តាមព័ត៌មានដែលបានលើកឡើងថ្មីនេះ បានអោយដឹងថា ក្រុមហ៊ុន LG និងក្រុមហ៊ុនផលិតរថយន្តរបស់កាណាដា Magna International បានក្លាយជាក្រុមហ៊ុនរួមគ្នាហើយ។ ក្រុមហ៊ុនទាំងពីរដែលបានរួមគ្នានេះ គឺមានឈ្មោះហៅថា “LG Magna Electronics Powertrain” ឬ “LG Magna e-Powertrain” ។ តាមការបញ្ជាក់នៅក្នុងរបាយការណ៍ថ្មីៗនេះ បាននិយាយថាក្រុមហ៊ុន Apple និង LG Magna e-Powertrain គឺកៀកក្នុងការចុះកិច្ចព្រមព្រៀងហើយ។
ក្រុមហ៊ុនបច្ចេកវិទ្យារបស់អាមេរិកនេះ នឹងត្រៀមខ្លួនក្នុងការសហការជាមួយនឹងក្រុមហ៊ុន LG Magna e-Powertrain នៅក្នុងការផលិតទៅលើរថយន្ត Apple Cars ផងដែរ។ នេះ អាចនឹងក្លាយជារថយន្តអេឡិចត្រូនិចដំបូងបំផុតរបស់ក្រុមហ៊ុន Apple ។ តាមការបញ្ជាក់ចេញពីប្រភពខាងក្នុងនេះបញ្ជាក់ថា ក្រុមហ៊ុន LG Magna e-Powertrain គឺកៀកទៅនឹងការចុះកិច្ចកុងត្រាជាមួយនឹងក្រុមហ៊ុន Apple ហើយ។
ក្រុមហ៊ុនបច្ចេកវិទ្យានេះ នឹងទទួលខុសត្រូវសម្រាប់ការផលិតទ្រង់ទ្រាយធំទៅលើរថយន្តអេឡិចត្រូនិចរបស់ Apple នេះ។ នៅក្នុងពេលនេះ ព័ត៌មានលម្អិតរបស់កុងត្រានេះស្ថិតនៅក្នុងការពិភាក្សានៅឡើយ។ បន្ថែមពីនេះទៀតនោះ របាយការណ៍ជាច្រើន បានអះអាងថា រថយន្តអេឡិចត្រូនិចនេះ មិនមានទំហំធំខ្លាំងនោះទេ។ នេះគឺដោយសារតែគម្រោងរបស់ក្រុមហ៊ុន Apple ក្នុងការប្រកួតប្រជែងនៅលើទីផ្សារ។
ប្រភពអនាមិកជាច្រើនចេញពីក្រុមហ៊ុននេះ បាននិយាយថា ចាប់តាំងពីក្រុមហ៊ុនបុត្រសម្ព័ន្ធជាច្រើនរបស់ក្រុមហ៊ុន LG Group ដែលមានដូចជា LG Display, LG Chem, LG Energy Solution និង LG Innotek នឹងក្លាយជាផ្នែកមួយនៃការផ្គត់ផ្គង់សម្រាប់ក្រុមហ៊ុន Apple នេះ។ ក្រុមហ៊ុនទាំងនេះមានសមត្ថភាពក្នុងការផ្គត់ផ្គង់ទៅលើសមាសភាគ និងគ្រឿងបន្លាស់ជាច្រើនសម្រាប់រថយន្តApple Cars នេះ។ ពាក់ព័ន្ធទៅនឹងរឿងនេះ ក្រុមហ៊ុន LG នៅមិនទាន់មានការឆ្លើយតបអ្វីនោះទេ៕