លៃ $24,245 និងរថយន្ត Limited trim គឺមានតម្លៃចាប់ផ្តើមពី $26,500 (តម្លៃក្រៅប្រទេស)។
ជាមួយនឹងការទទួលបាននូវចំណាត់ថ្នាក់ល្អបែបននេះ រថយន្ត Toyota Camry 2021 ក៏ទទួលបាននូវចំណាត់ថ្នាក់ខ្ពស់នៅលើ Top Safety Pick+ ផងដែរ។ ដូចគ្នាទៅនឹងរថយន្ត CH-R ផងដែរ សម្រាប់រថយន្ត Camry នេះ គឺមានការពង្រឹងទៅលើប្រព័ន្ធការពារមុនមានគ្រោះថ្នាក់ និងប្រព័ន្ធចាប់សញ្ញាពេល ដែលមានអ្នកដើរថ្មើរជើងសម្រាប់ម៉ូឌែលឆ្នាំ 2021 នេះ។
