ថ្មីៗនេះ មានពាក្យចចាមអារ៉ាមជាច្រើនដែលនិយាយថា ក្រុមហ៊ុន Apple កំពុងតែធ្វើការនៅលើរថយន្តដែលអាចបើកបរដោយខ្លួនឯងដែលមានកូដឈ្មោះហៅថា “Project Titan”។ ក្រុមហ៊ុនបច្ចេកវិទ្យាអាមេរិកាំងមួយនេះ បានធ្វើការនៅលើគម្រោងនេះ ចាប់តាំងពីឆ្នាំ 2014 មកម្លេះ ហើយថ្មីៗនេះ ពាក្យចចាមអារ៉ាមជាច្រើន បានអះអាងថា បច្ចេកវិទ្យានៃរថយន្តដែលអាចបើកបរបានដោយខ្លួនឯងនេះ នឹងបង្ហាញខ្លួនឆាប់ៗនេះហើយ។
ទាក់ទងជាមួយនឹងរឿងនេះ លោកនាយកប្រតិបត្តិរបស់ក្រុមហ៊ុន Volkswagen បានបង្ហាញពីការជឿជាក់ថា នេះគឺជារឿងមួយធម្មាតាប៉ុណ្ណោះ មិនដូចជាការគំរាមកំហែងនោះទេសម្រាប់ទីផ្សារ។ តាមការបញ្ជាក់នៅក្នុងរបាយការណ៍ចេញពី MacRumors បានអោយដឹងថា នាយកប្រតិបត្តិជាន់ខ្ពស់របស់ក្រុមហ៊ុននេះ បានបញ្ជាក់ថា គាត់មិនភ័យខ្លាចអំពីរថយន្ត Apple Car នោះទេ។
ក្រុមហ៊ុនបច្ចេកវិទ្យាយក្សអាមេរិកាំងមួយនេះ គឺមិនអាចយកឈ្នះក្រុមហ៊ុនឧស្សាហកម្មរថយន្តដែលមានតម្លៃ 2 ពាន់ពាន់លានដុល្លារអាមេរិកនៅក្នុងពេលមួយយប់នោះទេ។ ក្រុមហ៊ុន Apple នៅមិនទាន់បញ្ជាក់ថា ខ្លួនពិតជាធ្វើការនៅលើរថយន្តស្វ័យប្រវត្តិនោះ លោក Diess ជឿជាក់ថា ពាក្យចចាមអារ៉ាម និងរបាយការហណ៍នេះ គឺមានលក្ខណៈសមហេតុផល។ ក្រុមហ៊ុនផលិត iPhone នេះ ក៏ផ្សព្វផ្សាយទៅលើបច្ចេកវិទ្យាថាមពលថ្ម កម្មវិធី software និងការឌីស្សាញរបស់វាផងដែរ។
បន្ថែមពីនេះទៀតនោះ ក្រុមហ៊ុនផលិតជាច្រើនក៏ចាប់ផ្តើមទៅលើការបង្កើតនូវផ្នែកៗជាច្រើននៃការបង្កើតនៅក្នុងឧស្សាហកម្មរថយន្តនេះ។ ក្រុមហ៊ុនផលិតរថយន្តនេះ គឺជាក្រុមហ៊ុនមួយនៅក្នុងក្រុមហ៊ុនផលិតរថយន្តធំបំផុតរបស់ពិភពលោកដែលមានមូលដ្ឋាននៅក្នុងប្រទេសអាល្លឺម៉ង់។ Apple Car គឺស្ថិតនៅក្នុងការផលិតនៅឡើយទេ។ អ្នកវិភាគជាច្រើនជឿជាក់ថា រថយន្ត Apple Car អាចនឹងប្រកាសបង្ហាញខ្លួននៅក្នុងរយៈពេល 5 ទៅ 7 ឆ្នាំទៀត៕