ក្រុមហ៊ុនផលិតរថយន្តរបស់ប្រទេសអាល្លឺម៉ង់ Porsche ទើបតែបង្ហាញនូវរថយន្តអគ្គិសនីរបស់ខ្លួន ដែលមានឈ្មោះហៅថា Porsche Taycan Cross Turismo។ ក្រុមហ៊ុនផលិតរថយន្តមួយនេះ ក៏បានប្រកាសចេញនូវកង់អេឡិចត្រូនិចំនួន 2 គ្រឿងទៀតផងដែរ។
កង់នេះ គឺជាប្រភេទកង់អគ្គិសនីដំបូងបំផុតរបស់ក្រុមហ៊ុននេះ ហើយនឹងចាប់ផ្តើមដាក់លក់នៅក្នុងនិទាឃរដូវនេះផងដែរ។
យោងតាមប្រភពខាងលើនេះ បានបញ្ជាក់ថា កង់អគ្គិសនីនេះ មានឈ្មោះហៅថា Porsche Sport និង Porsche Cross ហើយនិងត្រូវបានឌីស្សាញឡើងសម្រាប់គោលដៅផ្សេងៗគ្នា។ ខណៈពេលដែលកង់ Porsche Sport គឺប្រើប្រាស់ដូចទៅនឹងកង់ទូទៅធម្មតាសម្រាប់ប្រើប្រាស់ជារៀងរាល់ថ្ងៃ ខណៈពេលដែលកង់ប្រភេទ Cross គឺជាប្រភេទកង់ Off-road ។
បើនិយាយអំពីការឌីស្សាញនោះ កង់ Porsche Sport e-bike នេះ គឺមានទម្ងន់តិចជាង 48 ផោន និងមានភ្ចាប់ជាមួយនឹងម៉ូទ័រ Shimano mid-drive ផងដែរ។ កង់នេះ គឺមានតម្លៃ $10,700។ សម្រាប់កង់ Porsche Cross គឺជាប្រភេទ Off-road ហើយវាមានភ្ជាប់ជាមួយនឹង Shimano mid-drive និង carbon fiber frame។
កង់នេះ គឺផ្តល់នូវភាពងាយស្រួលក្នុងការធ្វើដំណើរបំផុតហើយវាមានទម្ងន់ 48.7 ផោន និងតម្លៃ $8,549។ កង់ទាំងពីរនេះ នឹងដាក់លក់នៅក្នុងនាទាឃរដូវឆ្នាំ 2021នេះ៕