Toyota Camry គឺជារថយន្តប្រភេទ Sedan មួយម៉ូដែល ដែលអ្នកប្រើប្រាស់ជាច្រើនបានស្គាល់ច្បាស់ជាទីបំផុត មិនថាតែទីផ្សារអន្តរជាតិ និងនៅស្រុកខ្មែរ។ ថ្មីៗនេះមានការបង្ហាញចេញនូវវត្តមានរបស់រថយន្ត Toyota Camry ឆ្នាំ 2021។ រថយន្តប្រភេទតូចរបស់ជប៉ុនថ្មីមួយនេះ បានផ្លាស់ប្តូរទៅលើស្ទាយ៍រូបរាងកាន់តែប្រសើរជាងមុន ហើយថែមទាំងមានការ Upgrade ទៅលើប្រព័ន្ធសុវត្ថិភាពរបស់វាថែមទៀតផង។
ជាមួយនឹងការមកដល់នៃរថយន្ត Toyota Camry 2021 ក្រុមហ៊ុនតូយ៉ូតា ក៏មានកញ្ចប់សម្រាប់អ្នកដែលចង់បានរថយន្ត ដែលមានស្ទាយ៍ស្រស់ស្អាតទាក់ទាញផងដែរ។ Modellista និង GR Parts គឺជាកញ្ចប់ Accessories ថ្មី ដែលក្រុមហ៊ុនបាន នាំមកសម្រាប់តុបតែងទៅលើរថយន្តនេះ ដែលមានការរចនាបានយ៉ាងល្អមែនទែន។ សម្រាប់កញ្ចប់របស់ Modellista គឺមាន 2 ពណ៌នោះ គឺ Smart Shine និង Bright Elegance។
សម្រាប់ Smart Shine គឺមានការបន្ថែមនូវ Chrome ទៅលើផ្នែកខាងក្រៅដែលមើលទៅពិតជា premium មែនទែន។ សម្រាប់ Chrome នេះ ពិតជាសក្តិសមស៊ីគ្នាទៅនឹងរថយន្តនេះ តែម្តង។ វាក៏មានកង់ប្រភេទ 17-inch aluminum wheels ផងដែរ។ នៅក្នុងកញ្ចប់ Bright Elegance package របស់ Modellista នេះ គឺមានការបញ្ចូលគ្នានូវ Smart Shine chrome ដែលពិតជាសក្តិសមមែនទែន។ និយាយរួមកញ្ចប់ថ្មីនេះ ស៊ីគ្នាទៅនឹងការប្រើប្រាស់នូវកង់ទំហំ 19-inch wheels ផងដែរ។
ប្រភពខាងលើនេះ បានបញ្ជាក់ថា សម្រាប់ accessories នេះ គឺដាក់លក់ហើយនៅក្នុងប្រទេសជប៉ុន ប៉ុន្តែសម្រាប់នៅក្នុងអាមេរិកនោះ គឺមានប្រភេទរថយន្ត Toyota Camry TRD ដែលអាចប្រើប្រាស់ជាមួយនឹងជម្រើសបន្ថែមនេះ។ នៅក្នុងរថយន្តម៉ូឌែលឆ្នាំ 2020 របស់ ក្រុមហ៊ុន Camry ក៏បានធ្វើការអាប់ដេតជាច្រើនជាមួយម៉ូដែល TRD ទៅលើស្ទាយ៍របស់វាកាន់តែស្រស់ស្អាត និងទាក់ទាញបំផុត ហើយរថយន្តស្តង់ដាររបស់ក្រុមហ៊ុន Camry នេះ គឺមានម៉ាស៊ីន 3.5-liter V6 engine ដែលមានកម្លាំង 301 សេះ និងកម្លាំងរមួល 267 lb-ft៕